WhatsApp at introduidu una funtzione nova, pensada po chie prefferit de no iscurtare sos nuntzos vocales o po chie tenet difficultades cun s’udidu.

S’annoamentu permittit de copiare sos nuntzos vocales in testu,apparande unu cambiu utile in situassiones in sas cales s’iscurtu est cumplicadu o chi non si podet faghere. Sa funtzione de copiadura, chi in custu momentu est in sa fase de cussinna in tottu su mundu, po su momentu est in battoro limbas: inglesu, portoghesu, ispagnolu e russu. Po s’italianu, at a bisonzare de ispettare po carchi atteru mese.

WhatApp, de propriedade de Meta, at garantidu chi sa Privacy de sos affinadores addurat una prioridade po mezzorare custa funtzione. Sas copiaduras benint isviluppadas in su logu de su chi retzit, chentza netzessidade de collegamentu a Internet. Custu, assigurat chi ne Meta ne atteros potant bintrare in sas chistiones vocales o copiadas. Unu puntu de bista chi est in linia cun s’impignu de WhatsApp po cominicassiones siguras e privadas.

Po abbilidare sa funtzione de copiadura, sos affinadores l’ant teppere attivare cun sa funtzione de s’app, seperande sa limba preferrida in mesu de cussas disponibiles. Una borta fattu custu, copiare unu nuntzu vocale est facile meda: bastat de tennere carcadu supra su nuntzu seperadu e carcare supra “Copia”. Su testu iscrittu ada a bessire in sa mattessi ventana de sa chat.

WhatsApp sinzalat carchi situatzione in sa cale sa copiadura non tiat podere essere disponibbile. Po esempiu, si su seperu de sa limba no est cussu de su nuntzu vocale o si su burdellu de fundu faghet diventare diffitzile s’interpretatzione de sa boghe, ada a podere bessire su nuntzu:” Copiadura no disposta”.

Cun custu azzorronamentu, WhatsApp sighit a mezzorare sa base cun funtzionalidades pensadas po permittere a sos affinadores de usare in manera fatzile s’app, affortigande sa posissione sua comente servitziu de nuntzos, leader a livellu de su mundu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

“Su Nenniri”, s’antigu connottu sardu chi abbisat sa Pasca.

Cun s’arribu de sa Pasca, in biddas meda de sa Sardigna torrat unu de sos connottos prus antigos e ammaghiantes de s’isula:”su Nenniri”. Si tratta de chimizones de ranu o atteros semenes creschidos a s’iscuru, chi affigurant sa torrada a bida e s’isperantzia, ligados a sos ritos de sa Chida Santa. S’ammanitzu incuminzat parizzas dies prima de Pasca, sos semenes benint postos a brotare in bottos pitticcos, a s’ispissu prattos o canisteddos,cuzigados e attesu dae sa lughe. In custa manera creschent fines,craros e delicados, leande unu colore giallu chisinathu tipicu meda.

Sa forma insoro chidrina e s’aera casi de “sufferentzia” crischiant comente iscromba su sacriffitziu e sa morte de Cristus. In su mentres de sa Chida Santa,”is nenniris” che benint leados in cresia e impittados pro adornare sas tumbas, sos artares pro su Giovia Santu. In carchi bidda benint postos cun contivizu particulare impare a frores,qandelas e pannos, creande bistas simples ma prenas de signifficu.Est unu zestu chi aunit fede e connottu populare, chi andat dae ingendra a ingendra.

In comunidades meda, mescamente in sas biddas prus pitticcas, s’ammaniada de sos nenniri est fintzas unu mamentu de cundivisione.A s’ispissu sunt sas feminas e sos bezzos a si nde occupare, impare cun zovanos, chi gai imparant su balore de custos ritos antigos. Custu connottu tenet raighinas attesu meda, mancari ligadas fintzas a ritos de sa laurantza prima de Cristu, chi tzelebraiant su cursu de sa natura e sa torrada a bida pustis de s’jerru.Cun su tempus, custos signifficos si sunt intritzados cun sa religione cristiana, dande vida a una cosa chi oe mustrat impare morte e torrada a bida.

“Su nenniri” non est solu unu elementu de decoradura, ma unu signu fungudu de sa cultura sarda. In d’unu mundu chi cambiat a sa lestra, custos connottos sighint a bivere gratzias a sa memoria de sas comunidades e a su disizu de no perdere sas raighinas insoro.Cun sa Pasca chi est accanta, cussos chimizones divennint gai unu nuntzu simple ma forte:pustis de donzi tempus buggiu, sa vida agatta semper sa manera de torrare a naschere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22