Su Museu MAN de Nugoro, presentat “Le Affinità immaginate”, una istravanada apparada dedicada a sa collessione istorica sua, chi bessit dae sos archivios po unu disignu de una noa interpretassione e posta in campu.

Custu percursu est bistadu ingendradu po interessare in manera faghidora, tottu sa comunidade locale, promovinde unu cunsideru supra chistiones de s’identidade, cun d’una mirada chi addurat peroe dilica a sos afficcos universales.

Bidu dae unu afficcu chi andat dae sa pitticca a sa manna istoria umana, sa Sardigna, s’arte e sa cultura sua, mustrant unu esempru chi disignat accadessimentos pius mannos, unu cuncentradu de esperientzias chi esprimini cussas de s’Italia in generale, mancari siat alindadu a unu campu de s’iscrocca pius mannu.

Un’iscrucculla pius cumprida, chi iscumbattat arricchimentos, donassiones e prestidos, permittit de torrare a interpretare sas connessuras de suggettos e autores,affigurassiones e cambiamentos in d’una manera noa e divressa. S’apparitzamentu de su MAN de Nugoro, ispiradu a una ispetzia de macchina de su tempus, si che istesiat dae s’incontru de su tempus tradissionale, creande interrussiones, viazzos in su passadu e in su presente, ammentos e bardanas in su presente, po bessire a bogare a fora in sos ispettadores affinidades possibiles, eredidades de alliccu o de sustantzia.

In manera particulare sunt prenos de signifficcu sos donos a s’artista mannu sardu Costantino Nivola(seperadu dae Adriano Pedrosa, chi si est interessande de sa pius accurtza Biennale de Venezia, po sa mustra sua de sos disterrados in su mundu), Jorge Eielson( In linia cun sas tzelebrassiones de medas istados de su mundu po sos chentu annos dae sa naschida sua) e a Guido Strazza, mastru de s’astrassione italiana dae pustis de sa gherra in daennantis, ligadu a sa Sardigna po mesu de sa famiglia e po una amigantzia de cherbeddu cun Maria Lai. Strazza at donadu in manera generosa meda a su MAN de Nugoro, tres oberas mannosas, chi ant essere isponnidas po sa prima borta.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Ulassai si preparat a sa Biennale de arte de custos tempos.

Ulassai si preparat a accasazare un’edissione nova de sa Biennale de arte de custos tempos, un’addobiu culturale chi in sos urtimos annos est assuminde unu rolu semper prus importante in sa bista artistica de sa Sardigna. S’abbenimentu at a partire su 21 de martu, revertinde pro paritzos meses sa bidda ozzastrina in d’unu logu de addobiu pro artistas, istudiosos, appassionados e bisitadores chi arribant dae donzi parte de s’isula e non solu.

Mustras, istallatziones, addobios e mamentos de cunfrontu ant a animare sos logos de sa bidda, apparande a su pubbricu s’occasione de si accostare a s’arte de custos tempos e de iscoperrere limbazos creativos novos. Sa Biennale est dedicada a sa frigura de Maria Lai, una de sas prus importantes artistas italianas de su Noighentos e ligada in manera funguda a sa terra sua de issida. Ulassai est difattis sa bidda in sa cale s’artista est naschida e inube at dassadu unu signu forte meda pro mesu de paritzas operas chi negossiant cun sa bista e sa comunidade.

S’edissione de su 2026 de sa Biennale at a tennere comente tema sa lettura de un’opera de arte. S’intentu est cussu de cumbidare su pubbricu a abbaidare sas operas cun meda prus attentzione, chircande de cumprendere sos signifficos e sos nuntzos. Sa derettura artistica de s’abbenimentu est intregada a Gianni Murtas,
cun sos curadores istranzos Giannella Demuro, Ivo Serafino Fenu e Francesca  Sassu. Su tribagliu insoro at giuttu a sa creatzione de unu programma chi ponet impare artistas e operas capatzes de faeddare cun s’iscrocca, cun s’istoria de sa bidda e su pensamentu artisticu de Maria Lai.

A sa Biennale ant a partetzipare prus de vinti artistas chi arribant dae tottue, donzunu cun su propriu limbazu e sa propria chirca. Sas operas ant essere ispartas in paritzos logos de sa bidda, non solu in logos museales ma fintzas in atteros logos culturales e in carchi zura in fora.Custu at a permittere a sos bisitadores de iscoperrere Ulassai: sa Biennale est fintzas un’occasione importante po balorizzare s’iscrocca de s’Ozzastra e favoressere su turismu culturale.

Manifestassiones comente sa Biennale mustrant comente sas biddizolas potant divennere logos de interessu culturale mannu cando resessint a balorizzare s’identidade e su patrimoniu propriu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22