Sa Sardigna sighit a si distìnghere in su panorama gastronòmicu italianu, cun  25 ristorantes e 3 pizzerias tzelebrados in sa Guida Espresso 2022. S’importante reconnoschimentu, atribuidu cada annu dae sa Guida Espresso dedicada a sa coghina italiana, evidèntziat su primore culinàriu de s’Ìsula. A cunfirma de sa costàntzia in su primore, Il Corsaro de Casteddu e Confusion de Porto Cervo poderant sos  “3 Cappelli”, cunfirmende sa resessida giai otenta in su 2021. Sos coghineris Stefano Deidda e Italo Bassi, istellados Michelin, mantenent sa positzione de prestìgiu issoro in sa ghia “I Ristorantes e i vini d’Italia” de ocannu, rapresentende su resurtadu prus artu cròmpidu dae sa Sardigna.

Sa Sardigna, dae nord a sud, bantat como chimbe ristorantes cun “2 Capeddos”, una crèschida manna respetu a s’annu a in antis. Su coghineri famadu carlofortinu Luigi Pomata mantenet sa positzione sua, mentras s’agiunghent a sa lista Hub de Macumere, I Sarti del Gusto in Casteddu, Arkè in Cuartu Sant’Aleni e Da Achille Hotel Moderno in Santu Antiogu.

Leonardo Marongiu, coghineri de s’Hub, cummentat pregiadu: “Semus cuntentos de cust’àteru reconnoschimentu chi evidèntziat sa cosa chi pro nois est prus importante: su valore sotziale de su progetu nostru e sa simplesa chi tramisteus a sos clientes nostros.”

Sos bàntidos non si firmant inoghe, cun àteros 18 ristorantes chi si sunt balangiados su “1 Cappello”. Bator boghes noas s’unint a custa categoria, intre custas Chiaroscuro di Marina Ravarotto in Casteddu, Duanima in su cabulogu sardu, Musciora in S’Alighera e Su Purgatòriu Dani e Pier Restaurant a Tèmpiu.

Sas cunfirmas sunt ateretantu importantes, cun ristorantes de su càlibru de Il Portolano a Santu Paulu Loeri, Somu de Altzaghena-Baja Sardinia, La Rocca de Baja Sardinia e medas àteros chi sighint a mantènnere artos sos livellos de primore culinàriu.

Sas pizzerias sardas non sunt de mancu, cun Framento in Casteddu, Re/Mi in Tàtari e Bosco in Tèmpiu chi ocannu conchistant su reconnoschimentu màssimu de “3 Spighe”. Fintzas Sa Scolla de Casteddu mantenet sa positzione sua de cun “2 Ispicas”.

Sa Sardigna, duncas, si cunfirmat una destinatzione gastronòmica autèntica, unu logu ue sa traditzione culinària e s’innovatzione s’aunint  pro ofèrrere esperièntzias gastronòmicas ùnicas e indimenticàbiles. Sa Guida Espresso 2022 tzèlebrat su talentu e s’aficu de sos coghineris sardos, contribuende a consolidare sa reputatzione de s’Ìsula comente  beru paradisu pro sos amantes de su màndigu bonu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Istadiu de Casteddu, cursa detzisiva assa parte de su bandu:s’intentu est  lampadas pro alcansare Euro 2032.

Su caminu a banda de s’istadiu novu de su Casteddu Fubbalu bintrat in d’una fase importante. S’intentu chi tenent su Club e s’amministratzione comunale est cussu de arribbare a sa pubbricassione de sa porfia pubbrica internatzionale intro de su mese de lampadas, coladorzu importante pro permittire a sa tzittade de Casteddu de addurare intre sas candidadas pro accasazzare carchi partida de UEFA Euro 2032.

Su puntu supra de s’isviluppu de su disignu est bistadu fattu in Roma, in sa sede de sa FIGC, in su mentres de un’addobiu cun s’UEFA, su Comune e sa sotziedade ruju e blau. A su tzentru de su cunfrontu mescamente su rispettu de sos tempos e su livellu de creschida de su disignu tennicu, amministrativu e accolomicu finantziariu de s’impiantu,destinadu a remplasare s’istoticu Istadiu S.Elia, chi che at essere imboladu pro faghere logu a su novu modernu e chi at a serbire pro medas cosas.

Sos tempos sunt serrados. Sa pubbricassione de su bandu intre s’incumintzu de s’istiu est una cosa essentziale pro itte s’UEFA potat ponnere Casteddu in sa lista de sas tzittades candidadas giai intre triulas 2026. Pro custu motivu, intre sas chidas chi ant a bennere si at a cuntzentrare su tribagliu supra sos urtimos coladorzos amministrativos chi sunt de deffinire.

Addurant difattis de ispinnicare paritzos crobos ligados a su dirittu de supraffitzie e a su canone, chi sunt tzentrales po deffinire su Pianu accolomicu e finantziariu chi est preparande s’amministrassione comunale. Solu pustis chi ant essere deffinidos custos puntos at essere possibile trasmittire su Pef a su Ministeru de s’Accolomia e de sas Finantzias, po retzire sa decrarassione de Interessu Pubbricu in Cunsizzu comunale e faghere su bandu internatzionale.

Dae s’incontru romanu est bessidu a pizzu unu cuncordu istitutzionale supra s’importantzia istrategica de s’opera e unu apprezziamentu pro su tribagliu fattu fintzas a como. Su disignu, secundu cantu si connoschet, diat aere apperricadu unu livellu de isviluppu chi benit cussideradu coerente cun cantu benit dimandadu pro un’accadessimentu internatzionale comente s’Europeu 2032.

Parallelamente, si registrat unu mezzoru in sa propriedade de su club. Unu coladorzu chi diat podere garantire meda prus fortesa finantziaria e agguantare s’imbestimentu ligadu a s’impiantu novu, elementu crae in su pianu de creschida de su club.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22