S’addobiu de s’archeologia e de sa tecnologia si bogat a pizu in d’una unione armuniosa in Nora, dande s’occasione a tottus de podere ammirare sas bellesas de unu de sos logos pius ammaghiantes e mconnoschidos, non solu in s’isula, ma puru a livellu natzionale e de tottu su mundu.

In dun’ottiga de incluisione semper pius marcada, chi punnat a faghere diventare sa cultura e sa bellesa atzessibbiles a tottus, est bistadu presentadu a s’istampa su disignu nou de sa zura archeologica. Custu abbenimentu de chenapura 14 de lampadas, tzlebrat s’abertura un’attera borta de su camminu chi che leat a su Tempiu de Esculapiu, pustis de chimbe annos de serrada e s’incumintzu de sos novos indittos de notissias, arricchidos de novas iscentificas de su logu de Nora.

Custos indittos si annoditant po essere ordinzos de comunicatzione incluisiva, cun tecnologia video, chi permittint puru a sas pessonas chi no bient e no intendent de godire de sa bisita a su logu. Gratzias a unu meccanismu nou chi tenet fintzas unu QR code, su chi bi est iscrittu lu podent cumprendere puru cussos chi usant su limbazzu de sos signos(LIS), cun sa presentzia de video interpretados e boghes chi ghiant in mesu de sas informatziones.

Custu disignu, gratzias a sa Fundatzione Pula Cultura Diffusa e da su comune de Pula, faghet unu passu in daenanti importante meda po podere bintrare e godire de sos benes culturales. Sa zura archeologica de Nora, si annoditat commente su primu logu in Sardigna a creschere un’assentu de comunicatzione e de limbazzu de custu tipu, faghinde diventare sa bisita de su logu incluisiva po sa cultura.

In pius de sa tecnologia nova, sos indittos iscentificos sunt bistados azzorronados cun sas iscopertas archelogicas pius novas fruttu de su tribagliu fattu imparis dae sos istudiosos chi arribant dae battoro Universidades: Casteddu, Milano, Padova e Genova.

S’attentzione po podere bintrare il sos logos de cultura est un’impignu de donzi die de s’Istitutu de sos Surdos de Torino, chi dae su 2007 at tribagliadu po dare sa possibilidade de bintrare in medas logos culturales
de tottu s’Italia. Custu tribagliu, fattu dae proffessioneris cualifficados, testimonzat un’impignu reale po faghere diventare sa cultura una cosa chi potat essere abberu po tottus.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22