S’accordu, attesu meda, est bistadu in finis concruidu: sa famiglia Moratti, at tzedidu s’istorica arrefineria Saras a s’importante truppa olandesa Vitol, marcande sa fine de una sumana po s’amada isula nostra. A pustis de parizzas chidas de cuntrattassiones e dies de ispeculassiones supra s’incertu tempus benidore de sa sociedade, su cunsensu deffinitivu est bistadu accattadu solu pagas dies faghede.

Sa notissia at iscadenadu una aundada de cunfiantza supra sos mercados finantziarios, cun d’unu creschimentu mannu de su valore de sas assiones de Saras.

Anghelu e Gabriele Moratti, sos ereos de Gian Marco, ant dadu s’accottu insoro a custa operassione, pro itte ambos tenent una parte de su 10% po mediu de sas sotziedades insoro, Angel Capital e Istedda Holding. Est dignu de nota, su fattu chi Angelo Moratti tiat aere dadu mandadu po bendere su 5% de sas assiones de Saras supra su mercadu. S’iscadentzia prossima de su pattu de sindacadu intra Massimo Moratti e sos nepodes Angelo e Gabriele, programmada po su mese de lampadas, at cun meda probabilidade influentzadu sa detzisione de atzettare s’offerta de Vitol.

Sa truppa Vitol, cun su sou forte “track record” e sas trattativas in cursu cun atteros caudiglios de su campu de s’energia, si presentat commente sotziu massimu po affiantzare su benturu sutzessu de sa nomenada arreffineria de Sarroch, chi dae deghinas de annos est unu puntu de fentomu detzisivu peri s’economia de sa Sardigna.

Massimo Moratti, at tentu dae su cumintzu una cunfiantza prena in cust’operassione, evidentziande tottu sos beneffissios chi ant a tennere sos assionistas, sos dipendentes, sos fittianos e tottu sos chi sunt interessados. At retrattu Vitol, comente unu attore industriale de sos primos a livellu de tottu su mundu, e chi tenet sas possibilidades po gherrare in sos mercados internatzionales.

In finis, at espressadu s’isperantzia chi Vitol siat capatze de mantennere e amplariare sa grandesa e sos sutzessos chi fintzas a como at tentu sa Saras. Como si ispettant sas cunsiderassiones de sos caudiglios e de sos dipendentes po custu accadimentu importante meda,chi de sicuru, signat unu puntu de bortada in mesu de su passadu e su benturu de sa Saras.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Unu abbenimentu de violentzia grave meda at bantzicadu s’ispidale Brotzu de Casteddu. Duas operadoras sanidarias de sa setzione de Neurologia, impignadas in su tribagliu insoro a de notte, sunt bistadas affraccadas in manera ifferiada dae sa muzzere de un’omine chi fit mortu dae pagu tempus.

Sa femina, arrenegada meda, est bintrada intro de s’istantzia inue bi fit su corpu de su maridu, isfogande s’arrenegu sou cun violentzia meda supra de sas duas operadoras sanidarias. Custas urtimas sunt bistadas corpadas e amminettadas de morte dae sa femina, chi aiat perdidu de su tottu su compudu de sa situassione.

Murracino, responsabbile de sa Regione de Nursing Up Sardigna, at espressadu indignassione meda po cantu est capitadu, deffinindelu un’atteru attu de violentzia grave meda contra sos operadores sanidarios. Murracino at evidentziadu chi sas duas operadoras sanidarias non ant tentu solu dannos fisigos, ma puru dannos mentales, po s’affraccu chi ant tentu. Su personale sanidariu est intervennidu in presse meda po azzudare sas cumpanzas fertas, mentres sa politzia at provvididu a faghere torrare sa calma e che istesiare sa femina dae s’istantzia, mancari custa epperet amminettadu de torrare armada.

Sas duas operadoras sanidarias pius a tardu che sunt bistadas leadas a su prontu Succursu, inube sos duttores ant controlladu sos dannos chi aiant tentu, fisigos e mentales. Su sindacadu Nursin Up at esprasessadu accottu prenu a sas chi sunt bistadas affraccadas e at appelladu sas autoridades, dimandande chi benzant pigadas in presse mesuras po garantire sa sicuresa de sos operadores chi sunt tribagliande.

Su sindacadu at dimandadu puru a sa Direzione Aziendale, a sa Regione Sardigna e a s’uffitziu de Guvernu de si interessare a sa lestra po faghere in manera chi cosas commente cussas non torrent a capitare, bidu chi sunt capitande semper de pius e non si podent atzettare in d’unu logu de tribagliu chi est giai istraccante meda. At evidentziadu chi sa situatzione in sos ispidales est divennida insupportabbile, cun d’unu aumentu chi affroscat meda de affraccas a su personale, duttores e operadores sanidarios.

At evidentziadu puru s’importantzia de dare azzudu mentale a sos chi ant tentu dannos dae custos abbenimentos e de creare unu logu de tribagliu siguru, inue sos chi tribagliant in sa sanidade lu potant faghere chentza timmere nudda.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22