Tommaso Locci triunfat po sa terza borta de fila: at essere torra issu a ghiare Monserrato commente sindigu.

Locci, giai sindigu in iscadentzia e torradu a eligire commente chimbe annos faghede, at retzidu un’attera borta sa cunfiantza de sos abitantes de Monserrato, unu comune chi est in s’ala de Casteddu. In d’una cumpetissione elettorale serrada, Locci at binchidu supra de sa ribale de su Campu Largu, Valentina Picciau, binchinde po pius pagu de 200 votos.

Sa porfia de Locci e Picciau est bistada gherrada fintzas a s’urtimu votu, evidentziande s’importantzia de donzi prefferentzia chi ant dadu sos elettores. S’andada a sas urnas po sa secunda votassione est bistada de
su 47%, pius bassa de su 56% chi bi est bistadu cando aiant votadu sa prima borta. Custu calu de partecipassione faghet pensare a una disapprensione generale o una mancantzia de cunvocassione de sos elettores.

Sa binta de Locci est una cunfirma de sa fiducia chi sa comunidade tenet in sa ghia sua e in sas capatzidades amministrativas suas. In sos mandados de sos annos prima,Locci at tribagliadu supra frontes divressos po
mezzorare sa calidade de sa vida in Monserrato, e essere bistadu eleggidu un’attera borta cheret narrere chi tzittadinos meda creent in sa continuidade de s’operadu sou.

Dae s’attera parte, sa derrotta de Valentina Picciau, mancari siat bistada una cuncurrente battallera, narat chi bi est po Locci un’azzudu forte meda po Locci intro de sa comunidade. Sa paga differentzia po sa binta, faghet cumprendere chi mancari Locci eppat binchidu, una parte manna de sos elettores est in chirca de unu cambiamentu o de afficcos politicos novos.

Cun cusu tertzu mandadu, Locci at a tennere s’occasione de affortigare sos disignos suos e de affrontare sas porfias de su tempus benidore chi Monserrato at a teppere affronantare. S’amministratzione sua si at a teppere cuncentrare supra temas detzisivos commente s’isviluppu de s’accolomia, sa contestura de sa tzittade e s’unione sotziale de sa tzittade, chircande de rispondere a su chi sos tzittadinos si ispettant e de mezzorare de pius su benessere de sa comunidade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Turismu, record novu po sa Sardigna: presentzias meda

Sos datos de s’istajone 2025 mustrados a sa Bit de Milano.

Su 2025 est bistadu un’annu eccetzionale po su turismu in Sardigna, cun numeros de record de bisitadores chi ant cunfirmadu s’isula intre sos logos prus disizados de su Mediterraneu. S’istajone at registradu una creschida custante in sos mesese de istiu e fintzas in s’istajone bassa, mustrande comente semper prus turistas seperent sa Sardigna fintzas in beranu e attonzu,attirados non solu dae sas plajas suas, ma fintzas dae sa ricchesa de cultura, natura e enogastronomia.

Sa capatzidade ritzettiva de s’isula est creschida meda, cun albergos e extra albergos novos, chi ant permittidu de accasazzare bisitadores chi arribant dae tottu s’Italia e dae fora. Intre sos istranzos sunt parizzos sos turistas chi arribant dae Germania, Francia, Svizzera e Regno Unito, mentres in Italia, sa Sardignas addurat unu logu preferridu po chie benit dae Lombardia e Lazio. Fintzas sos aeroportos de s’isula ant registradu una creschida de sos passezzeris, cunfirmande un’accreschimentu custante e s’interessu internatzionale pro sa Sardigna.

Addia de su turismu balneare, est creschinde meda s’offerta ligada a sos abbenimentos culturales, isportivos e a sa balorizzatzione de sos burgos e de sos caminos intre s’isula, chi at permittidu de dividere sos arrivos in atteras istajones e apparare esperientzias divressas. Abbenimentos comente su Giru de Sardigna in bicicretta e s’Americas Cup de bela in Casteddu sunt opportunidades importantes po faghere arribare bisitadores fintzas in sos meses chi benint cussiderados prus calmos, cun recaidas positivas po s’accolomia locale e po sos albergos de s’isula.

Su sutzessu de s’istajone 2025 cuffirmat s’importantzia istrategica de su turismu po s’accolomia sarda. Non si trattat solu de numeros e presentzias, ma de una parte chi dat unu contribbudu a mantennere bivu su connottu, balorizzare su patrimoniu naturale e culturale e creare logos de tribagliu. Sa Sardigna est mustrande de essere capatze de apparare unu turismu sustenibbile, divressu e de calidade, capatze de faghere arrivare bisitadores italianos e istranzos tottu s’annu.

Abbaidande a su tempus benidore, s’isula puntat a affortigare de pius custa creschida, imbestinde in sa promotzione internatzionale, in sa cura de sas iscroccas e in sa balorizzatzione de tottu su chi rendet sa Sardigna unica in sa bista de su mediterraneu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22