Sa Sardigna si acattat a perricare una situatzione critiga po s’assitentzia sanidaria de sos pipieddos. S’Isula est priva de unu servitziu de torrada a bida de sos pipieddos chi funzionet 24 oras supra 24 e de una setzione de affianzu dedicadu a sos pitzinneddos chi tenent problemas mannos a su coro.

Custa mancantzia, chi bi est dae paritzos annos, custringhet sas famiglias sardas a che trasladare in presse sos fizos insoro in atteras regiones, cun tottu sos problemas chi nde bessint a pizu siat in su pianu sanidariu chi in cussu umanu.

Sos pipieddos, mescamente cussos cun problemas cumplicados a su coro, tenent bisonzu de curas lestras e ispecializzadas meda. Bell’e gai, sa mancantzia de una setzione de torrada a bida de sos pippieddos in Sardigna, faghet divennere impossibile de garantire un’assistentzia lestra.

A s’ispissu sos pippieddos chi sunt affianzados che teppent essere leados in presse meda in sos ispidales de su continente, accomettande biazos longos e affadicantes, chi podent fintzas peorare sas cunditziones de sa salude insoro. Po sas famiglias, custos biazos sunt un’atteru motivu de sufferentzia, siat emotiva chi accolomica, addia de tennere dudas supra sas cundissiones de sos fizos.

S’USB Sanidade evidentziat comente s’Arnas Brotzu de Casteddu, una de sas pius importantes contesturas sanidarias de s’Isula, siat su logu ideale po accasazare su servitziu chi mancat. S’ispidale tenet giai una Cardiologia de sos pippieddos e un’unidade cualifficada po sas “cardiopatie congenite”, elementos de fundamentu po ponnere impare una setzione de torrada a bida de sos pippieddos. S’attivazione de custu servitziu in su Brotzu tiat permittire de dare sas curas chi serbint derettu in s’Isula, minimande meda sos arriscos de sos biazos e mezzorande sa calidade de s’assistentzia sanidaria de sos pippieddos.

Bellecchì paritzas battallas chi at fattu in custos annos s’USB, sa chistione addurat abberta. Medas sunt bistados sos appellos a sas istitutziones e sas initziativas fattas po indilighire sa zente e sos arrezentes supra custu problema grave meda. Bell’e chi, sos risurtados istentant a arrivare, e sos pippieddos sardos sighint a pagare su pretziu de unu assentu sanidariu chi no resessit a garantire sas curas netzessarias supra s’iscrocca.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sardigna in daesegus in sa classifica supra su clima e calidade de sa vida.

Su clima podet fittare supra sa calidade de sa vida in sas tzittades e sos datos prus reghentes lu cunfirmant fintzas pro sa Sardigna. In sa classifica de sas tzittades printzipales pubbricada dae su Sole 24 Ore, chi controllat sas cundissiones climaticas e su corpu supra sa vida de donzi die, carchi tzittade de s’isula si agattat in sa parte prus bassa de sa classifica natzionale.

In manera particulare est Carbonia a serrare sa classifica cun su 107° postu, s’urtimu intre sas tzittades printzipales esaminadas. S’istudiu leat in cussiderassione paritzos trattos de su clima pro cumprendere cantu sas cundissiones meteo potant influentzare su benessere de sas pessonas e sa vivibilidade de sos tzentros de sas tzittades. S’analisi si accottat supra 15 motivos ligados a su clima. Intre custos bi sunt s’intensidade de s’abba, su numeru de sas nottes in sas cales sa temperadura minima non calat sutta sos 20 grados, sas dies de cardu urtimu, sa presentzia de bentu in su mentres de s’istiu e s’umidesa de s’aria.

In su casu de Carbonia, secundu sos datos regortos, pesant mescamente sas temperaduras artas meda registradas in s’annu e su numeru minimadu de dies frittas o cun abba allongada. Custas cundissiones climaticas fittant supra su risurtadu finale de sa tzittade de su Sulcis chi si acciappat duncas a s’urtimu postu de sa classifica.

Est importante evidentziare chi s’istudiu si relatat a sos datos de su 2025 e non tenet contu de cantu accadessidu in sos primos meses de su 2026, cando totta sa Sardigna est bistada interessada dae una simana de abba prus bundante in cunfrontu a sa media de sos urtimos annos.Una cosa fora de norma de su clima chi at distintu s’incumintzu de s’annu ma chi non recuit in s’analisi impittada po faghere sa classifica.

Abbaidande su restu de sa classifica si nodat chi a sos primos postos si agattant mescamente tzittades supra su mare Adriaticu. A su primu postu de sa classifica bi est Bari. Sa classifica evidentziat comente su clima siat divenninde un’elementu semper prus importante cando si faeddat de calidade de sa vida in sas tzittades. Sas temperaduras artas meda, sos periodos de assuttura o a su contrariu de abba meda sunt cosas chi fittant supra sa salude, s’ambiente e supra sa vida de donzi die de sas pessonas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22