Sas dies passadas, sa Guardia de Finantzia de Nugoro, imparis cun sa Politzia Economica-Finantziaria e su Gico de Casteddu, ant fattu un’operassione importante meda po cuntrastare su trafficu de sustantzias abberelantes. Custa operassione at fattu secuestrare 3.500 piantas de cannabu contipizadas illetzidamente in sas campagnas de Onne, Mamuiada e Sarule.

S’assione de sas fortzas de s’ordine est bistada possibile gratzias a sas notissias arrivadas dae sa cumpanzia aerea de sa Guardia de Finantzia de Elmas. Custas notissias ant permittidu a sos finantzieris nugoresos de ordiminzare un’operassione balida, columintzada non solu cun su secuestru de sas piantas, ma fintzas cun sa signalatzione a s’Autoridade Giuditziaria de tre pessonas po aere contipitzadu in manera illegittima piantas de cannabu, po produere marijuana.

Sos controllos supra sas piantas secuestradas ant mustradu chi sa perzenia de THC(su printzipiu attivu de sa marijuana) fit noe bortas pius artu de su limide cunsentidu dae sa leze. Custa perzenia arta de THC dimustrat chi dae sas piantas secuestradas si tiant podere ottennere casi 1.500 kg de frores e fozzas siccadas, prontas po sa bendida. Secundu cantu si pensat, su balore de sas piantas secuestradas, una borta postas in su mercadu nieddu, aiant potidu fruttare 15 miliones de euros.

S’operassione de sa Guardia de Finantzia est unu passu in daenanti in s’impignu de donzi die in sa lutta contra su trafficu de sustantzias abberelantes, unu fenomenu chi corpat non solu sas alas de produssione ma fintzas sa sicuresa e su benessere de sas comunidades locales. Sas attividades de controllu, postas impare a operassiones punnadas po su sucuestru e s’arrestu, sunt de fundamentu pop cuntrastare in manera balida custa attividades chi non sunt cussentidas e diffendere sos tzittadinos.

Cust’assione, non solu minimat s’offerta de droga in su mercadu, ma dat unu nunziu craru a chie faghet trafficu de droga: sas fortzas de s’ordine sunt semper baidanas e lestras a si movere po diffendere sa leze e sa salude pubbrica.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Tribulìa in sa plaja in Casteddu: piccioccu de seighi annos agattadu mortu pustis de una festa a denotte.

Un festa in atta ‘e mare est finida in sa manera pius drammatiga. Est ancora imboddicada in su misteru sa morte de Mariano Olla, 16 annos, naschidu in Casteddu, ma chi dae carchi annu bistaiat in Sestu, su corpus de su cale est bistadu acciappidu a s’arbeschida de dominiga 15 de lampadas in sa plaja intre su portu de Su Siccu e sa passizzada scalu de Sant’Elia.

A iscoperrere su corpus, a deghe metros dae sa riva, sunt bistados piscadores e zente chi faghiat su bagnu in cussu logu. In presse meda sunt arrivados sos Viglies de su Fogu po su recuberu de su corpus, sighidu dae s’arribu de sa politzia e de su 118, chi ant potidu solu cunfirmare chi su zovanu fit mortu. Su piccioccu teniat ancora sas iscarpas e sos pantalones curtzos, ma non teniat sa maglia. No presentaiat sinzos de violentzia.

Secundu sos primos pensamentos, intre su notte bi diat essere bistada una festa propriu in cussa plaja pitticca e franta, pagu attesu dae su coro de sa “movida” de sos zovanos de su portu turisticu de Su Siccu. Addurat peroe de accrarare si Mariano esserat deabberu intre sos partetzipantes a sa festa e, si custu est beru, itte potat essere capitadu in sas oras imbenientes.

Sa plaja in sa cale est bistadu agattadu su corpus, una limba de rena pitticca in daesegus de su molu de su portu, si podet segudare dae una caminera de terra chi partit dae su parchizu Coro, su mattessi impittadu dae sos tiffosos po sas partidas a sa Unipol Domus, s’Istadiu de su Casteddu. A curtzu si agattant puru s’istadiu bezzu e su Lazzaretto. Sa Politzia at fattu partire sas scruccullas po accrarare sos motivos de sa morte. Sunt gia bistados iscurtados sos familiares de su piccioccu e si est chircande de torrare a fraigare sas urtimas oras de sa vida sua.

Unu puntu de fundamentu de s’iscrucculla at essere de cumprendere si su piccioccu si siat istesiadu a sa sola, si si siat intesu male, o si bi siant bistados elementos de arriscu in sa serana. At essere importante sa resessia de lotomia.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22