Sa Sardigna pranghet sa disparida de duos omines nomenados meda, Paulu Modolo e Paulu Laconi, disparridoso in su matessi die, lassande unu boidu chi non si podet prenare in su campu artisticu insoro.

A 67 annos, Paulu Laconi, connoschidu commente su “Pintore de sa Sardigna prena de coniura”, ada congruidu su percursu sou terrinu, ma s’ispiritu artisticu sou, ada a sighire a bivere cun tottu sas parizzas operas chi ada donadu a su mundu. Faghidore fintzas in sos social, Laconi ada cundivisu sa passione sua po sa pintura, pintande momentos importantes meda, ligados a su folklore de sa Sardigna.

Sos tribaglios suos andaiana dae sa festa de santu Efis, a sos Mamuthones,apparande una mirada drinnida e prena de colores supra de sa cultura ricca meda de s’isula. Sappadu 27 de ennarzu, sos carestosos suos e tottu sa comunidade, si ana addobbiare in su campusantu de santu Migheli, po s’urtimu saludu a custu artista mannu meda, chi ada ischidu trasmittire s’anima de sa Sardigna impittande su pintzellu e sos colores.

Paulu Modolo, 77 annos, su mastru de pannu sardu nomenadu meda, e connoschidu commente su Re de su velludu, nos ada dassadu in su arresettu de sa domo sua de Orane. Sa disparida sua est una perdida grae meda, po su mundu de sa moda de sa Sardigna addia.

Modolo, mancari tenzerede unu male chi non si podiat curare, ada sighidu a si dedicare a sa buttega sua, cumproande una passione rude po s’arte de creare bestires. Cun sa buttega sua, Modolo ada tentu unu rolu fundamentale po preservare ghiare a dainanti sa tradissione de sa beste de su pastore sardu. Sas bestimentas chi ada fattu, cun pannos de primore,commente su velludu,su frustanu, e su foresi, ana conchistadu, non solu sa Sardigna e s’Italia, ma puru s’attentzione internatzionale. Zente illustra meda, commente Frantziscu Cossiga e s’artista Costantinu Nivola, ana bestidu cun braga,sas creassiones suas, cumproande su talentu carraffale de Modolo, cando faghiada bestires a mesura.

Sa comunidade oranesa e sa Sardigna intrea, pranghene po sa disparida de custu “mastru e’ pannos”,un’ommine chi ada ischidu ponnere a pare arte e identidade cun sos bestires suos. S’eredidade sua, non ada essere solu in sos pannos suos e in sas cosiduras,ma supra de tottu, in s’ispirassione chi ada dassadu in daisegus de se. Paulu Modolo ada mustradu chi bestire este puru comunicare e serbidi a allogare s’identidade, una lessione chi ada a sighire a bivere peri sas ingendras benturas.

Sa Sardigna ada gai perdidu duos Mastros mannos, ma s’arte insoro e su contribbudu chi nos ana dadu, ana addurare fittados in sos coros de cussos chi ana tentu sa fortuna de los connoschere e de appretziare su talentu insoro chi addurada unicu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Dinamo Sassari derretta dae Reggio Emilia, divenit prus diffitzile arribare intre sas primas.

Amargura pro sa Dinamo Sassari chi perdet contra su Reggio Emilia pustis de una partida chi pariat sutta de controllu. S’isquadra tattaresa est bistada in daenantis in sos puntos casi po tottu sa partida e a unu tzertu puntu at tentu fintzas unu vantazu mannu. In sos urtimos minudos peroe sos istranzos sunt resessidos a passare in daenantis e binchere.

Sa derretta pesat mescamente pro sa classifica. Si sa Dinamo epperet binchidu diat aere fattu unu passu importante meda pro si accostare a sas primas isquadras de su campionadu. Invetzes cun custu risurtadu sa carrela divenit prus cumplicada e sa distanztia dae sas primas de sa classifica creschet. Pro bona parte de sa partida s’isquadra de Tattari at giogadu bene. At acciappidu canisteddos cun fatzilidade e est resessida a fraigare unu vantaggiu bonu. Su pubbricu de su PalaSerradimigni at agguantadu s’isquadra isperande in d’unu sutzessu chi podiat battire cunfiantza pro sa fine de s’istajone.

In sos urtimos minutos peroe, sa situassione est cambiada. Reggio Emiliaat incumintzadu e recuberare puntu subra puntu mentres sa Dinamo at perdidu unu pagu de siguresa. Carchi assione no est andata bene e sos istranzos nde ant approfittadu pro si accostare semper de prus in sos puntos fintzas a binchere sos tattaresos in su finale.

Intre sos giogadores de sa Dinamo unu de sos menzus est bistadu Desure Buie chi at sinzadu puntos meda e d’est bistadu pro parizzu tempus su puntu de relata de s’isquadra in attaccu. Cando peroe est bistadu cambiadu pro si pasare un’appena su giogu de sa Dinamo at abbaccadu e s’isquadra at tentu problemas a acciappare solutziones novas. Una cosa positiva est arribada dae sa torrada in campu de Marshall pustis meda tempus de assentzia pro problemas fisigos. Su giogadore at incumintzadu bene sa partida sinzande duos tiros importantes dae attesu.

Dae s’attera parte Reggio Emilia at sighidu a bi creere fintzas a sa fine. Carchi giogadore suo at acciappidu canisteddos importantes in sos mamentos detzisivos e s’isquadra est resessida a binchere una partida chi pariat giai perdida. Pro sa Dinamo addurat duncas delusione meda. Pro meda tempus s’isquadra aiat mustradu de podere binchere ma in sos urtimos minutos est cambiadu tottu. Est una de cussas partidas chi dassant delusione pro itte su sutzessu fuit deabberu accanta.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22