S’assembrea chi est bistada fatta in sa faulosa curnisa de sa fratzione marina de Pittulongu, at attraessidu s’attentzione de pius de 150 pessonas, chi sunt arrivadas non solu dae su mattessi Pittulongu, ma puru dae atteros zassos de cussa ala.

Custu addobiu, ordiminzadu dae unu ballumene de residentes, est bistadu unu momentu importante meda, de cundivisione e de impignu tzivicu po sa comunidade logale. S’intentu printzipale de s’assembrea fit cussu de eligire sas carrigas noas de su direttivu chi aiant teppidu ghiare e rappresentare sa comunidade in sos annos chi ant a bennere.

Est bistadu unu prozessu prenu de signifficu e de democratzia, inube donzi partetzipante at tentu sa possibilidade de
espressare sas ideas suas e sas prefferentzias.

A poi de una baludatzione prena de attentzione de sos candidados e una dibatta chi est serbida po frabicare, sunt bistados elegidos sos reggentes de su direttivu. Custas personas sunt bistadas seperadas po s’impignu insoro, sa cumpetentzia e sa passione po su bene de sa comunidade, e commo tenent su compidu de tribagliare paris po affrontare sas isfidas e agguantare s’isviluppu chi si podet sustennere de Pittulongu.

Son incarrigos direttivos ant a tennere su compidu de cooperare po sas attividades de sa comunidade, de favoressere su faeddare e sa partetzipazione de tottu sos chi istant inie, e de compidare sos benes in manera trasparente e responsabbile. Ant a essere su puntu de relata po donzi initziativa chi serbat a mezzorare sa calidade de sa vida in sa fratzione marina e po nde preservare s’identidade e su patrimoniu
culturale.

In pius, s’assembrea est bistada unu momentu importante meda po affortigare su sensu de appartanentzia e de solidariedade in sos chi istant in Pittulongu. Sa partezipatzione manna meda e sa galabera mustrada in s’addobiu sunt signales positivos meda de sa bivesa e sa determinassione de sa comunidade, po apprettare sos risurtados de tottus.

Como, cun sas carrigas noas a su timone, sa comunidade de Pittulongu abbaidat a su tempus benidore cun cunfiantza e determinassione, pronta po accommettare sas isfidas e collire sas opportunidades chi si ant a presentare in su camminu.

S’assembrea est bistada solu su cuminzu de unu percursu de creschida e de isviluppu po custa affaschinante fratzione marina, e donzunu chi istat inie est giammadu a dare su contribbudu cun s’impignu e sa creatividade po faghere diventare Pittulongu unu logu sempere menzus in su cale bivere e appretziare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Referendum supra sa zustissia, itte prevedit sa refforma supra sa cale ant a votare sos italianos.

Su 22 e 23 martu sos italianos ant essere giammados a votare pro detzidere si cambiare carchi parte de sa Costituzione in sa parte de su funtzionamentu de sa magistradura.Supra s’ischeda elettorale bi at essere una dimanda meda cumplicada pro itte bi sunt solu sos numeros de sos articulos de sa Costituzione chi ant essere cambiados, chena ispiegare in manera simple cale sunt sas novidades chi si prevedint.

Su referendum no est pro problemas medas chistionados de sa zustissia italiana, comente sos protzessos longos meda o sa mancantzia de pessonale in sos tribbunales. Su votu si cuntzentrat imbetzes supra s’ordiminzassione de sa magistradura e supra sas regulas de su tribagliu de sos magistrados. Sa refforma prevedit tres cambiamentos printzipales e importantes.

Bidimolos. Su primu est s’ispitzigu intre zuighes e pubbricos ministeros. Oe bintrant in sa magistradura cun su mattessi cuncursu e faghent parte de su mattessi assentu. Cun sa refforma sos duos caminos diant essere divididos in manera deffinitiva. Segundu chie agguantat su cambiamentu custa divisione diat faghere divennere su zuighe prus indipendente in su mamentu in su cale devet dezidere si una pessona est innozente o affartada. Chie est contrariu, invetzes, pensat chi su sistema de oe affiantzet giai ecchilibriu e chi ispitzigare de su tottu  sos duos rolos potat creare difficultades novas.

Su segundu puntu est pro su Cunsizzu Superiore de sa Magistradura, s’organu chi si occupat de sas carrieras de sos magistrados. Sa refforma prevedid de lu ispitzigare in duos: unu dedicadu a sos zuighes e unu a sos pubbricos ministeros. Sos partetzipantes diant essere seperados cun d’unu sorteamentu e non prus cun d’una elessione. S’urtimu cambiamentu est pro su sistema chi dezidit pro sas penalidades a sos magistrados. Sa refforma prevedit sa creassione de unu organismu novu chi si diat occupare propriu solu de custos protzedimentos.

Cun su referendum sos tzittadinos ant deppere seperare si mantennere sas regulas de como o faghere custos cambios in su funtzionamentu de sa magistradura italiana. In sas urtimas chidas custas votassiones ant tentu azzesu su cunfruntu politicu e sas animas de sos partidos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22