Su Museu Novu de sa Laguna de Cabuterra at abbertu sas giannas a sos visitadores in manera uffitziale, pustis de unu interventu importante meda de rennovamentu finantziadu dae su PNRR. Postu in s’istorica Domo Spadaccino, inue bi est sa dipendentzia de su CEAS de Cabuterra Laguna Santa Gilla, su museu est como pius modernu e funtzionale, cun allestimentos novos e logos disignados po essere incluisivos e accasazosos po donzi tipu de pubbricu.

Su cunviadu de su MULAG(Museu de Sa Laguna) at bidu s’intzidida de Piera Levi Montalcini, figura importante po bandire sa cultura iscientifica in Italia. Sa presentzia sua at dadu grandesa manna a s’abbenimentu, giughinde unu nuntzu de ispirassione, mescamente po sas ingendras novas. In su mentres chi fit faeddande, Levi Montalcini at evidentziadu s’importantzia de sa determina po inseare sos sonnios de donzunu, faghinde corazu in particulare a sos zovanos, pro chi pottant creere in sas capatzidades insoro.

Su sindicu de Cabuterra, Beniamino Garau, at espressadu suddisfassione manna po aere torradu a abberrere su museu, deffinindelu su “frore a s’ogheddu” de s’iscrocca. Garau at evidentziadu commente su logu novu de su Museu siat un’occasione po faghere menzus connoschere sas calidades de s’ambiente e de sa cultura de cussu logu. Sa Laguna de Santa Gilla, chi inghiriat Cabuterra, est una de sas alas naturales pius importantes de sa Sardigna, e po mesu de su Museu at essere possibile iscumbattare sa biodiversidade e s’importantzia ecologica.

Su Museu Novu de sa Laguna si ponet duncas commente unu puntu de relata po su turismu culturale e iscientificu, contribbuinde a balorizare s’iscrocca de Cabuterra e apparande a su pubbricu unu logu inube connoschere e appretziare sas ricchesas naturales e istoricas de sa Laguna de Santa Gilla. S’incluisividade de sos logos, pensados po accasazare visitadores de donzi edade e cun donzi tipu de esigentzia, mustrat s’impignu de su Museu po faghere divennere sa cultura atzessibile a tottus.

Cun custu capitulu novu, su Museu de sa Laguna diventat non solu unu polu culturale, ma puru unu logu de educassione e creschida personale, inube sos visitadores podent imparare, s’ispirare e accostare a sa bellesa naturale de sa Sardigna.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Porto Cervo, serradas sas iscruccullas supra sa morte de Gaia Costa.

Sunt bistadas serradas sas iscruccullas supra s’irgianada morte de Gaia Costa, sa picciocca de 24 annos de Tempio trabentada s’8 de triulas de s’annu passadu in su mentres chi fuit rugande sas tziras pedonales de sa bia Aga Khan in Porto Cervo, cando si fuit pasande dae su tribagliu suo de baby sitter. Sa zovana fuit connoschida e amada dae tottus,po s’arrisu suo e sa disponibilidade assa parte de chie nde tenzerat bisonzu.

A rugare Gaia est bistadu unu SUV ghiadu dae Vivian Spohr, manager tedesca e muzzere de Carsten Spohr, amministradore delegadu de Lufthansa,in vacantzia cun sa famiglia in Costa Smeralda. Spohr est scruccullada po mortoriu istradale. Sos accertamentos tennicos supra su telefoneddu de chie fuit ghiande e su SUV sunt bistados fattos dae sa Procura de Tempio. Dae su controllu de cussu chi est sutzessu, con s’esamene puru de su video-controllu, bessit a pizu chi sa zovana fuit rugande sas tziras pedonales a sas 13 de manzanu cando su SUV at de bottu torradu a camminare, trabentandela.

Secundu sos cunsizzeris seperados dae su Tribbunale, sa tuccada de su SUV est motivada “cun donzi probabilidade dae una grae e sighida disattenztione de sa femina chi fuit ghiande, chi non si est abbizzada de cantu fuit sutzedinde a sa dresta sua, controllande solu s’andada in daenanti de sa macchina chi teniat in daenanti”. Sas iscruccullas escuidint chi sa disattentzione bi siat bistada po curpa de su telefoneddu o pro su motivu chi sa macchina eppat funtzionadu male, cunfirmande chi sa femina teniat sa prena visibilidade de sa zura inube bi fuit sa picciocca.

Oe, in su mentres chi sas iscruccullas sunt accabbadas, sa comunidade de Tempio sighit a pranghere sa perdida de Gaia. Zovana, lampante e sempre pronta a azzuare chie le bistaiat accanta, s’assentzia sua s’intendet in manera funguda in Porto Cervo e Tempio. In sas dies pustis de S’incidente sunt naschidas bogadas a campu po l’ammentare: fraccadas, addobios po l’ammentare e mamentos de preghiera chi ant bistu sa partetzipassione de amigos, connoschentes e tzittadinos aunidos in su dolore.

Fintzas in su Bastione de Casteddu, dae pagu ant mustradu una fottograffia sua  in su mentres de unu programma televisivu connoschidu meda. Gaia addurat in su coro de tottus comente una picciocca ispeciale, amada po sa bontade e su meledu suo luminosu, e sa memoria sua sighit a ispirare chie l’at connotta.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22