Trainos disparidos oe atzumpeddados, ispendulas torra prenas de abba e fintzas meda, medas temporadas chi sighint a arrivare. Si allumat un’isperantzia tzerta in su nugoresu po sa fine de s’apprettu po s’abba in sos chimbe comunes chi sunt serbidos dae sa diga de Maccheronis-

Torpè,Pasada,Budoni,Thiniscole e Santu Diadoru- inube sunt andande a daenanti sas istrintas de s’abba. S’isprigu de abba, chi a sa fine de su mese de santu againe fit a su 2,5% de su massimu, at incumintzadu infinis a mustrare unu mezoru, mancari de pagu.

Sa Sardigna, e in manera particulare sa parte nord orientale de s’isula, est bistada interessada dae unu abbolottu chi at battidu abba meda in sas urtimas oras. Custu fentomenu at giai fattu pigare su livellu de su Maccheronis, battinde un’isperantzia po un’accreschimentu de sos allocos de s’abba. Sa situassione, chi benit controllada donzi die dae sas autoridades e dae sos espertos, est unu passu importante meda po sa solussione de sa crisi de s’abba, chi at sinzadu sa popolatzione e sas disponibilidades locales.

A s’incumintzu de sa chida, est sighidu a proere meda. Custos numeros sunt unu signale importante meda po sa populassione e sas autoridades locales, impignadas dae paritzos meses a tennere sutta controllu una situassione de siccagna manna e chircare solutziones po garantire sa disponibilidade de s’abba. In sos urtimos meses, sa crisi de s’abba at dadu medas problemas a sos tzittadinos, non solu in sa vida de donzi die, pro itte los at custrintos a gherrare cun sa mancantzia de s’abba, ma puru po su settore de sa laurantza, chi at bidu minimare meda sa disponibilidade de s’abba chi serbit po sa campagna e sos animales. Sos comunes de Torpè, Pasada, Budone,Thiniscole e santu Diadoru ant teppidu leare mesuras istravanadas.

Si s’abba tiat devere sighire a bettare in su tempus benidore, sa possibilidade de torrare a sa normalidade tiat essere semper pius tzerta, battinde assulenu a sas comunidades corpadas e unu mezzoru de sas cunditziones generales de s’iscrocca. Unu accreschimentu de su livellu de sas allocas de s’abba tiat signifficare non solu una torrada a una ispartidura pius tzerta de s’abba, ma fintzas sa possbilidade de prozettare menzus su tempus benidore, cun mesuras novas chi serbint po prevennere situassiones de cris commente custas.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22