Henri Matisse est unu de sos prus grandu artistas de su Noighentos, ma subra de una parte manna de s’òpera sua b’at galu medas discussiones.

Oe, su Museu MAN de Nùgoro, pro sa prima borta in Itàlia, dèdicat ouna mustra a s’iscultura de Henri Matisse. Su progetu espositivu, contivigiadu dae Chiara Gatti, torrat a lèghere sos ispàtzios de su museu sardu, su cuntzatu inèditu e cumplessu de sa mustra Matisse Métamorphoses organizada in su 2019 dae sa Kunsthaus de Zurigu e de su Museu Matisse de Nitza.

Unu progetu destinadu a torrare a pensare a Matisse, chi torrat a considerare su ruolu de s’òpera sua in su panorama de s’arte de sa prima metade de su sèculu XX, a sa lughe de una chirca estètica prus ampra chi bidet in s’iscultura su veìculu pro solutziones rivolutzionàrias formales noas. Matisse at isvilupadu unu percursu de reduida geomètrica de s’imàgine chi l’at giutu cara a un’astratzione a sas làcanas de su radicale. Comente s’artista matessi aiat afirmadu in su 1908 : «su chi m’interessat de prus no est nen sa natura morta nen su paesàgiu, est sa figura». Sa figura, non pro su pathos suo, su lirismu suo, sos istados de ànimu o sa flessione esistentziale, ma pro su sentidu suo de presèntzia in s’ispàtziu e s’ideale evolutzione sua in su tempus.

Difatis Matisse at interrogadu su corpus in sa relatzione sua cun s’ambiente imbeniente e cun su mudare de sas tzircustàntzias in unu ratu de tempus dilatadu. Aco  tando s’evolutzione de unu datu naturalìsticu in una sìntesi finale chi sublimat sa contingèntzia in una dimensione de primore assolutu. S’ispàtziu cunditzionat, ateretantu, unu sistema de relatziones istrìgiles intre sustàntzia fìsica e bòidu, intre sos gestos e sas lìnias dinàmicas chi si disegnant in s’àera.

Henri Matisse est unu de sos prus grandu artistas de su Noighentos, ma de issu, in manera paradossale, est in discussione una parte importante de produtzione. Sa figura de Matisse iscultore no est, difatis, connota in sas pinnigas prus sùtiles de sa chirca sua. Mancari sa pintura siat semper abarrada sa modalidade espressiva printzipale sua, su “limbàgiu” suo e sa forma de iscumbata de su visìbile cale si fiat dedicadu totu sa vida, Matisse aiat giutu in cuntemporànea una riflessione subra de s’iscultura (e gasi puru subra de s’intzisione) chi faghet de issu unu de sos artistas prus cumpletos de su sèculu coladu.

Sa versatilidade sua at esploradu vàrias tècnicas in manera simultànea, cun curiosidade e isperimentatzione aguda. Subra de s’isfundu de custa abbistesa polièdrica, s’òpera iscultòrea de Matisse rivelat una vida parallela respetu a sa de su colorista, un’ànima dòpia intregada a sa matèria, a su volùmene, a s’ispàtziu, chi mèritat de èssere posta in relatzione – in cantu a protzessos e traguardos – cun sa de àteros iscultores mannos de su sèculu XX, erederis de sa letzione de Auguste Rodin e devènnidos ideadores de s’avanguàrdia. Dae Brancusi a Giacometti, dae Boccioni a Wotruba.

In collaboratzione cun Kunsthaus Zürich, Musée Matisse de Nice Catàlogo bilìngue ita/en: Sole24ore Cultura. Testos de Sandra Gianfreda, Bärbel Küster, Chiara Gatti Cun sa partetzipatzione de su Museu Archeològicu de Nùgoro.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Pranos de creschida e balorizzassione de s’iscrocca: sa Fundatzione Barumini affortigat su soberamentu intre Europa e Italia.

Sighit su caminu de sa Fundatzione Barumini pro faghere connoschere sa Marmilla fora de sas lacanas regionale e natzionales. In sas urtimas chidas custu impignu si est abberadu cun sa partecipassione a duos abbenimentos importantes dedicados a su turismu e su soberamentu de sas iscroccas. Duas esperientzias divressas ma ligadas dae su mattessi intentu chi est cussu de contare un’iscrocca ricca de istoria cultura e bista.

Su primu mamentu est bistadu in Parigi pro su Salone Mondiale de su Turismu. Su seperu de si presentare imparis at dadu prus fortza a su nuntzu e at permittidu de apparare una bisione cumprida de sa Marmilla. Intro de sos logos espositivos sas realidades ant mustradu sas particularidades printzipales de s’iscrocca. Attentzione manna est bistada posta a sos sitos archeologicos, a sa natura e su connottu locale. Su tribagliu cundivisu at fattu divennere prus balida sa presentatzione e at attiradu s’interessu de sos bisitadores e operadores de tottu su mundu.

Cussu frantzesu est difattis unu de sos abbenimentos prus importantes in Europa pro custu campu. Accorrat donz’annu unu numeru mannu de partetzipantes e est unu puntu de addobiu intre chie tribagliat in su turismu e chie chircat logos novos de bisitare. In su mentres de su Salone sa Fundatzione Barumini Sistema Cultura at presentadu una manera de biazzare prus abbizosa e prus lenta. Unu turismu chi ponet a su tzentru s’esperientzia deretta, su cuntattu cun sa nadura e s’iscoperta de sas biddas pitticas. Sunt bistados contados sos caminos, su connottu e sos logos prus pagu connoschidos chi sunt una ricchesa manna pro s’iscrocca.

S’intentu est cussu de apparare a sos bisitadores un’esperientzia bera fatta de addobios connoschentzia e partecipassione. Unu modellu chi aunit cultura ambiente e identidade locale e chi puntat supra sa calidade de s’offerta prus che supra sa cantidade de sos bisitadores. Custu caminu mustrat chi su soberamentu de s’iscrocca non podet essere dassadu a su casu ma depet essere fraigadu cun attentzione e continuidade. Sa presentzia in mustras natzionale e internatzionales azzuat a affortigare sa frigura de sa Marmilla e a la faghet divennere semper prus connoschida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22