Chie fiat su poeta sardu Tigellio? A sangunadu si naraiat Ermogene, e fiat bìvidu in su primu sèculu a in antis de Cristos. Sos istudiosos pensant chi Ermogene esseret su sambenadu e Tigellio su nùmene.

S’acrobamentu de unu nùmene romanu e unu sambenadu gregu faghent pessare chi su poeta in berteru esseret unu libertu, duncas un’iscrau chi fiat resessidu a otènnere sa libertade.

Difatis fiant medas sos cantores de orìgine grega, un’arte chi sos romanos non praticaiant meda, ma chi fiat istimada meda dae sos ellenicos. A ogna contu Tigellio, in prus de èssere unu poeta fiat fintzas amigu de Giùliu Tzèsare e pròpiu pro custu motivu est divènnidu famadu e connotu. Ma sa cosa aiat iscasidadu s’imbìdia de sos collegas suos, chi fiant gelosos de custa amigàntzia. Ischimus chi Tigellio fiat sardu, unu rafinadu cantadore e un’amigu ìntimu de Giùliu Tzèsare, gràtzias a sos iscritto de Tzitzerone de de Oràtziu. Pròpiu Tzitzerone, in sas lìteras suas a sos amigos, lu mutit hominem pestilentiorem patria sua (un’òmine prus dannàrgiu de sa  pàtria sua), mentras Oràtziu  nos dat informatziones subra de sa morte sua, acontèssida intre su 40 e su 39 a.C..

Oràtziu, imbetzes, a unos cantos anno dae sa morte de su poeta sardu, in sa Satira III de su matessi libru, torrat a faeddare de Tigellio, narende chi fiat unu cantore istrambecu e  macu: a bias si poniat a cantare sena chi nemos si l’aeret pedidu e cun su matessi puntìlliu si refudaiat de cantare cando si ddu pediant. Li preghiate a bìvere in su lussu e abitaiat cun prostitutas, iente iscadentes. Sa cosa chi però sos collegas suos non bajulaiant fiat s’amigàntzia cun s’imperadore.

In su 1865 Pietro Martini aiat publicadu unas cantas pergamenas e còdighes antigos a tìtulu “Vita de Tigellio” fortzis de s’autore Sertorio (òpera resurtada posca èssere farsa sende chi faghiant parte de sas malifamadas Cartas de Arborea). A pustis de sa publicatzione Giovanni Spano aiat printzipiadu una campagna de iscavu in Casteddu, a presu de Stampaxi, pagu a tesu de s’Anfiteatru romanu, acanta fiant istados agatados sos restos de una residèntzia de su I sec. a.C. de sa tzitade antiga de Karalis. S’archeòlogu aiat cramadu in modu isballiadu custu cumplessu residentziale cun su nùmene de “villa de Tigellio”.

 “Progetu finantziadu cun s’Avisu Pùblicu IMPRENTAS annualidade 2021-2022”

Sos incantos de sa Sardigna, si ammaniant a accollire un’aundada chene cabidianu de interessu dae parte de agentzias internassionales ismastridas in su turismu de isposonzos de isfartzu.

S’isula de su Mediterraneu, si ammanitzat a abberrere sas giannas suas a una caravatza de spertos de su campu, chi arribant dae donzi parte de su mundu, cun attentzione particulare a sos Istados Unidos, a s’India e a su Mesu Oriente, in d’unu viaggiu chi ammaghiada, connoschidu commente Soulstir Trip, chi at incumintzare in su mese de Cabidanni.

Su primariu intentu de custu viazzu abbenturosu est cussu de acciappare s’immaginassione de sas parigas chi arribant dae tottu su mundu, cumbinchindelas a seperare sa Sardigna commente su logu po tzelebrare sa die pius importante de sas vidas insoro. Custu disignu audissiosu est naschidu dae sa partezipatzione de su frimmu disignu Love is Wedding e s’initziativa Say Yes in Italy, ambos impignados a favoressere sas estremadias italianas in su campu de sos isposonzos internatzionales.

Su SoulStir Trip promittit de essere una carraffale esperientzia, un’abbentura fundada supra s’iscoperta de sa natura innida, supra sas tradissiones de sa coghina, s’arte e sa posada unica, chi solu s’isula sarda ischit apparare. At essere un’occasione de non perdere po si tuffare in sas situassiones incantadas de unu logu, inube su passadu si fundet in
manera armuniosa cun su presente, creande iscenas chene tempus po sa die pius carraffale po una cropa.

Ma non sunt solu sas biddas de su Mesu Oriente a essere allibradas dae sas curnisas ispettaculares chi sa Sardigna podet apparare po un’isposonzu de sonniu. Sos Istados Unidos e s’India, in manera particulare, ant mustradu un’interessu chi est creschinde po sos isposonzos in s’Isula. Sas agentzias chi arribant dae custas biddas, battint
un’esperientzia manna in s’ordiminzu de isposonzos de isfartzu, chi resessint a isposare in manera perfetta, tradissione e modernidade, apparande in custa manera a sas cropas, un’isperientzia chi non si podet ismentigare e chi at addurare imprentada in sos coros insoro po totta sa vida.

S’agentzia indiana, in manera particulare, si annoditat po s’abilidade de sighire donzi elementu, dae sa cussoria particulare sighinde cun decorassiones reffinadas, creande unu logu prenu de maghia, chi incantat sos isposos e sos istranzos insoro. Cun d’una cura pretzisa de sos elementos e un’attentzione chene cunfruntos a sas esigentzias de sos isposos, custas agentzias tenent su compitu de trasformare donzi isposonzu in d’unu abbenimentu carraffale,
unu momentu de bellesa pulida e felicidade cun sa Sardigna commente isfundu chi che bogat s’alenu.

Po congruire, s’imbasione de sas agentzias internatzionales ismastridas in su turismu de isposonzos de isfartzu, est un’opportunidade unica po sa Sardigna, de mustrare a su mundu sas bellesas suas de sa natura, cultura
e de su mandigu cunfirmandesi semper de pius, commente unu de sos logos pius chircados, po chie sonniat un’isposonzu de contassia.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22