Unu passu importante po sa meighina sarda est bistadu fattu in s’ispidale Santu Frantziscu de Nugoro, inube po sa prima borta in s’isula sunt bistados postos marker viantziarios po trattare sos bugnos de sa prostata.

Custa tenniga nova, usada in oncologia, permittit de assebertare su bugnu cun d’una pretzisione urtima prima de faghere sa radioterapia a su malaidu. Su sutzessu de custa protzedura est dadu dae sa coperassione de duos rampos importantes de s’ispidale: s’Unidade Operativa Cumplessa de Urologia affilada dae su duttore Stefano Malloci, e sa Radioterapia Oncologica, guidada dae su duttore Francesco Fenu. Custa coperassione at gia battidu resurtados importantes, cun tres malaidos chi ant tentu beneffissios dae su trattamentu in manera balida e sigura.

Sos marker viantziarios sunt apparitzos pitticcos chi benint insertados in su logu corpadu dae su bugnu, po essere puntos de relata cando si faghet sa radioterapia. Gratzias a sa presentzia insoro, sos duttores podent controllare cun pretzisione su logu in su cale si acciappat su bugnu, minimande gai a sizigu sos dannos a sos zassos sanos accanta. Custu assentu novu permittit de alcansare unu risurtadu oncologicu simizante a cussu de sa suligiania de su connottu, ma cun d’una imbasione meda pius bassa.

Unu de sos afficcos pius importantes de custa tennica est su reduimentu de sos effettos chi sunt assotziados a sos trattamentos. A differentzia de sa suligiania, chi podet tennere arriscos importantes po su malaidu, su
posissionamentu de sos marker viantziarios e sa radioterapia mirada imbeniente apparant un’arriscu bassu meda de cumplicassiones. In pius, su trattamentu dimandat pius pagas setzidas in cunfrontu a sa radioterapia cunventzionale, unu vantazu importante chi mezzorat sa calidade de sa vida de su malaidu.

Un’atteru puntu de fortza de custa tennica est sa velotzidade sua: su trattamentu in cunfruntu a sas curas de su connottu, est meda pius curtzu. Custu cumportat unu minguamentu de sas bintradas in s’ispidale, una bisura de fundamentu po sos malaidos giai sgangagliados dae sa maladia.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Unu babbu in Siliqua, at fattu un’attu istravanadu, seperande de perdonare su fizu de bindighi annos in daenanti de tottus, chi lu aiat abbulteddadu a su tzrugu in d’una briga intro de sa macchina. S’accadessimentu tragicu est capitadu po unu momentu de tesone in famiglia, chi est finidu cun d’una reatzione fogosa de su zovanu, ma cussu chi at fartadu de pius est bistada sa reatzione de su babbu.

Cun d’unu post supra de Facebook, s’omine at cherfidu cundividere non solu su dolore fisicu e s’emossione po s’affraccada, ma mescamente su sentimentu de amargura profunda po s’assentzia de su fizu, espressande cun paraulas chi toccant su coro s’attibbitzione sua e su disizzu de appaghiamentu.

“Mi faghet pius male chi tu non che sias de cussu chi mi as fattu”, at iscrittu su babbu, cun d’unu limbazzu simple ma prenu de emossione. Su riferimentu a s’assentzia de su fizu reflettet unu dolore pius fungudu cunfrontadu a sa ferida fisica: sa distantzia e su de aere isfassadu sue de essere in bonas cun su fizu. Luego pustis de s’affraccada, s’omine che lu aiant leadu in presse meda a s’ispidale, inube aiat deppidu essere operadu po sa ferida a su tzrugu. Bell’e gai, mancari s’arriscu e sa sufferentzia fisica, su babbu at seperadu de no si cuncentrare supra sa violentzia, ma pius supra de s’amore.

In sa dichiara sua, prena de affettu e perdonu, s’omine at fintzas cherfidu evidentziare chi, cale si siat cosa esseret accadessida, issu tiat essere adduradu accanta a su fizu. “Bellecchì tottu su chi est sutzessu, appo essere semper cun tegus”, at promittidu, in d’unu sinzale craru de dedissione dae parte de unu babbu e de amore chentza limides. Su perdonu offertu no est solu un’attu de attibbitzione, ma unu imbidu a tappulare unu ligonzu segadu, a torrare a tennere una relata chi, mancari s’attu drammatigu, s’omine creet potat essere recuberada. In su nuntzu pubbricu, su babbu faghet cumprendere de disizzare abberu de binchere su chi est sutzessu e de podere torrare a abbratzare su fizu.

“As a biere chi ammos torrare a nos addobbiare”, iscriet, cun d’una promissa chi andat addia su perdonu de su momentu, indittande unu tempus benidore in su cale babbu e fizu si potant appaghiare e sanare imparis dae sas feridas, non solu fisicas ma fintzas de s’emossione. Custu nuntzu est prenu de una voluntade forte meda de torrare a fraigare e de non si dassare distruere dae su dolore.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22