Sa detzisione de sa Giunta Regionale de sa Sardigna de nomenare Alessandro Inghilleri commente responsabbile de sa protessione de sos elementos (RPD), po su momentu, sighinde sa proposta de sa presidente Alessandra Todde, est unu passu importante po sighire su regolamentu (UE) 2016/79 supra sa protessione de sas notissias personales e sa libera tunda de custas notissias.

Custa nomena, chi balet fintzas a su 31 de triulas de su 2024 oppuru fintzas a sa congruida de sas proceduras po nde
nomenare un’atteru, mustrat s’impignu de s’amministrassione regionale po garantire sa cufformidade a sas regulas de s’Europa po sa privacy.

Tambene, supra una proposta de sa Presidente, ant votadu su mezzoramentu de sos indiritzos operativos po sas attividades de preparassione e po s’isboligamentu de sas accorradas de sa Giunta Regionale. Benit fundada sa “pre Giunta”, cunvocada dae su capu de cabinette de sa presidentzia e allargada a sos capos de cabinette de sos atteros assessorados, pro mezzorare sa lestresa e sa coordinassione intro de s’esecutivu regionale.

Un’attera detzisione importante meda est cussa chi annuddat sa delibbera 6/17 de su 23 de frearzu 2024, chi appartennet a sa confirma de sos istudios po sa possibilidade de faghere ispidales novos, presentados dae sas Aziendas de su Serviziu Sanidariu Regionale. Custa movida l’at proponnida s’assessore a sa sanidade, Armando Bertolazzi, e presentat una baludassione critica supra de sa mancantzia de sa cobertura finantziaria e de su tempus chi serbit, in sa delibbera de sa Giunta Solinas.

S’iscantzellatzione de sa delibbera supra de sos ispidales novos, at fattu cummentare a sa Presidente Todde, chi at postu in evidentzia sa mancantzia de organissasione e su bisonzu de tennere in cunsideru tottu sos effettos supra de s’assentu de sa sanidade in tottu su cumplessu sou. Custu accadessimentu evidentziat s’importantzia de unu controllu discretu de sas possibilidades e de una organissasione accurada po garantire unu assentu de sa sanidade balente e agguantabile.

In piusu, sa Giunta at approvadu sos cumpensos po sos foranos de sa Segreteria Tecnica-iscentifica de su Comitadu Morale de s’iscrocca (CET)Sardigna, incarricande s’Azienda Regionale de sa Salude(ARES) de pagare sos cumpensos a poi de sa rendicontassione. Ant puru istabilidu sas regulas regionales po sas curas in domo a livellu base, incarricande su Servitziu de sa Direzione Generale de sa Sanidade de annodare su sistema Informaticu de sa regione po trassare sas curas.

Po finire, sa revoca de sa delibbera 35/14 de su 25 de santuaini 2023 chi appartennet a s’azzorronamentu de sos recuisidos po s’autorissasione de sos servitzios residentziales po su trttmentu de sa dipendentzias estremas, mustrat s’impignu po unu controllu critigu de sas politicas cabidianas po mezzorare sa balidia e sa balentia de su sistema sanidariu regionale.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22