Mattia Cristu, atleta de su Budo Clas Sardegna Tortolì/Barì, binchet totu in sos campionados natzionales de BJJ de Milanu: una satisfatzione manna pro s’Ogiastra chi pro meressimentu de su tortoliesu Mattia Cristu at otentu duas medàllias. Una vitòria manna pro sa sardigna e un’orgògliu mannu pero pro s’allenadore  Alessandro Fadda de su Budo Clan Sardegna Tortolì/Barì.

Est acabbadu oe in sa tzitade de Milanu su Campionadu Italianu de Brazilian jiu-jitsu GI (chimonu) e NoGi (sena chimonu) aparitzadu dae s’Unione Italiana Jiu-jitsu / Fijlkam. S’est tratadu de un’eventu de grandu importu, deduas dies de cumbatas sena pàsida chi ant bidu interessados maicantos partetzipantes chi ant acudidu dae totu Itàlia pro leare parte a custa manifestatzione manna meda.

Est istada un’ocasione bella pro s’Ogliastra e pro sa Sardigna pro si fàghere connòschere, gràtzias a su giòvanu Mattia Cristo, atleta de su Budo Clan Sardegna Tortolì/Barì, chi at otentu su màssimu resurtadu in in ambas disciplinas binchende sa medàllia dae oro eris in sa categoria cun chimonu  in s’adult Biaita -64kg e oe at cassadu sos aversàrios in sa categoria NoGi adult Biaita -61,5kg.

Satisfatzione manna peri pro s’allenadore, su maistru Alessandro Fadda chi at naradu comente su traballu e sos sacrifìtzios fatos in custos annos dae sos dischentes de sa palestra sua siant istados pagados e cumpensados dae custas vitòrias. Totu custu est istadu otentu sena perunu agiudu o finantziamentu pùblicu. Est mèritu de s’impinnu de sas famìlias e de sos atletas si como sa Sardigna e s’Ogiastra podent bantare custu resurtadu importante meda. “Suore, mùngia, oras meda coladas a s’allenare, infortùnios e savrifìtzis- at naradu Fadda- Custa est sa retzeta de unu resurtadu de cabbale. S’impinnu imbeniente pro sa palestra sarda at a èssere in a Siena in su torneu Warrior submission kings su 3 nadale, cun sos atletas Mattia Cristo e Nadir Petri.». S’allenadore at bòlidu concruire narende una cosa a s’amministratzione comunale: «Su BJJ no est un’isport minore e sos pitzocos chi lu pràticant mèritu de lis donare coddu e istima, sende chi cun custas garas si onorat totu s’Ogiastra e massimamente sa tzitade de Tortolì. Diat èssere istadu bellu chi sos amministradores s’esserent ammentados de issos».

“Progetu finantziadu cun s’Avisu Pùblicu IMPRENTAS annualidade 2021-2022”

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22