Sunt bistados annos de sacrifissios tostos po tottus, ma a sa fine de sos contos, su risurtadu est arrivadu e sos isfortzos nostros sunt bistadospremiados, at nadu s’assessore a sa Laurantza de sa Sardigna, Gian Franco
Satta – sa Sardigna est unu modellu de sighire, in particulare dae cussas Regiones, commente sa Lombardia, chi oe si acciappant in difficultade manna meda. Fintzas in s’isula, sa maladia pariat chi no esserat possibile
de la derrottare, ma gratzias a unu progettu bene trassadu, fundadu supra s’iscientzia e unu modellu organizadu bene e balidu meda, est arrivadu su sutzessu.

Si sas pesaduras sardas podent cantare bittoria, sa situassione in su restu de s’Italia est fintzas a como diffitzile meda. A pius de milli dies dae s’iscoperta in Piemonte de su primu casu de unu porcrabu positivu a su virus, difattis, s’avantzada de sas cundiduras non est minimande po nudda. A dies de oe, cun 20 casos in sas pesaduras, sa Lombardia, chi accasazat sa metade de tottu sas pesaduras de porcos in Italia, addurat sa regione pius fartada. Sa peste porchina est giai minettande dae accurtzu fintzas carchi logu de su Piacentino e su Modenese, chi sunt su bantzicu de sa produssione DOP natzionale.

Po custu motivu sos pesadores e sos industriales sunt semper pius affuscados. In tottu s’Italia sos logos de maladia registrados in sas pesaduras sunt 50. Intre petza e insaccados, sa filera de sos porcos in Italia, a dies de oe balet 13 miliardos de euros.

Po custu motivu, sos assotzios de sos pesadores dimandant chi su Guvernu accrescat s’accottu:” Si teppet faghere carchi cosa cun sos indennizos a sos pesadores, narat Confagricoltura, addìa chi po sos dannos chi derivant dae su sterrinamentu, puru po tottu cussas dittas chi sunt patinde dannos po atteros motivos po sa frimmada de sas movidas.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22