Paba Frantziscu at contadu duos episòdios durante s’interventu suo a sos Istados generales de sa Natalidade chi, faeddos suos, l’ant fatu pèrdere a beru sa passèntzia. Sos duos episòdios sunt capitados in pratza San Pietro, in ue su Papa s’est agatadu in una pariga de ocasiones dae in antis catedos tratados comente cristianos, o peus, comente fìgios dae sas meres issoro.

Su primu acontessimentu est de duas chidas a oe, cando su segretàriu suo s’est acurtziadu a una fèmina cun unu passeginu: «Issu, unu preìderu – narat Bergoglio – s’acùrtziat pro bìdere sa criadura. Ma non fiat unu pipiu, fiat unu catedu». E posca s’àteru fatu, durante s’udièntzia de su mèrcuris, cando su Papa est andadu a saludare sos fideles e at obiadu una sennora «de 50 annos comente a mie – at naradu brullende Bergoglio – Apo saludadu sa sennora e issa at abertu sa bussa narende: “Mi lu beneighet su pipiu meu?”.

E sa pròpiu cosa fiat unu catedu. Inie no apo tentu pru passèntzia e l’apo briagda meda: «Sennora, a l’ischit chi emdas pipios tenent fàmene e issa est mantenende unu catedu comente chi esseret unu pipiu…”». Duos anèddotos chi segundu su Papa sunt «iscenas de su mundu deo: ma si sas cosas andant gasi – agiunghet – at a èssere s’abitùdine de benidore, istemus atentos». In su mese de austu coladu Paba Frantziscu fiat istadu protagonista de un’àteru critica contra sos meres de animales domèsticos chi benint tratados comente fìgios. Fiat su 26 de austu, die mundiale de su cane.

«Inoghe in Europa sumus bivende unu perìodu de crisi demogràfica mala: ma sa gente imbetzes de fàghere sos fìgios preferint a tènnere canes, gatos e àteras bèstias. Sos animales non podent remplassare sos pipios. In su mundu tenimus bisòngiu de gente e si si sighei gosi sa populatzione at a sighire a imbetzere sena ricàmbiu generatzionale. Custu est  unu problema umanu, e fintzas unu problema patriòticu ».

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Portale digitale novu in Nugoro pro mezorare s’impittu de sas meighinas.

Unu sistema digitale novu pro conduire menzus sas meighinas e mezorare sa calidade de sas curas gratzias a un’impittu prus attentu de sos datos. Est custu s’intentu de Duttore Digitale, unu portale creadu pro rendere prus fatzile sa tramuda de informatziones intre dittas sanidarias e duttores e pro minimare sos isperdissios in s’ispesa de sas meighinas.

Sa base permittit de controllare e registrare sas retzettas de sos duttores recoglinde e esaminande sos datos supra de sas meighinas.In custa manera donzi duttore podet biere in manera simple e azzorronada comente faghet sas retzettas e cunfrontare sos datos suos cun cussos de s’Asl. Su disignu est bistadu presentadu in Nugoro in su mentres de unu addobiu ordiminzadu dae s’Asl n.3 imparis a sas zuras sotzio sanidarias. Ant partetzipadu duttores de base, de sos pitzinnos e proffessioneris de sos ambulatorios de s’iscrocca.

Su portale permittit a sos duttores de controllare s’attividade insoro dae su puntu de bista de sos costos e de sas cantidades faghinde sas retzettas cun prus attentzione e bidinde si bi sunt errores o cosas chi no andant bene. Intre sas funtziones printzipales bi sunt bilancios personalizzados e sinnos automaticos chi azzuant a cumprendere si bi sunt differentzias in cunfruntu a sos istandard prevedidos, mezorande su controllu de sas retzettas.

Custu sistema est unu primu passu assa parte de un’impittu prus zustu de sas meighinas cun vantazos siada pro sos malaidos chi podent rezire curas menzus, siada pro su sistema sanidariu chi podet minimare sos affianzos chi si podent evitare e impittare menzus sas disponibilidades. Su portale at azzuare fintzas S’Asl a connoschere in presse meda sos problemas in sas retzettas e intervennere in manera lestra pro garantire un’impittu prus siguru e balidu de sas meighinas.

In afficcu istrumentos comente custos podent dare unu contribbudu a rendere sa sanidade semper prus moderna e accanta a sos bisonzos de sos tzittadinos. S’impittu de sos datos, difattis,permittit de leare detzisiones prus scientes e mezorare s’ordiminzassione de sos servitzios e accottare su tribagliu de sos duttores in su controllu de sos malaidos mescamente in sos casos prus cumplicados. Sa digitalizzassione si cunfirmat gai una leva de fundamentu pro fraigare unu sistema sanidariu prus balidu, agguantabile e capatze de apparare curas de calidade a tottus.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22