Un’appellu concordu si pesat dae sos sindacados assortidos daenanti a sos cantzellos de sa Portovesme S.R.L.. Sa frimmada anticipada de sa linia de produssione de su zincu, chi a s’incumintzuz si prevediat po su 31 de Nadale, ma chi est bistada frimmada prima de Nadale, at iscadenadu affuscu e dimandas de azzudu lestru po garantire sa continuidade de sa produssione.

Sos esponnentes de sos sindacados ant evidentziadu s’importantzia detzisiva de sa produssione de prumu e zincu po s’iscrocca e po tottu su Populadu. Sas materias produidas in Portovesme sunt essentziales po assulenare una parte de su chi serbit in tottu sa natzione e tenent unu rolu importante meda fintzas po disignos de su tempus benidore comente s’Einstein Telescope.

Sa frimmada de sos impiantos, deffinida comente unu seperu chi andat contra sos accordos cun su Ministeru, arriscat de cumpromittere sa vida de tottu sa favrica. Sos sindacados dimandant a sa multinatzionale Glencore de si leare sas responsabilidades suas e de favoressere, si non si diat cherrere sighire a andare a daenanti, su coladorzu de su controllu a unu suggettu novu chi siat capatze de affiantzare continuidade e imbestimentos

Sos tribagliadores, accostados dae sos esponnentes insoro, ispettant rispostas tzertas. Sa situassione de su Sulcis Iglesiente, giai provadu dae sa crisi industriale de sos urtimos annos, dimandat interventos punnados e imbestimentos.

Sos sindacalistas locales evidentziant comente s’assentzia de una politica industriale intzisiva eppat giuttu a sa crisi de un’iscrocca chi oe biet in s’eintein Telescope un’isperantzia po torrare a naschere. Sa Cisl Sardigna at arremazadu sa netzessidade de bettiare pro chi sa sotziedade frinchet o tzedat s’attividade a chie est dispostu a lu faghere. Portovesme no est solu una fravica, ma una cona po sa comunidade locale e unu pilotto po sas famiglias chi dipendent derettu o in manera reflessa dae issa.

Su Guvernu at cunfirmadu su balore detzisivu de Portovesme. Sa produssione d zincu e prumu est importante meda no solu po s’accolomia locale, ma fintzas po su programma nucleare de ingendra nova e po torrare a impittare sas batterias a su litiu, intentu importante meda po su tempus benidore de su Populadu.

Sas Autoridades ant assiguradu impignu meda po controllare su chi at a faghere sa Glencore e po controllare chi impittet s’inari in manera zusta. Sas autoridades de sa Regione ant fintzas evidentziadu chi donzi detzisione devet rispettare sas regulas chi giai bi sunt, cumpressivas de sos ligonzos de s’impittu e a su cambiu de sos impiantos.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

S’istoria de su Casteddu Fubbalu, s’isquadra simbulu de sa Sardigna.

Sa sotziedade fundada in su 1920 in sa tzittade de Casteddu. Dae prus de chentu annos est unu puntu de relata po s’isport sardu e po medas appassionados de fubbalu. In sos primos annos de s’istoria sua, s’iquadra giogaiat mescamente in sos campionados regionales e minores de su fubbalu italianu. In cussu tempus su Casteddu non fuit ancora intre sas isquadras prus fortes de s’Italia, ma cun su passare de su tempus est creschida e at incumintzadu a mezzorare sos risurtados suos.

Una bortada importante arribat in sos annos Sessanta,cando su Casteddu resessit a arribare in Serie A, su campionadu prus importante de su fubbalu italianu. Dae cussu mamentu s’isquadra incumintzat a si faghere connoschere semper de prus fintzas a livellu naztionale. Su mamentu prus importante de s’istoria de su club arribat in s’istajone 1969-1970. In cuss’annu su Casteddu resessit a binchere s’iscudetto, su campionadu italianu. Est unu risurtadu istoricu pro itte est s’unicu iscudetto binchidu dae un’isquadra de sa Sardigna.

In cussos annos s’isquadra fuit ghiada dae s’allenadore Manlio Scopigno e intre sos giogadores prus importantes bi fuit Gigi Riva. Riva est cussideradu unu de sos attaccantes prus mannos de s’istoria de su fubbalu italianu. Gratzias a sos goals suos est divennidu su simbulu de su Casteddu e fintzas unu de sos giogadores prus amados dae sos tiffosos sardos.

Sa binchida de s’iscudetto est bistada una festa manna po totta sa Sardigna. Fintzas oe cussu sutzessu est ammentadu cun galabera manna e d’est unu de sos mamentos prus importantes in s’istoria de s’isport italianu. Pustis de cussos annos su Casteddu at sighidu a giogare po meda tempus in Serie A, ma at tentu fintzas mamentos diffitziles. S’isquadra at tentu simanas positivas e atteras prus cumplicadas, cun carchi masqada in sas categorias prus bassas. In sos annos Noranta su Casteddu est torradu a tennere resurtados bonos e at partetzipadu fintzas a cumpetissiones europeas, accomettande isquadras de atteros Paisos. Ets bistadu unu periodu importante po sa sotziedade e sos tiffosos.

In sos urtimos annos s’isquadra est bistada in serie A e in serie B.Mancari custu, su Casteddu sighit a essere un’isquadra sighida meda e d’est fintzas oe unu simbulu po totta sa Sardigna.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22