Stonehenge, su famosu logu megaliticu in su mesudie de su Rennu Unidu, tiat podere iscopiare unu capitulu novu de s’istoria millenaria sua gratzias a sa Luna. No solu cona de affilamentu de su sole, su monumentu tiat podere essere bistadu progettadu fintzas po rispondere a unu affilamentu pretzisu de sa Luna. Sa cunfirma de custa supposissione s’ispettat po Bennarzu 2025, cando bi at essere su lunistizio majore, unu abbenimentu raru chi bi est donzi 18,6 annos.

S’archeoastronomo Ruggles at evidentziadu comente Stonehenge si tiat podere affilare in manera perfetta cun su lunistizio, unu fenomenu chi si assimizat a sos solstizios de su sole, ma chi est ligadu a sas posissiones urtimas de sa Luna.

Su lunistizio abbennit cando sa Luna inseat sa fressione pius manna o pius pitticca, bessinde in su puntu pius artu o pius bassu de sa ròdia sua e toccande sos puntos de artziada pius attesu. Custu abbenimentu, si at essere cunfirmadu, tiat essere una proa importante meda de sa capatzidade de sos antigos fravicantes de abbaidare e cumprendere sos meses de sa Luna cun d’una pretzisione chi assuprit.

S’archeoastronomu Giulio Maglide de su Politennicu de Milano at ispiegadu chi su fenomenu de sa Luna prena pius accurtzu a su solstizio de jerru tenet mancari unu signifficu de torrare a bida, e chi propriu su 13 de bennarzu de su 2025 si prenettat s’affilamentu perfettu cun su rettangulu formadu dae sos megalites foranos a su ziru de Stonehenge. Sa

Luna at a naschere in mesu de duas de custas pedras, creande un’effettu ispettaculare chi tiat podere cunfirmare sas ideas de sos istudiosos.

Sas figuras e sos datos regortos cussu die ant essere de fundamentu. Clive Ruggles at a ghiare una truma de espertos de sas Universidades de Oxford, Leicester e Bournemouth, cun s’azzudu de sa Royal Astronomical Society e de s’English Heritage. Sa truma, giai faghidora in sas scruccullas supra su campu dae beranu passadu, at a sighire a reccollere sas proas fintzas a sa metade de su 2025.

Si su fenomenu de su lunistizio at essere documentadu comente si prevedit, Stonehenge at a mustrare po un’attera borta de essere no solu un’opera mastra de s’inzegneria antiga, ma puru unu monumentu chi reflettit s’annanghidura funguda de sos fravicantes suos cun sas fases de su chelu, aggiunghinde un’atteru tasseddu a su misteru e su ammaju de su logu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22