Pro binti annos at pràndidu in su matessi ristorante. Su 4 de martzu coladu, però, s’òmine non s’est presentadu a papare in su locale. Sos frades Alessandro e Rosario Guido, meres de su ristorante, si sunt assustados e sunt andados a lu chircare a domo sua sarvende•li sa vida.

Su fatu est capitadu in sa bidda de Collepasso, in provìntzia de Lecce. Alessandro e Rosario annoditende s’ausèntzia de su cliente issoro fitivu ant proadu a lu mutire a su telèfono,  sena retzire risposta.
Duncas sunt andados a lu chircare in domo, pensende chi li podiat èssere capitadu calicuna cosa de malu. Difatis sos duos frades ant sonadu a su campaneddu e sende chi s’òmine no rispondiat nche ant isprantzadu sa ghenna e ant agatadu s’amigu in cunditziones graves.

S’òmine est istadu corfidu dae una punta a su coro. Sos frades de Collepasso duncas nche l’ant leadu deretu a su prontu sucursu.

“Fiat in domo sua, fuliadu in terra. No allegaiat e no ammentaiat nudda. Duncas amus pensadu a un’infartu.
Alessandro e Rosario non bolent èssere ringratziados pro su chi ant fatu. “Bivimus in una sotziedade de gente maleducada, acanta totus pensant a issos ebbia, sena respetu e prenu de  indiferèntzia. Ma nois pensamus chi imbetzes serbit rispetu e cura pro sos àteros, sende chi totus tenimus bisòngiu. Pro calicunu podet pàrrere una cosa istrana, pro nois est una cosa normale”, ant naradu sos duos ristoradores.

S’istòria at fatu su giru de totu sos giornales e sos duos ristoradores immoe in bidda issoro sunt casi cunsiderados eroes.

Su sìndigu at fatu sos cumplimentos a sos frades pro su chi ant fatu, neende chi bastat pagu pro fàghere bene, bastat a si pigare cura de sos chi nos inghìriant.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

S’istoria de su Casteddu Fubbalu, s’isquadra simbulu de sa Sardigna.

Sa sotziedade fundada in su 1920 in sa tzittade de Casteddu. Dae prus de chentu annos est unu puntu de relata po s’isport sardu e po medas appassionados de fubbalu. In sos primos annos de s’istoria sua, s’iquadra giogaiat mescamente in sos campionados regionales e minores de su fubbalu italianu. In cussu tempus su Casteddu non fuit ancora intre sas isquadras prus fortes de s’Italia, ma cun su passare de su tempus est creschida e at incumintzadu a mezzorare sos risurtados suos.

Una bortada importante arribat in sos annos Sessanta,cando su Casteddu resessit a arribare in Serie A, su campionadu prus importante de su fubbalu italianu. Dae cussu mamentu s’isquadra incumintzat a si faghere connoschere semper de prus fintzas a livellu naztionale. Su mamentu prus importante de s’istoria de su club arribat in s’istajone 1969-1970. In cuss’annu su Casteddu resessit a binchere s’iscudetto, su campionadu italianu. Est unu risurtadu istoricu pro itte est s’unicu iscudetto binchidu dae un’isquadra de sa Sardigna.

In cussos annos s’isquadra fuit ghiada dae s’allenadore Manlio Scopigno e intre sos giogadores prus importantes bi fuit Gigi Riva. Riva est cussideradu unu de sos attaccantes prus mannos de s’istoria de su fubbalu italianu. Gratzias a sos goals suos est divennidu su simbulu de su Casteddu e fintzas unu de sos giogadores prus amados dae sos tiffosos sardos.

Sa binchida de s’iscudetto est bistada una festa manna po totta sa Sardigna. Fintzas oe cussu sutzessu est ammentadu cun galabera manna e d’est unu de sos mamentos prus importantes in s’istoria de s’isport italianu. Pustis de cussos annos su Casteddu at sighidu a giogare po meda tempus in Serie A, ma at tentu fintzas mamentos diffitziles. S’isquadra at tentu simanas positivas e atteras prus cumplicadas, cun carchi masqada in sas categorias prus bassas. In sos annos Noranta su Casteddu est torradu a tennere resurtados bonos e at partetzipadu fintzas a cumpetissiones europeas, accomettande isquadras de atteros Paisos. Ets bistadu unu periodu importante po sa sotziedade e sos tiffosos.

In sos urtimos annos s’isquadra est bistada in serie A e in serie B.Mancari custu, su Casteddu sighit a essere un’isquadra sighida meda e d’est fintzas oe unu simbulu po totta sa Sardigna.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22