Su cantante nòdidu Joe Perrino, chi est istadu finas su cantante de bandas de sutzessu a livellu natzionale  “Joe Perrino and the Mellowtones” e “Elefante Bianco”, est abarradu interessadu in unu intzidente istradale grae acontèssidu in arburada Trieste in Casteddu. Sas cunditziones suas resurtaiant crìticas e s’agatat acanta su repartu de Rianimatzione de s’ispidale Brotzu, ma oe sos dotores ant naradu chi b’at calicunu singiale de megioramentu.

Sos mèigos ant esecutadu cun sutzessu un’interventu chirùrgicu de importu fundamentale e ant fatu ulteriores atzertamentos clìnicos pro bìdere sas cunditziones generales de su feridu. Nointames sos isfortzos de s’iscuadra mèdica, sa prògnosi est abarrada abarrat riservada finas a custu mangianu, cando sos dotores ant annuntziafu calicunu singiale de megioru.

Nicola Macció, nùmene beru de su cantante, est istadu ricoveradu in su matessi ispidale a pustis de s’intzidente. Issu est una  una figura nòdida e famada  in s’àmbitu musicale, mescamente in sos annos Otanta, cando at partetzipadu a vàrios fèstival rock natzionales e at fatu aparitziones televisivas in programas de importu comente a “Discoring”.

Sa dinàmica giusta de s’intzidente no est galu istada cunfirmada dae sos incuirentes, ma est istadu referidu chi Macció est istadu fertu in manera grave a càusa de sa rutòrgia chi at tentu cun sa mototzicleta sua. Si pensat chi s’intzidente siat istadu causadu dae una frenada improvisa de una màchina chi s’est firmada pro fàghere colare unu pedone. A pustis de s’intzidente sunt lòmpidos in deretura sos suncursos chi ant leau su feridu a sa lestra cun còdighe ruju a s’ipsidale, signalende sa gravidade de sa situatzione.

Sas retes sotziales sunt istadas prenas de messàgios de sustegnu in favore de su cantante, siat dae banda de su mundu e sa mùsica e de sa cultura, a livellu regionale ma fintzas natzionale, siat dae banda de apassionados chi in custos annos ant sighidu a iscurtare sas cantzones suas.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22