Sos Zigantes de Mont’e Prama, ant tentu unu sutzessu istravanadu in s’urtimu numeru de su chidajolu Topolino, tantu chi sas copias sunt bistadas bendidas in meda pagu tempus.

Custa abbentura, chi si tenet in Sardigna e chi est bistada fatta cun esperientzia meda dae s’iscrittore Bruno Enna e dae s’illustradore Luca Usai, at acciappadu in presse meda s’immaginazione de sos lettores, cunfirmande sa popularidade de sas istorias chi fundent sa cultura locale e sa contassia de oe.

S’ammaju de unu murigu chi junghet su misteru de sas istatuas sardas antigas e sa maghia de sos “fumettos” Disney at corpadu in su sinnu, arrivande a su coro de unu pubbricu de appassionados mannu meda. Su sutzessu de su “fumetto” reflettit s’interesse chi creschet semper de pius po s’istoria e sas paristorias ligadas a sa Sardigna, un’isula ricca de prendas artisticas e culturales e chi medas bortas sunt pagu connoschidas a fora de sas affrontaztiones regionales.

S’affiguratzione de sos Zigantes de Mont’e Prama at permittidu be balorizare de pius custu patrimoniu, gratzias a sa sensibilidade e a sa cura artistica de Enna e Usai. Po more de sa dimanda manna, sa Fundatzione Mont’e Prama est bistada abertida dae sa Panini, chi in sas dies pius accurtzas sos ispartidores ant a frunire sas edigulas, garantinde chi tottus potant comporare custa edissione ammaghiante meda.

Sa bessida de su numeru nou de Topolino, est abbennida merculis 7 de austu, e at donadu un’esperientzia unica a sos fans, introduindelos a unu murigu riccu de abbenturas e iscopertas, tottu ingastadas in su brillante iscenariu sardu.

Sos Zigantes de Mont’e Prama, conas de s’istoria sarda, sunt bistados mustrados cun meda contivizu e rispettu, attirande s’attentzione supra una chergia pius pagu connoschida ma ammaghiante de su patrimoniu culturale italianu.

Custu azzudu intra sos artistas non solu at giuttu a daenanti su connottu de su “fumetto”, ma at puru apparadu un’occasione de consideru supra sa ricchesa culturale e istorica de sa Sardigna. Su riscontru prenu de galabera de su pubbricu, mustrat commente sas istorias nostras chi balorizant sas raighinas de sa cultura, junghindelas a sa creadividade moderna, potant bogare un’interessu mannu e unu appretziamentu intra sos lettores de donzi edade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Notte de maghia a s’unipol Domus: su Casteddu dominat su Verona.

Una serana de incornissare po su Casteddu e sos tiffosos suos. Sapadu sero s’Unipol Domus si est revertida in d’unu teatru de emossiones, inube sos ruju e blau ant dadu vida a una prestassione de macchine contras su Verona, fatta de intensidade, calidade e personalidade manna. Una partida chi at addurare istampada in sa memoria de su pubbricu casteddaju pro su giogu espressadu e su tremesu mustradu dae s’isquadra.

Fintzas dae sos primos mamentos su Casteddu at leadu in manos su pallinu de su giogu, pressande in artu e apprettande sos veronesos a si difendere. S’isquadra at mustradu ideas craras, movimentos lestros e una cumpattesa manna intre sas partes, dande s’impressione de potere corpare in cale si siat mamentu. Su goal de su vantaggiu, arrivadu in su primu tempus, at premiadu una manovra lurinosa e bene fraigada, faghinde iscoppiare s’istadiu.

Prima de sa fine de su primu tempus est arrivadu fintzas su secundu goal, cun d’una giogada ispettaculare chi at azzessu in manera deffinitiva sa galabera de s’istadiu. Unu goal cona de sa serana, capatze de arregare tennica, corazu e calidade, chi at mandadu su Casteddu a si pasare cun d’unu vantaggiu meritadu e su controllu prenu de sa partida.

In su secundu tempus sos ruju e blau non ant minimadu su ritimu. Antzis, ant sighidu a ispinghere cun determina,approffittande fintzas de sas difficultades de su Verona, chi fuit adduradu in deghe omines. Su Casteddu at controlladu sa boccia cun maduridade,cambiande defensa e attaccu, chentza mai dare s’impressione de cherrere amministrare su risurtadu.

Commente passaiant sos minudos sunt arrivados atteros duos goals, fruttu de cuncentratzione e de frittesa, chi ant serradu in manera deffinitiva sos contos e revertidu sa partida in d’una festa bera pro su pubbricu de domo. Donzi retza est bistada accollida cun d’unu sderroccu, accumpanzadu dae su attinu de abbaidare una de sas prestassiones prus accabbadas de s’istagione.

Addia de su risurtadu, a corpare est bistadu s’ispiritu de s’isquadra: unu Casteddu unidu, cravosu, capatze de si azzuare e sacrifficare, ma fintzas de divertere e si divertere. Una bittoria chi dat cunfiantza, morale e cunfirmat sa creschida de sa truma, mandande a daenantis cun fortza sas ambitziones ruju e blau.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22