Su regista sardu Mauro Aragoni at abbisadu una nova e meda isettada bessida chi at a faghere cuntentos tottu sos amantziosos de Dylan Dog e de sa casta horror. Po Halloween, at essere pubbricada una puntada particulare de sa tzelebre serie de fumettos, intitolada “L’oscuro messaggero”.

Custu numeru novu promittit de essere meda cottu e cruu, propriu in linia cun su s’ambiente cottu de sa festa. S’istoria, imbentada e iscritta dae su mattessi Aragoni, est giai a su tzentru de medas afficcos, gratzias a sa fama de su regista, chi in passadu si est ischidu distinghere po su gustu suo de sa visione e de sa contassia chi sunt unicos.

Mauro Aragoni est connoschidu dae su pubbricu po su” cortometraggio” Nuraghes, un’opera prena de ammaju chi at iscumbattadu su mundu de sas paristorias de sa Sardigna, ammisciande su rapper sardu Salmo, e po sa serie internatzionale Thet Dirty Black Bag, unu western cruu e prenu de violentzia chi at conchistadu un’ala manna meda de sos ispettadores supra Netflix Usa.

Po “L’oscuro messaggero”, Aragoni at tribagliadu cun un’attera importante figura de su fumettu italianu, Pasquale Ruju, unu de sos istoricos autores de Dylan Dog e Tex, issu puru de issidas sardas. Custa cooperassione de sos duos autores ligados a sa Sardigna, terra de misteros e paristorias, at dadu vida a un’istoria chi promittit de essere funguda, grave e ricca de imprevidios.

A faghere divennere meda pius accisante s’ambiente de custa puntada, bi sunt sas friguras de Antonio Marinetti, illustradore espertu po creare ambientes cottos, chi at ischidu interpretare bene meda sa visione horror de Aragoni.

Ma sos ispantos non finint inoghe. Po tzelebrare Halloween, Sergio Bonelli Editore at detzisu de faghere divennere custu abbenimentu meda pius particulare. In piusu de sa solita edissione regulare chi at essere disposta in tottu sas edicolas dae su 14 de Sant’Andria, at a bessire puru un’edissione particulare de collessione, chi est giai creande frementu. Custa edissione particulare at essere arricchida dae una mantichedda lenticolare in 3D, un’occasione chi no solu faghet divennere su fumetto un’oggettu de collessione, ma lu cambiat in d’una bera e propria esperientzia de sa vista. S’edissione limitada at essere presentada po sa prima borta a su Lucca Comics, abbenimentu cardine in sa bista de su fumetto.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sas Salinas de Casteddu intre istoria, connottu in s’iscrocca de Santa Gilla.

Sas Salinas de Casteddu sunt unu de sos logos prus tipicos de su sud de sa Sardigna e si agattant in sa zura de s’istagnu de Santa Gilla, a pagos passos dae sa tzittade. Cust’iscrocca aunit in manera unica su tribagliu de s’omine e sa ricchesa de sa natura, creande una bista particulare, fatta de bartzas de abba, colores e mudores. S’istoria insoro est antiga meda e arribat dae su tempus de sos romanos, cando su sale fuit produidu irfruttande su sole e su bentu. Cun su colare de su tempus s’attividade est creschida e si est ordiminzada semper menzus, divenninde una fortza de fundamentu po s’accolomia locale.

Pro annos meda su sale produitu in Casteddu est bistadu bendidu fintzas in atteras iscroccas, dande unu contribbudu a s’isviluppu de sa zura. S’assentu de sa produssione est simple ma balidu. S’abba de su mare benit fatta bintrare in sas bartzas e dassada ispaporare gratzias a su cardu e su bentu. Cando s’abba si ritirat, su sale addurat in su fundu e benit regortu. Est unu protzessu naturale chi ancora oe sighit ritimos ligados a sas istajones e sas cundissiones de su clima.

Addia de s’aera produttiva, sas salinas sunt fintzas unu logu naturale de balore mannu. S’istagnu de Santa Gilla est difattis una zura importante meda pro sos animales, mescamente sos puzzones. Intre sos prus connoschidos bi sunt sa zente rubia, chi in sos annos sunt divennidos una cona de s’iscrocca. Imparis cun issos bivent medas atteras zenias chi acciappant in custas abbas unu logu ideale pro pappare e si pasare.

In sos urtimos annos sunt divennidas unu puntu de arribu semper prus apprezziada dae chie bisitat Casteddu. Semper prus pessonas si accostant a custu logu pro iscoperrere comente si produet su sale e pro iscrudignare sa natura dae accurtzu. Sos colores de sas bartzas e sa bista abberta faghent divennere sa zura ammaghiante meda, mescamente in sas oras de s’intrichinu.

Sas salinas sunt oe un’ecchilibriu intre passadu e presente. Dae una parte sighint a contare unu connottu antigu ligadu a su tribagliu e sa produssione de su sale, dae s’attera sunt un’ambiente naturale de diffendere e balorizzare. Sas salinas de Casteddu sunt meda prus de unu logu produttivu. Sunt una parte importante de s’istoria e identidade de s’iscrocca, unu esempru de comente s’omine e sa natura potant bivere impare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22