Sas meravizzas de sa Sardigna: Sas isperientzias chi non si podent ismentigare de faghere a su nessis una borta in sa vida.

Sa Sardigna est una terra de bellesa rara, inube nadura innida, connottu antigu e cultura bera si fundent in d’unu mix unigu.

Unu biatzu in Sardigna non podet ponnere a una banda s’iscoperta de sas plajas suas, cunsideradas sas pius bellas a su mundu. Sa Costa Smeralda, cun sas abbas gristallinas suas e sas baias cuadas comente Capriccioli o sa Plaja de su Principe, sunt sa cona de s’isfartzu naturale de s’isula.

Atterettantu ermosas sunt sa Pelosa de Stintino, cun sa rena fine meda sua e su mare color’e aera, e sas baias pitticcas de sa costa orientale comente Cala Mariolu e Cala Luna. Po chie disizat un’esperientzia fintzas pius escluisiva, unu giru a s’isula de sa Madalena.

Accanta a sa nadura, sa Sardigna custoit un’istoria antiga chi si alenat in sos logos archeologicos suos. S’isula est sa terra de sos nuraghes, cun pius de 7.000 fravicas chi tenent pius de 3.000 annos. Su nuraghe Su Nuraxi in Barumini, mustrat su coro de sa cultura nuragica, mentres su Puttu Sacru de Santa Cristina e sas Tumbas de sos Zigantes ammentant unu passadu riccu de misteru e ritos antigos.

Un’attera bisura netzessaria de unu viaggiu in Sardigna est s’iscoperta de sa coghina sua, un’esperientzia chi faeddat de cosas berteras e ligonzu cun sa terra. Su porcheddu arrustu, coghinadu in tempus meda po baccheare su sapore de sa petta, est su prattu de sas festas sardas. Non pius pagu delissiosos sunt sos culurgiones, prenos de patata, casu de erbeghe e menta, o sas seadas, durches frissos prenos de casu e cuzigados de mele. Tottu accumpanzadu dae una tazza de Cannonau o Vermentino.

Partetzipare a sas festas de su connottu de s’isula est una manera po bivere sa cultura sua pius bera. Sa protzessione de san’Efis in Casteddu est unu de sos abbenimentos pius emossionantes. S’ isfilada Sarda a Caddu de Tattari tzelebrat cun braga su connottu locale, mentres su Carrasegare de Mamuiada, dada unu sensu de misteru e maghia. Custos abbenimentos sunt s’anima de sa Sardigna, inube su passadu e su presente bivent impare in d’unu ecchilibriu perfettu.

Infinis, chie amat s’abbentura non podet renuntziare a iscumbattare sa parte de intro de s’isula. Su trekking in sa Bula de Gorroppu, unu de sos Canyon pius fungudos d’Europa, apparat un’esperientzia uniga a cuntattu cun sa nadura agreste.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22