Un’accadessimentu chi at iscuttinadu sa comunidade casteddaja e at ispantadu tottu sa regione, at bidu commente dragomannu una femina de 42 annos, chi bistad in sa capitale Casteddu.

Sos carabinneris de Nuxis e de sa cumpanzia de Carbonia l’ant arrestada pro itte at tentadu de si faghere passare commente duttore in d’una domo po betzos in sa provincia de su Sulcis, in sa parte bassa de sa Sardigna, presentande documentos falsos, chi dimustraiana chi teniat una laurea in meighina, titulu chi però non teniat.

S’arrestu est arrivadu a s’accabu de una scrucculla partida pustis chi tres affileris de sa domo po sos betzos, aiant tentu dudas supra de s’autentighidade de sos documentos chi sa femina aiat presentadu cando fit bistada assunta.

Gratzias a sa signalatzione de sos affileris, sos carabinneris ant fattu partire un’iscrucculla meda funguda chi at
cunfirmadu s’impostura de sos documentos presentados dae sa femina. Sa femina, cando fit faghinde su tribagliu sou, paris cun atteros duttores de sa domo po sos betzos, at partetzipadu a sas visitas chi si faghiant onzi die a sos betzos e at bidu tottu sas cosas chi bi fint de faghere intro de sa domo. Bell’e gai, sos documentos presentados ant alimentadu dudas cando sos carabinneris ant iscopertu chi tottu su chi aiat presentadu fit falsu, commente puru su pabilu de identidade e sa cerificatzione de sos istudios fattos.

Pustis chi s’arrestu est bistadu cunvalidadu, a sa femina li ant impostu de addurare in su comune de residentzia, una cosa chi benit fatta po garantire su rispettu de sas regulas e po prevennere cosas commente cussas in su tempus benidore.

Custa cosa at pesadu medas dimandas supra sa sicuresa de sas proceduras de s’isseperu e s’assuntzione de su personale de sas domos po sos betzos, bogande a campu s’importantzia de controllos pius fungudos e rigorosos po prevennere tramperias e frassias.

Sa comunidade e sas autoridades si sunt unidas in sa firma cundenna de custos trazos, evidentziande s’importantzia de garantire sa pius manna securesa e cumpetentzia in su campu de sa sanidade po su benessere e sa sicuresa de sos malaidos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22