Unu finantziamentu de 2,5 miliones de euros est destinadu a duos progettos chi serbint po torrare a cualifficare su tzentru de Cabhudherra e una de sas zuras de campagna chi isettant dae tempus meda operas de
urbanizzatzione primaria. Su Comune est prontu a ponnere a postu sa zura a lacana de sa plata Sardigna e sa localidade Perda e su Gattu.

Custos interventos faghent parte de unu programma de sanamentu de sos cuartos tzittadinos e de sas zuras de forania, cun s’intentu de revertire Cabhudherra gratzias a sos finantziamentos chi at dadu sa Regione Sardigna. Su sindigu at illustradu su progettu po sas operas de sanamentu, nande chi tottu sos progettos sunt bistados giai finantziados e ant essere appaltados intro sa fine de s’annu, cun cantieris chi ant abberrere a s ’incumintzu de su 2025. Po sa ricualifficatzione de Perda e su Gattu, at essere postu in campu unu milione de euros po garantire sa sicuresa idrogeologica de cussu logu, chi cuberrat domos e attividades de maistros.

Ant essere fattas operas po regollere sas abbas biancas, pontriccas in sos canales e po finire, ponnere s’isfaltu in sas carrelas, in sas cales cando proede non si podet passare. Su cumplessu de plata Sardigna, malosiadu meda dae s’istrossa de accua chi aiat corpadu su tzentru de Cabhudherra, at essere acconzadu in manera deffinitiva. Po custu progettu sunt arrivados 1,5 miliones de euros. Cust’opera est de fundamentu, no solu po resovere sas difficultades idrogeologicas, ma fintzas po dare unu trattu novu a unu de sos puntos pius friorosu de sa tzittade.

S’assentu de sa plata Sardigna at essere fattu po zuras, e nde ant a serbire tres po finire s’opera. Si prevedint interventos in sa zura de sos jocos e sos parchizos de sa carrela Grassia Deledda, cun attentzione particulare po ponnere in siguresa su canale iscopercadu, inube ant essere fattos controllos po chircare sos iscarrigos abbusivos. Galu , at essere torradu a essere cualifficadu su betzu campu de fubalu a chimbe, sas domittas che las ant a bogare e at essere posta a postu s’istruttura de s’ENEL.

No solu Perda e Gattu, ma fintzas atteras zuras de forania ant a tennere benefitzios dae custas operas de sanamentu. Su Comune est programmande de accomettare fintzas sos problemas istoricos de atteras zuras, chi andant addia sa parte finale de cursu Gramsci.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Einstein Telescope, sa Sardigna puntat supra Sos Enattos: un’istrumentu pro istudiare s’univressu.

S’Einstein Telescope est un’istrumento iscientificu addaenantis medas chi at a permittere a sos istudiosos de iscrudignare sas undas gravitatzionales chi arribant dae s’univressu primarzu e de istudiare sos fenomenos de su trettu chi oe non podimos ancora biere.

Si trattat de unu osservadoriu de ingendra nova chi nos at a podere azzuare a cumprendere menzus comente est naschidu e creschidu s’Univressu. Gratzias a sa dilighesa manna sua at essere possibbile iscrudignare abbenimentos cosmicos istravandos comente sa tumbada intre toffos nieddos o intre istellas de neutrones abbeniddos miliardos de annos faghet.

Sa Sardigna at a presentare ambas sas possibbiles formas de s’osservadoriu: cussa a triangulu e cussa cun duas istrutturas a forma de L. Carchi istudiu at mustradu chi sa soluzione cun duas L diat podere dare risurtados iscientifficos menzus e minimare carchi arriscu tennicu. S’idea est cussa de faghere custa solutzione imparis a sa Sassonia, creande una collaborassione intre Istados Europeos divressos supra unu de sos disignos iscientificos prus importantes de sos annos imbenientes.

Pro sos iscientziados su situ de Sos Enattos, in s’iscrocca de Luvula, est unu de sos logos menzus in su mundu pro fraigare custu osservadoriu. Est difattis una zura meda muttiga dae su puntu de bista sos terremotos e casi briva de cale si siat burdellu motivadu dae sas attividades de s’omine. In prus sa rocca presente sutta de terra est adatta meda a sos iscavos netzessarios pro fraigare sas istrutturas chi ant a accasazzare sos istrumentos iscientifficos.

Su fraigu suo diat podere mustrare un’occasione manna po s’iscrocca. Unu disignu comente custu podet battire imbestimentos novos e occasiones meda de formazione. Sa presentzia de s’osservadoriu diat podere favoressere sa creschida de sa chirca iscientifica e apparare possibilidades novas pro istudiantes,chircadores e tennicos chi tribagliant in sas zuras de s’iscientzia e de s’inzennieria.

Unu fraigu iscientificu gai importante diat podere battire beneffissios fintzas a s’accolomia locale. A inghiriu de su disignu diant podere naschere attividades novas ligadas a sa chirca, modernissassione e servitzios chi serbint pro accotzare unu tzentru iscientificu internatzionale mannu meda. In prus diat podere affortigare sa collaborassione intre universidades, tzentros de chirca e istitutziones europeas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22