Sas ballerinas e sos ballerinos de s’Iscola de ballu “Numero Uno Latin Empire” de Ceraxus ant otentu unu trìunfu istraordinàriu in sos Campionados Mundiales de dantza, de s’8 a su 10 de santandria in Skopje, in Matzedònia de su Nord. Sa ghia esperta de Marika Impera at contribuidu in modu significativu a sa prova de s’iscola, chi at conchistadu medas medàllias in diversas categorias. Custas is bìchidas de s’iscola ceraxina:

Salvatore Frau at conchistadu su tìtulu de CAMPIONE DE SU MUNDU in su Latin Style Solo Male Adult, dimustrende una capatzidade de cabbale in sa categoria sua.

Su Duetu Synchro Latin Style Junior 2 est istadu dominadu dae Francesca Ispiga e Alessia Rocca, ambas duas proclamadas CAMPIONESSAS DE SU MUNDU, unu resurtadu istraordinàriu chi sutalìniat sa sintonia perfeta e sa tècnica perfeta de sas duas ballerinas.

Marta Masala e Benedetta Farris ant balangiadu su tìtulu de VITZE CAMPIONESSAS DE SU MUNDU in su duetu synchro dance adult, consolidende sa positzione issoro intre sas mègius de su mundu.

Francesca Spiga s’est distinta comente  Vitze campionessa de su mundu in su Solo Female Latin Style Junior 2, dimustrende un’istraordinària capatzidade e espressividade in s’esibitzione sua.

Su Synchro Dance Adult GROUP, cumpostu dae Salvatore Frau, Benedetta Farris, Marta Masala e Francesca Spiga, at conchistadu su tìtulu de VITZE CAMPIONES DE SU MUNDU, testimoniende sa perfeta armonia de grupu e sa pretzisione in sas coreografias.

Su Latin Style Junior GROUP, formadu dae Serena Pillai, Francesca Spiga e Alessia Rocca, at otentu su tìtulu de VITZE CAMPIONESSAS DE SU MUNDU, ponende a notu su talentu colletivu de sas giòvanas ballerinas.

In prus de custas vitòrias, àteros membros de s’iscola ant otentu àteras positziones de impotu in custas cumpetitziones:

Benedetta Farris s’est classificada comente  finalista in su Latin ispetàculu Solo Female Adult, evidentziende s’abilidade e presèntzia iscènica sua.

Serena Pillai at cròmpidu sa finale in su petzi Latin Style Female Junior 2, dimustrende unu talentu mannu in sa categoria sua. Alessia Rocca at cunsighidu sa de 9° positzione in su Solo Female Latin Style Junior 2, evidentziende sa cumpetèntzia sua. Marta Masala at otentu sa de 7° positzione in su Solo Female Latin Style Adult, cunfirmende su primore suo in s’arte de sa dantza. Benedetta Farris at conchistadu su de 6 postos in su Solo Female Latin Style Adult, sutaliniende s’aficu suo e sa maestria sua in s’esecutzione.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Unu babbu in Siliqua, at fattu un’attu istravanadu, seperande de perdonare su fizu de bindighi annos in daenanti de tottus, chi lu aiat abbulteddadu a su tzrugu in d’una briga intro de sa macchina. S’accadessimentu tragicu est capitadu po unu momentu de tesone in famiglia, chi est finidu cun d’una reatzione fogosa de su zovanu, ma cussu chi at fartadu de pius est bistada sa reatzione de su babbu.

Cun d’unu post supra de Facebook, s’omine at cherfidu cundividere non solu su dolore fisicu e s’emossione po s’affraccada, ma mescamente su sentimentu de amargura profunda po s’assentzia de su fizu, espressande cun paraulas chi toccant su coro s’attibbitzione sua e su disizzu de appaghiamentu.

“Mi faghet pius male chi tu non che sias de cussu chi mi as fattu”, at iscrittu su babbu, cun d’unu limbazzu simple ma prenu de emossione. Su riferimentu a s’assentzia de su fizu reflettet unu dolore pius fungudu cunfrontadu a sa ferida fisica: sa distantzia e su de aere isfassadu sue de essere in bonas cun su fizu. Luego pustis de s’affraccada, s’omine che lu aiant leadu in presse meda a s’ispidale, inube aiat deppidu essere operadu po sa ferida a su tzrugu. Bell’e gai, mancari s’arriscu e sa sufferentzia fisica, su babbu at seperadu de no si cuncentrare supra sa violentzia, ma pius supra de s’amore.

In sa dichiara sua, prena de affettu e perdonu, s’omine at fintzas cherfidu evidentziare chi, cale si siat cosa esseret accadessida, issu tiat essere adduradu accanta a su fizu. “Bellecchì tottu su chi est sutzessu, appo essere semper cun tegus”, at promittidu, in d’unu sinzale craru de dedissione dae parte de unu babbu e de amore chentza limides. Su perdonu offertu no est solu un’attu de attibbitzione, ma unu imbidu a tappulare unu ligonzu segadu, a torrare a tennere una relata chi, mancari s’attu drammatigu, s’omine creet potat essere recuberada. In su nuntzu pubbricu, su babbu faghet cumprendere de disizzare abberu de binchere su chi est sutzessu e de podere torrare a abbratzare su fizu.

“As a biere chi ammos torrare a nos addobbiare”, iscriet, cun d’una promissa chi andat addia su perdonu de su momentu, indittande unu tempus benidore in su cale babbu e fizu si potant appaghiare e sanare imparis dae sas feridas, non solu fisicas ma fintzas de s’emossione. Custu nuntzu est prenu de una voluntade forte meda de torrare a fraigare e de non si dassare distruere dae su dolore.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22