Est incumintzada in manera uffitziale s’abbentura de su Casteddu Fubbalu femininu. S’iscuadra ruja e blu, naschida cust’istiu gratzias a una coperassione cun sa sotziedade istorica Mediterranea Casteddu, marcat un’isparghimentu importante meda in s’offerta isportiva de su Club.

Cun custu disignu, su Casteddu partetzipat po sa prima borta a sa Serie A feminina de sa divisione fubbalu a 5, partetzipande po sa prima borta in su mundu de su futsal.

S’isquadra nova mustrat s’arrivu a unu accordu cun sa Mediterranea Casteddu, chi dae casi trint’annos est unu pilotto de s’isport de sa tzittade. Gratzias a su sutzessu de s’istagione passada, sa Mediterranea at festadu su primu istoricu calu in sa pius importante serie de su fubbalu a 5 femininu, ghettande sas bases po custa sotziedade detzisiva chi at battidu a sa naschida de su Casteddu Fubbalu a 5 femininu.

Sa prima bessida de s’isquadra bi est bistada pagas dies faghede fora de domo cuntra sa Lazio. Mancari siat bistada derrottada dae sas meres de domo, sa partida est bistada unu passu importante meda po segare s’astragore e leare cunfidentzia cun su campionadu. Sas de su Casteddu, mancari eppant tentu carchi difficultade, ant mustradu pibere e determinu,scientes de podere creschere e mezzorare in su mentres de s’istagione. Como, s’attentzione si tramudat a su prossimu addobiu, sa partida in domo cuntra s’Atletico Foligno, de su 6 de santuAini. At essere un’occasione po sas piccioccas de si riscattare e si faghere balere in daenanti de sos tiffosos insoro, chi ispettant cun galabera de biere a s’opera sa formassione nova.

S’abbisu de su disignu fit bistadu dadu in su mese de austu, cun galabera meda dae parte de sa dirigentzia de su Casteddu, chi at evidentziadu s’importantzia de accottare su fubbalu femininu e su futsal, balorizzande una realtade isportiva chi si est isfroscande in tottu s’Italia. Su Casteddu Fubbalu a 5 femininu no est solu un’occasione po faghre biere de pius s’isport, ma fintzas po affortigare su ligamene cun sa tzittade e offerrere possibilidades novas a sas zovanas isportivas sardas.

Sa naschida de custa isquadra mustrat s’impignu forte de su Club po cherrere creschere in tottue, poderande su movimentu femininu e favoressende su fubbalu a 5 comente campu chi potat attirare semper pius amantziosos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Su logu de s’iscultura: s’istravanadu museu chentza barras ‘e muru de sa Sardigna.

Partinde dae sa metade de sos annos Noranta, Tortulè e Arbatax sunt divennidas s’iscenariu de un’esperientzia artistica uniga in sa casta sua: unu museu de iscultura a s’abbertu connoschidu comente “Su logu de s’iscultura”,”il luogo della scultura” in sardu. Su disignu naschet in su 1994 po initziativa de unu fundadore culturale e s’abberat s’annu imbeniente cun d’una prima istallatzione antologica. S’idea est cussa de intregare s’arte de su tempus de oe in sa tessidura de sa tzittade e nadurale, revertinde s’iscrocca in d’unu beru e propriu cataffale de creatividade.

Su museu s’isfroscat supra duas deretturas printzipales: una parte de intro accasazzada in s’ex mercadu tzivicu de s’ottighentos, chi unu tempus fuit una presone, e unu percursu in fora chi est longu casi otto kilometros rugande sas carrelas de Tortulè, sa fratzione de Arbatax, Monte Attu e sa costa de Porto Frailis. Accanta a custu caminu si addobbiant operas fattas cun materiales divressos comente attariu,ferru, granitu, bidruresina, cimentu e ramene, in d’unu faveddu chi sighit cun sa bista, sos elementos nadurales e s’architettura de sas biddas. Carchi istallatzione est divennida una cona: comente “Nagjima”, un’istella a battoro puntas de attariu ismaltadu chi est posta accanta a Porto Frailis e “Grande Sipario”, chi giogat cun su logu de sa bidda comente chi esseret unu drappu teatrale.

Su museu accasazat puru tribaglios de nomenes importantes de s’arte de su tempus de oe, in mesu de sos cales Mauro Staccioli, Maria Lai,Umberto Mariani,Antonio Ievolella, Alessandra Bonoli, Pietro Coletta e Hidetoshi Nagasawa. Sas operas non sunt simples elementos de decoradura, ma divennint parte de sa fittiania de s’iscrocca, apprettande cunsideros e abberinde trettos de cunfrontu intre arte, comunidade e ambiente. In sos annos su disignu at incluididu fintzas sas iscolas, assotzios e tzittadinos in attividades de formassione e buttegas, affortigande gai su ligonzu intre sa populatzione locale e s’arte.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22