Sa cultura locale, su paesàgiu naturale e sos produtos suos chi devenint risursas turìsticas semper prus chircadas. Sunt custos sos argumentos de su biàgiu de  ITACA Migrantes e Biagiadores -Fèstival de su Turismu Responsàbile chi dae chenàbura 8 finas a domìniga 17 de cabudanni, at batire a Ogliastra natura, cunferèntzias, màndigu, aventura, addòbios, laboratòrios cun s’ograda subra su tema 2023 “Totu una àtera Istòria – Sas comunidades contant sos territòrios”.

Su Fèstival, promòvidu dae Yoda Aps e Nexus Emilia Romagna, cun s’amparu de Tzitade metropolitana de Bologna e su patrotzìniu de su Ministeru de sa Cultura e de A.I.T.R – Assòtziu Italianu de su Turismu Responsàbile, est istadu presentadu eris in sa sala consiliare de su Comunu de Lanusè a sa presèntzia de sos protagonistas de una tapa chi pro sa tertza bia at torrare a  Ogliastra.  Su Fèstival lompet a sa de bìndighi editzione e a pustis de àere rugradu totu s’Itàlia e sas ìsulas, contòniat Ogliastra.

A pustis de su tema 2021 Deretu de Respirare e su de su 2022 Habitat – Istare su benidore, IT.A.CÀ at seberadu su tema  Totu un’Àtera   Istòria – Sas comunidades contant sos territòrios pro sighire sa riflessione de su fèstival, chi proponet sos passos sustenìbiles conca a una bera ‘responsabilidade’ de su turismu, cara a s’ambiente e sas comunidades chi istant in su territòriu. E est gasi chi IT.A.CÀ cun Totu una àtera Istòria sèberat de pònnere a su tzentru sas comunidades e sas persones.

In  sa cunferèntzia de imprenta de eris ant pigadu paràula sos comunos de Lanusèi, Àrthana e Biddamanna, sa cofundadora de IT.A.CÀ Sonia Bregoli, su diretore Pierluigi Musarò, su presidente de su GAL Ogliastra Vitale Pili sas ghias ambientales, sos artisanos de su màndigu e de sos materiales chi ant a èssere ispiradores e ispiradoras de sas esperièntzias de custa editzione de su Fèstival targada 2023.

Lanusèi, Biddamanna Àrthana, sunt sas biddas in ue su Fèstival at a fàghere tapa. In sos tres tzentros dae chenàbura 8 finas a domìniga 17 de cabudanni, b’at a àere duas chidas ideales pro bìvere su sartu in custa istajone, cun propostas pro bìvere eventos sotziales, trekking, addòbios e meda àteru.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Buscos Abertos 2026, battoro addobios po iscoperrere su Parcu de  Tepilora.

Sae de chimbe edissiones de “Buscos Abertos” est pronta a torrare a battire a su tzentru su patrimoniu culturale de su Parcu de Tepilora cun d’unu calendariu de battoro zoronadas ispartas in sos comunes de sa zura diffendida. Si partit sapadu 11 de aprile dae Lodè mentres sa die imbeniente s’initziativa at a passare in Bitzi. Su programma at a sighire su 19 in Torpè e at accabbare su 25 de aprile in Pasada.

Sa bogada a campu proponnet attividades pensadas pro unu pubbricu mannu cun attentzione particulare pro sas famiglias e appassionados de sa natura. Sas passizzadas ghiadas e sas attividades praticas ant a permittere de connoschere dae accanta logos e bistas apparande esperientzias derettas e chi appassionant. In su mentres de sas dies ant essere proponnidoss fintzas momentos dedicados a s’istoria, s’archeologia, su connottu locale e s’isport.

Non ant a mancare sos produttos de s’iscrocca e sos tribaglios de s’artesanadu imparis a momentos de disaogu e addobios musicales. Sos partetzipantes ant a podere rugare iscenarios meda divressos intre issos, dae sos buscos de s’arta Barbagia fintzas a sas zuras lentas de sa costa de sa Baronia sighinde su cursu de su riu Pasada. Sas bisitas si ant a podere faghere a pe, in bicicretta o a caddu oppuru in quad ma fintzas in kayak o cun d’unu trenu pitticcu, permittinde a tottus de seperare sa manera prus adatta pro bivere su Parcu.

S’initziativa est accottada dae sa Regione Sardigna e da sa Fundatzione de Sardigna e d’est ordiminzada dae sa cooperativa Istelai cun s’accottu de sos tzentros de educatzione ambientale de s’Agentzia Forestas, de sos assotzios locales e de sos operadores de s’iscrocca. Su presidente de su Parcu Martino Sanna evidentziat comente s’interventu est divennidu in sos annos un’addobiu importante meda, capatze de faghere accudire bisitadores e de favoressere una manera de bivere
s’iscrocca, prus attenta a sa natura, a sa cultura e sa cundivisione.

Buscos Abertos si cuffirmat duncas comente un’occasione pro connoschere dae accanta s’iscrocca, abbaccare sos ritimos e iscoperrere su balore de s’istare imparis in ambientes naturales de bellesa manna, balorizzande sos benes locales e su ligonzu intre comunidade e ambiente.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22