In su mare de Casteddu Sardu, in su bacu sutamarinu, sunt istados abbistados balenas e capodòglios pro sete bias in bator dies ebbia, cunfirmende s’ipòtesi initziale. S’istùdiu giutu dae su Wwf at cunfirmadu sa presèntzia de tzetàceos in su bacu, una badde sutamarina profunda chi andat  dae su tzentru de su golfu de s’Asinara cara a nord-ovest. Sos ricercadores de su progetu “Sardigna, sos gigantes ismentigados” ant impreadu idròfonos pro registrare sos signales craros de sa presèntzia de sos capodòglios.

Unu grupu de filmmaker est documentende totu su progetu pro realizare unu documentàriu. Su Canyon de Casteddu Sardu est una de sas “10 àreas pro s’amparu nou e afortiadu” individuadas dae su Wwf in Itàlia, paris cun su Santuàriu de Caprera.

Sa missione  de su progetu “Sardigna, sos gigantes ismentigados” s’est acumprida in manera parallela a sas tzelebratziones pro sa Die Mundiale de sos Otzèanos 2023. Su progetu, creadu dae R!SI in collaboratzione cun su WWF Itàlia e s’Amministratzione Comunale, est dedicadu a sa chirca de sos tzetàceos in su bacu sutamarinu de Casteddu Sardu, una faina chi non s’acumpriat dae su 1984.

Durante sa chirca, sunt istadas impreadas tecnologias innovativas comente a drones aèreos, idròfonos, sistemas de rilevamentu de su DNA ambientale (eDNA) e drones subàcueos. Sos idrofonistas de s’istatzione zoològica Anton Dohrn ant cunfirmadu sa presèntzia de sos tzetàceos, suportende sos inditos de sos piscadores locales. Sa biòloga esperta de megafàuna marina pro su WWF, Laura Pintore, at contadu de àere intesu sas tases crars de sos capodòglios a traessu sos idròfonos.

Sa presèntzia de balenas e capodòglios in su mare de Casteddu Sardu est de importu fundamentale pro sa produtzione de ossìgenu e sa tenta de s’anidride carbònica.

Su Canyon de Casteddu Sardu faghet  de sas “10 àreas pro s’amparu nou e afortiada”, individuadas dae su WWF in Itàlia, s’ùnica in Sardigna paris cun su Santuàriu de Caprera. Su progetu “Sardigna, sos gigantes ismentigados” at retzidu s’amparu de sa Fundatzione Sardinia Film Commission, de sa QYSEA, azienda chi produet drones subàcueos e est gestidu dae R!SI, unu progetu de comunicatzione ambientale, chi contat subra un’iscuadra de autores ispetzializados in collaboratziones ativas cun National Geographic, Rai e La Repubblica chi proponent unu acostamentu nou e trastos noos pro ispiegare in manera crara sos disafios ambientales de oe, de sa geopolìtica de sa transitzione energètica finas a s’iscumparta drammàtica de sa biodiversidade.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22