Sa chirca de Davide Manca, su navigatore a bela disperdidu in sos montes de Monte Arcosu, sunt torradas a incumintzare custu manzanu cun medas omines e a predas lebadas de zente meda cualifficada.

Sa cussorza de Siliqua, chi est unu logu meda abriu e diffitzile pro bi arribare, benit iscumbattada bene dae sas colunas de sos Vigiles de su fogu, imparis cun sos Elicotteros de s’Alighera, chi permittint de s’ispostare in presse meda, e dae un’isquadra de otto azzudadores de su Nucleo Alpino fluviale, preparados in logos de monte e de sos flumines. A issos s’accostant sos operadores de su Nucleo Cinofili e de su repartu Sapr, chi, gratzias a s’impittu de Droni cun telecameras termicas, bolant supra sos logos inube est pius diffitzile arribare, po chircare andalas chi pottant serbire po l’acciappare.

In tottu, casi 50 Vigiles de su fogu partetzipant a sas operassiones, chi recherrent unu livellu de cumpetentzia istravanada po iscumbattare in siguresa sa cassa de sos flumines, unu logu perigulosu meda. Sos Vigiles de su fogu, imparis cun sas isquadras , SAF(Speleo Alpino Fluviali) sunt iscumbattande cun attentzione meda donzi possibile via de intrada, baludande donzi arviu, cun s’isperantzia de acciappare unu signu de s’omine disperdidu.

In custu iscenariu, sunt importantes meda fintazs sas unidades de sos canes, chi sunt addestrados a reconnoschere sa presentzia de s’omine mancari siat attesu meda e mancari su tempus non siat bonu, e sos drones (SAPR), chi affiantzant su controllu dae su chelu pro itte tenent sistemas novos.

Un contribbudu importante meda benit dadu dae su sitema Dedalo, unu apparitzu IMSI catcher, usadu po chircare de aggantzare su signale de su telefoneddu de su disperdidu e sinzare su logu de sas chircas. Custu apparitzu permittit de reconnoschere su signale fintzas in logos inube est diffitzile de bi arribare, e apparat un’atteru istrumentu de pretzisione in sas operassiones de succursu. Su cordinamentu de sas operassiones est cumandadu dae sa Prefettura de Casteddu, chi cordinat sos Vigiles de su fogu, tecnicos de su succursu Alpino Fluviale, sa politzia, garantinde s’impittu perfettu de tottu su chi est disponibile.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Referendum supra sa zustissia, itte prevedit sa refforma supra sa cale ant a votare sos italianos.

Su 22 e 23 martu sos italianos ant essere giammados a votare pro detzidere si cambiare carchi parte de sa Costituzione in sa parte de su funtzionamentu de sa magistradura.Supra s’ischeda elettorale bi at essere una dimanda meda cumplicada pro itte bi sunt solu sos numeros de sos articulos de sa Costituzione chi ant essere cambiados, chena ispiegare in manera simple cale sunt sas novidades chi si prevedint.

Su referendum no est pro problemas medas chistionados de sa zustissia italiana, comente sos protzessos longos meda o sa mancantzia de pessonale in sos tribbunales. Su votu si cuntzentrat imbetzes supra s’ordiminzassione de sa magistradura e supra sas regulas de su tribagliu de sos magistrados. Sa refforma prevedit tres cambiamentos printzipales e importantes.

Bidimolos. Su primu est s’ispitzigu intre zuighes e pubbricos ministeros. Oe bintrant in sa magistradura cun su mattessi cuncursu e faghent parte de su mattessi assentu. Cun sa refforma sos duos caminos diant essere divididos in manera deffinitiva. Segundu chie agguantat su cambiamentu custa divisione diat faghere divennere su zuighe prus indipendente in su mamentu in su cale devet dezidere si una pessona est innozente o affartada. Chie est contrariu, invetzes, pensat chi su sistema de oe affiantzet giai ecchilibriu e chi ispitzigare de su tottu  sos duos rolos potat creare difficultades novas.

Su segundu puntu est pro su Cunsizzu Superiore de sa Magistradura, s’organu chi si occupat de sas carrieras de sos magistrados. Sa refforma prevedid de lu ispitzigare in duos: unu dedicadu a sos zuighes e unu a sos pubbricos ministeros. Sos partetzipantes diant essere seperados cun d’unu sorteamentu e non prus cun d’una elessione. S’urtimu cambiamentu est pro su sistema chi dezidit pro sas penalidades a sos magistrados. Sa refforma prevedit sa creassione de unu organismu novu chi si diat occupare propriu solu de custos protzedimentos.

Cun su referendum sos tzittadinos ant deppere seperare si mantennere sas regulas de como o faghere custos cambios in su funtzionamentu de sa magistradura italiana. In sas urtimas chidas custas votassiones ant tentu azzesu su cunfruntu politicu e sas animas de sos partidos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22