Sunt dies de affogu e de affuscu po sas famiglias de Karol Canu e Zuseppe Contini, duos zovanos de Terranoa, isparessidos in manera misteriosa su sero de jovia passada. Fintzas a custu momentu, non bi est nisciuna notissia de sos piccioccos de 17 e 15 annos, s’ispesada de sos cales est capitada in manera repente e chi non si podet ispinnicare.

Sa situazione est diventada prus diffitzile po sos aberguadores e sos familiares, puitte tottus duos sos pitzinnos ant istudato sos telefoneddos insoro, faghinde diventare prus complicadu de accattare sa posissione insoro. Sa tzittade de Terranoa commo benit giamada a si unire a sos isfortzos po accattare in su pius pagu tempus possibile Karol e Zuseppe, isperande chi s’appellu potat faghere arribare informatziones chi serbana po los faghere torrare.

Su babbu de Zuseppe, Antoneddu Contini, at dimandadu a tottu sa comunidade, de dimandare a chiesisiat tenzat informatziones de giamare in presse sos Carabineris o de giamare su numeru 393/0910803. In su nuntzu sou, Antoneddu, at puru frunidu particulares nodidos de comente funt bestidos sos piccioccos a su momentu de s’isparessida. Zuseppe, 15 annos teniada carzones nieddos, una perfa niedda e iscarpas ruggias e nieddas.

Karol, 17 annos, teniada carzones e una perfa niedda, iscarpas nieddas e teniada puru una cannacca.

S’isperantzia est chi cundividere custas notissias potat serbire a accrarare custu misteru e faghere torrare a domo in su pius pagu tempus possibile Karol e Zuseppe. S’azzudu de sa comunidade est a sa base in momentos comente custos, e s’azzudu de tottus est necessariu po sustennere sas famiglias e agilitai sas chircas chi si sunt faghinde.

Dimando azzudu po fizzu meu chi est isparessidu dae deri sero a sas 19, su telefoneddu est istudadu, iscriet supra de Facebook su babbu de Zuseppe, Antoneddu Contini. Bos prego de nos azzuare a lu accattare. Si calicunu lu biede podet telefonare a sos Carabineris oppuru a mie a su numeru 393/0910803. Cundividide, bos prego.

Dimando azzudu, fizzu meu si est istesiadu dae Terranoa deris a sas 19, est imbetzes s’appellu de sa mama de Karol, Giulia Canu, si giamat Karol Canu, est artu 1.80, bestidu cun ferpa niedda e una paggia de carzones de una tuta, iscarpas nieddas, unu capiale nieddu e una cannacca. Bos prego, azzuademi a lu acciappare. Si calicunu lu iede, podet giamare sos Carabineris, oppuru a mie a su numeru 345/6988830. Cundividide, bos prego, so disisperada.

Su barraggiu de onzi tzittadinu, podet faghere sa differentzia, azzuande a faghere naschere una retza de informatziones chi podet essere fundamentale po accattare sos duos zovanos isparessidos. Sa preoccupatzione creschet onzi die chi passat, e s’isperantzia est chi potat arribare in presse carchi notissia bona chi potat calmare sas famiglias e totta sa comunidade de Terranoa.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Continuidade de s’iscrocca, billettos a pagu preziu fintzas po sos familiares de sos chi bistant in Sardigna.

Si podent comporare da oe sos billettos in continuidade de s’iscrocca riservados a sos familiares de sos chi bistant in Sardigna. Sa novidade est po su sistema de pesos de servitziu pubbricu chi regulat sos collegamentos aereos da e pro s’isula e accreschit su numeru de pessonas chi podent godire de sos pretzios aggevolados.

Sos billettos si podent comporare po sos bolos dae su 29 de martu, die in sa cale at a bintrare in fortilesa su sitema novu de sa continuidade de s’iscrocca. Cun custu seperu sa Sardigna reconnoschet su dirittu de biazzare a pretziu bassu, non solu a chie bistat in s’isula, ma puru a chie, mancari bivat in d’unu atteru logu, tenet unu ligonzu istrintu cun chie bistat in Sardigna.

S’assessora regionale a sas Carraduras Barbara Manca at nadu chi si trattat de unu passu in daenantis importante meda pro itte affortigat su cuntzettu de continuidade de s’iscrocca e tenet contu de su balore de sas famiglias in d’una iscrocca de isula comente sa Sardigna. Su risurtadu est fruttu de su tribagliu leadu a daenantis dae sa Regione Autonoma de sa Sardigna impare cun su Ministeru de sas Infrastrutturas e de sas Carraduras e sa Cummissione Europea, rispettande sas regulas europeas po sos collegamentos garantidos dae s’Istadu.

Ant a podere godire de sos pretzios aggiudados, cun d’unu accreschimentu minimu in cunfrontu a cussos istabilidos po sos chi bistant inoghe, ma cun d’unu pretziu massimu giai istabilidu, sos parentes fintzas a su terzu gradu. At a serbire a fizzos, babbos e mamas, frades e sorres, giagios e nepodes,tios e atteros nepodes. S’azzudu balet fintzas po maridos e muzzeres e po sos fizzos de sos famigliares chi tenent dirittu a s’iscontu.

Sa misura punnat a alcansare chie at dassadu sa Sardigna po motivos de tribagliu o de istudiu ma sighit a mantennere unu ligonzu forte cun s’isula, gai comente sas famiglias chi bivent partidas intre regiones divressas. S’intentu est de faghere divennere prus simple e prus pagu caru su viazu po chie depet torrare a domo pro motivos famigliares.

Sa cabuda de sos billettos a pretziu bassu affortigat duncas su dirittu a si podere movere in d’una regione chi po sa posissione geografica sua depet faghere sos contos cun collegamentos prus cumplicados e caros in cunfrontu a atteras zuras de s’Italia, azzuande non solu sos chi b’istant ma fintzas sas famiglias insoro.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22