Gràtzias a s’òpera “Sospesa di Desulo,” su tzeramista sardu Augusto Mola est istadu seberadu pro leare parte a sa XV Biennale de Arte de Roma.

Su famadu tzeramista e iscultore sardu, Augusto Mola, nòdidu pro sa traditzione sua familiare in sa tzeràmica, at a partetzipare a s’importante eventu de sa de de XV Biennale de Arte de Roma de su 2024, chi s’at a fàghere in su maestosu palatzu Domitzianu in pratza Navona. S’òpera sua, mutida “Sospesa di Dèsulu,” at retzidu una lusinghiera mentovu in sa categoria de s’iscultura.

Sa “Sospesa di Desulo” rapresentat un’òpera masta autèntica chi tzèlebrat sa bellesa e sa cultura sarda. Custa iscultura retraet sa sagoma de una fèmina cun s’iscùfia de Dèsulu,  realizada in fògias de oro, in cuntrastu cun su biancu candidu de su restu de s’istàtua. Custa òpera incarnat sa maestria de Mola capassu de caturare s’essèntzia matessi de sa Sardigna a traessu de s’arte. Est sa testimonia de sa profunda connessione intre su mastru tzeramista e sa terra natia sua, incarnende sa traditzione sarda in una forma de arte cuntemporànea chi resesset a trasmìtere sentidos fungudos.

Sa “Sospesa di Desulo” de Augusto Mola est un’òpera istraordinària chi abbratzat cun elegàntzia e fortza s’eredade culturale de sa Sardigna, in unu modu chi atzisat e afundat sas raighinas in unu passadu ricu de traditziones. Custa òpera no est petzi unu tributu a s’antiga cultura sarda, ma rapresentat fintzas un’innu a s’arte cuntemporànea, pro ite est a tretu de trasformare sa matèria emotziones.

Cust’òpera mastra de Augusto Mola est destinada a lassare un’arrastu mannu in s’arte cuntemporànea e a difùndere su messàgiu culturale pretziosu suo intre su pùblicu internatzionale. Sa “Sospesa di Desulo” est un’òpera chi, cun sa bellesa sua sena tempus, resesset a superare sas làcanas de tempus e ispàtziu, colleghende su passadu e su presente in una tzelebratzione de sa cultura sarda chi at a èssere apretziada in totu su mundu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Ulassai si preparat a sa Biennale de arte de custos tempos.

Ulassai si preparat a accasazare un’edissione nova de sa Biennale de arte de custos tempos, un’addobiu culturale chi in sos urtimos annos est assuminde unu rolu semper prus importante in sa bista artistica de sa Sardigna. S’abbenimentu at a partire su 21 de martu, revertinde pro paritzos meses sa bidda ozzastrina in d’unu logu de addobiu pro artistas, istudiosos, appassionados e bisitadores chi arribant dae donzi parte de s’isula e non solu.

Mustras, istallatziones, addobios e mamentos de cunfrontu ant a animare sos logos de sa bidda, apparande a su pubbricu s’occasione de si accostare a s’arte de custos tempos e de iscoperrere limbazos creativos novos. Sa Biennale est dedicada a sa frigura de Maria Lai, una de sas prus importantes artistas italianas de su Noighentos e ligada in manera funguda a sa terra sua de issida. Ulassai est difattis sa bidda in sa cale s’artista est naschida e inube at dassadu unu signu forte meda pro mesu de paritzas operas chi negossiant cun sa bista e sa comunidade.

S’edissione de su 2026 de sa Biennale at a tennere comente tema sa lettura de un’opera de arte. S’intentu est cussu de cumbidare su pubbricu a abbaidare sas operas cun meda prus attentzione, chircande de cumprendere sos signifficos e sos nuntzos. Sa derettura artistica de s’abbenimentu est intregada a Gianni Murtas,
cun sos curadores istranzos Giannella Demuro, Ivo Serafino Fenu e Francesca  Sassu. Su tribagliu insoro at giuttu a sa creatzione de unu programma chi ponet impare artistas e operas capatzes de faeddare cun s’iscrocca, cun s’istoria de sa bidda e su pensamentu artisticu de Maria Lai.

A sa Biennale ant a partetzipare prus de vinti artistas chi arribant dae tottue, donzunu cun su propriu limbazu e sa propria chirca. Sas operas ant essere ispartas in paritzos logos de sa bidda, non solu in logos museales ma fintzas in atteros logos culturales e in carchi zura in fora.Custu at a permittere a sos bisitadores de iscoperrere Ulassai: sa Biennale est fintzas un’occasione importante po balorizzare s’iscrocca de s’Ozzastra e favoressere su turismu culturale.

Manifestassiones comente sa Biennale mustrant comente sas biddizolas potant divennere logos de interessu culturale mannu cando resessint a balorizzare s’identidade e su patrimoniu propriu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22