In sa die de sàbadu su 4 de làmpadas, a pustis de àere superadu in manera brillante sas cualificatziones, sos coghineris sardos Federico Durzu, 29 annos, de Casteddu, e Simona Balia, 27 annos, de Santu Antiogu, si sunt afirmados comente  sos binchidores assolutos de su Girotonno. S’istraordinària marrania issoro los at fatos divènnere  campiones indiscùtidos de sa Tuna Competition, una gara culinària chi at interessadu coghineris bènnidos dae ses paisos diversos: Itàlia, Giapone, Portugallu, Mèssicu, Argentina e Marocu.

Su disafiu finale, chi s’est tentu sàbadu su 4 de mese de làmpadas, at bidu sos coghineris italianos  cunfrontendesi in una cumpetitzione istravanada cun Roberto Okabe e Hasan Kamrul, coghineris de su Giapone. Sa vitòria est andada a s’Itàlia gràtzias a sa creatzione culinària issoro mutida “Testa di tonno in cassetta”. Custa retzeta innovativa est istada pessada impreende sas partes prus pagu pregiadas de su “corridore de sos mares”, oferende un’importante messàgiu contra s’isprecu alimentare e in favore de sa sostenibilidade ambientale.

Su Giapone s’est classificadu a su segundu postu, mentras su Mèssicu est lòmpidu a sa de tres positziones. Diana Beltran Casarrubias e Rodrigo Zepeda Sánchez, coghineris messicanos, ant retzidu fintzas su “Prèmiu ispetziale Originalidade e Creatividade” dae sa giuria tècnica. Sa motivatzione pro su prèmiu est istada su primore dimustradu in sa creatzione de unu pratu cumplessu, istruturadu in duas partes, chi at interessadu una dòpia coidura de s’ingrediente printzipale, su tunnu. S’echilìbriu perfetu intre sos ingredientes, chi at cumbinadu in monu sàbiu sabores àtzidos, salidos, tzichirriadores e durches, at riflètidu in modu perfetu sas traditziones culinàrias de su Mèssicu.

Sa vitòria de sos coghineris sardos in su Girotonno 2023 est unu motivu de grandu altivesa pro sa Sardigna e pro s’Itàlia, dimustrende torra su livellu elevadu de creatividade e capassidade presentes in sa coghina sarda.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Carrelas serradas, proibbissiones de arressada e zuras de su tzentru off limits: Nuogoro si approntat a sa bisita de su Presidente de sa Repubblica.

Nugoro si approntat a accollire su Presidente de sa Repubblica Sergio Mattarella e lu faghet cun d’unu pianu de organizassione mannosu chi prenettat carrelas serradas, proibbissiones de arressada e paritzas zuras de su tzentru de sa tzittade off limits po garantire sicuresa e ordine pubbricu.

Su Capu de s’Istadu est isettadu in s’isula po sos chentu annos de su premiu Nobel de Grassia Deledda, affussione de balore istoricu e culturale istravanadu po sa Sardigna e in manera particulare pro Nugoro.

Su Presidente Mattarella at arribare in Nugoro po intzidire a sas tzelebrassiones uffitziales dedicadas a s’iscrittora nugoresa, unica femina italiana chi at binchidu su Nobel po sa Litteradura. Su programma de sa visita sua prenettat una arressada a su Teatru Eliseo, inube bi at essere unu mamentu istitutzionale tzentrale de sa zoronada, e prus a tardu una bisita a sa domo-museo de Grassia Deledda, logu frigura de sa memoria e s’identidade culturale de sa tzittade.

Isettande s’arrivu de su Capu de s’Istadu, su Comune at preparadu unu pregone chi cambiat sa passada in manera de signifficu. In sas oras prima e in su mentres de sa bisita, bi ant essere proibissiones de arressada in sas carrelas in sas cales at a colare su curteu presidentziale e in sas zuras accanta a su Teatru Eliseo e sa domo- museu. Carchi carrela de su tzentru at essere serrada a su traffigu po carchi mamentu, mentres atteras zuras dislindas ant essere serradas fintzas po sos chi andant a pe po permittere chi sos appuntamentos istitutzionale si pottant faghere in siguresa.

Affortigadas sa mesuras de siguresa cun s’interventu de sa Prefettura, Questura e de sa politzia. Si prenettant controllos,travessas e politzia in sas zuras diligas de sa tzittade. S’intentu est cussu de garantire una bisita sigura,allindande meda sas discumbenias po tzittadinos e mercaderis, chi sunt bistados informados dae tempus de sas modifficas de sa circulassione.

Sa presentzia de Sergio Mattarella est unu mamentu de braga manna pro Nugoro, chi si approntat a tzelebrare una de sas friguas suas prus e importantes. Sa tzittade bivet oras de isettu e fermentu: iscolas,assotzios culturales e istitutziones sunt interessadas a ordiminzare sos abbenimentos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22