In s’isfida tattica de eris, su Casteddu at cumproadu una proa de fortza manna meda, derrottande su Bologna, in d’una partida prena de emotziones chi at bidu sos giogadores de Ranieri, apprettande una vittoria chi at surpresu meda. S’Unipol Domus at bidu una partida bella meda, faghinde su tzacullimanu po s’eccetzionalidade de s’impignu chi at fattu arrivare tres puntos chi benin cunsiderados importantes meda.

Su Bologna, at leadu su compudu de sa partida a metade de su primu tempus, cun Orsolini, chi mancari esserat in posizione non meda bona, at superadu su portieri Scuffet. Ma sa risposta de su Casteddu no at istentadu a arribare, cun Petagna chi at segnadu su primu goal sou cun sa camiseta de su Casteddu, pattande sa partida, in segus de unu errore fattu dae Calafiori e aere binchinde Skorupski.

Su secundu tempus at bidu su Casteddu diventare pius cravosu, cosa chi at fattu arribare s’autogoal de Calafiori chi ada favoridu sos merese de domo. Sa partida est finida a su minutu 96 con sa binta de sos ruju e blu, unu passu fundamentale chi istesiat su Bologna dae sa cursa pro sa Champion League.

Primu tempus: Sos primos bindighi minutos ant donadu paritzas opportunidades a tottas duas sas isquadras, cun Urbanski e Viola, chi ana mancadu s’occasione de sinzare. Su vantaggiu de su Bologna est arrivadu a su minutu vintichimbe cun Orsolini, ma sa resposta de su Casteddu est bistada ghiada dae Petagna, chi at sinzadu su goal de su pareggiu de su Casteddu, a su minutu trintunu.

Su Var at cunfirmadu su goal e s’Unipol Domus at tzacculimanadu in manera forte meda. Su primu tempus est accabbadu cun duos minutos de recuperu e sa zente si l’hat leada cun s’arbitru Manganiello cuntestandelu
a sa fine de su primu tempus.

Secundu tempus: Su Casteddu at cuminzadu su secundu tempus in manera detzisa e aggressivu meda, andande in daenanti cun s’autogoal de Calafiori a su minutu sessantanoe. Su Var at cunfirmadu sa regolaridade de su goal, faghinde cuntentos un’attera borta sos de sa Unipol Domus.

Sa partida est finida cun chimbe minutos de recuberu, cunfirmande sa binchida de su Casteddu e istesiandeche su Bologna dae sa cursa pro sa Champions League. Su nomene de Petagna est bistadu s’orulu de gioa de su pubblicu, chi at fattu cumprendere s’importantzia de sa presta sua in sa binchida de s’isquadra ruju e blu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22