Presentadu in su 1995 dae Bill Gates cando fiat CEO de sa sotziedade, a pustis de 27 annos Microsoft at decraradu in manera ufitziale de àere sessadu de suportare su programma de Internèt Explorer.

S’est mortu Explores. Eja, est gasi. Comente a annuntziadu  Microsoft etotu su 14 freàrgiu 2023m tocat a nàrrere in modu definitivu  adiosu a Internèt Explorer, su programma de navigatzione essidu in su 1995 cun Microsoft e disabilitadu in unas cantas versiones de Windows 10 a pustis de 27 annos de servìtziu.

In sos meses imbenientes amus a assistire a sa rimotzione fintzas de sas referèntizas gràficas duncas ant a èssere burrados cun s’agiornamentu de Windows chi est programmadu pro mese de làmpadas 2023, s’icona de IE dae su menù de alluidura e a s’internu de sa barra de sas aplicatziones.

Su sutzessore de Internèt Explorer pro Microsoft est su programma Edge, chi gosat de una discreta cuota de mercadu gràtzias a s’integratzione cun su sistema operativu.

Essidu belle 28 annos a oe, Internèt Explorer at lòmpidu su màssimu de sa difusione in su 2004, cando at conchistadu una cuota de mercadu de su 94%, in unu su momentu chi finat essende Firefox de Mozilla o Safari de Apple.

Contra sa sotziedade de Redmond, a in antis in sos Istados Unidos e posca in Europa, fiat istada aberta un’inchiesta pro abusu de positzione dominante a càusa de Explorer, installadu in totu sos computer frunidos de su sistema operativu Windows. A sa sotziedade fiat istadu impostu de separare su sistema operativu de sos  àteros programmas. Como, su programma pro sa navigatzione Edge chi pigat su postu de Internèt Explorer devet cuncùrrere, a su mancu in popularidade, cun Google Chrome.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa Dea Mama: una de sas divinidades prus antigas de sa Sardigna.

Sa Dea Mama est una de sas friguras prus antigas e ammaghiantes de s’istoria de sa Sardigna. Si trattat de una divinidade feminina chi pro sas populassiones de sos tempos antigos mustraiat sa vida, sa naschida e sa saliosidade. Sos archeologos ant acciappidu medas istatueddas chi la mustrant in paritzos sitos de s’isulas, sinzu chi custa frigura teniat unu rolu importante meda in sa religione e sa cultura de sas comunidades antigas. Custos oggettos antigos sunt de mizza e mizza annos faghet, meda prima de sa tzivilidade nuragica.

Sas istatueddas de sa Dea Mama sunt casi semper pitticcas e fattas de terra cotta o in pedra. In casi tottus sas istatuas su corpus femininu est meda evidentziadu, cun tittas, bentre e costazos evidentziados. Custas formas non fuint unu particulare artisticu simple, ma teniant unu signifficu forte meda. Serbiant difattis a mustrare sa capatzidade de sa femina de dare sa vida. Pro sas populassiones antigas sa femina fuit bida comente una frigura sacra pro itte mustraiat sa naschida, sa creschida e s’andare a daenantis de sa comunidade.

In cussu tempus sa vida de sas pessonas fuit ligada a s’istrinta cun sa nadura. Sas comunidades biviant mescamente de laurantza e pesadura e dippendiant de su tottu dae sa saliosidade de sa terra.Si sos campos produiant pagu o si sos animales non proliffigaint, sa vida de sas biddas fuit in perigulu. Po custu motivu, sa saliosidade fuit cussiderada un’elementu de fundamentu e sa Dea Mama mustraiat propriu custa fortza de sa nadura capatze de ingendrare e nudrire sa vida.

Est probabbile chin sas istatueddas benzerent impittadas in su mentres de ritos religiosos o tzerimonias ligadas a sos mamentos prus importantes de sa vida de sa comunidade, comente sa semenadura, su regortu o sa naschida de sos pitzinnos. Pro mesu de custos ritos sas populassiones dimandaiant affianzu, bundantzia de sos regortos e primorosidade po sas biddas.

Sa Dea Mama fuit duncas bida comente una frigura amparadora chi garantiat s’ecchilibriu e su benessere. Intre sos oggettos prus connoschidos bi est sa Dea Mama de Turriga, un’istatuedda in terracotta de su terzu millenniu A.C. Sa frigura est bistada fatta sezzida cun sas manos supra de su bentre, unu gestu chi mustrat in manera crara su tema de sa maternidade e de s’ingendra de sa vida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22