Prima est istada fata sa tzerimònia de acasàgiu in su setore arribos de s’aeroportu de Casteddu-Su Masu cun càntigos e pregadorias de sas mòngias e de sos fideles, a pustis sas relìcuias sunt istadas trasferidas, in forma privada, in sa capella de su Seminàriu de s’artzipiscamadu de Casteddu.

A merie a tradu, posca sa partèntzia pro Cuartuciu, a sa parròchia de San Pietro Pascasio in bia Tabarca, in ue ant a èssere acasagiadas finas a mèrcuris 16 de santandria in antis de su torrada a Roma e Torinu. Sa crèsia at a restare aberta totu sas dies dae sas 7.30 a sas 21, pro permìtere a sos fideles sa veneratzione de sos ossos.

Santa Teresa de Calcutta (Skopje, 26 de austu 1910-Calcutta, 5 de cabudanni 1997) est sa fundadora de sa cungregatzione de sas Missionàrias de sa caridade. S’impinnu totale suo a sos pòveros de Calcutta, est bàlidu a sa religiosa maicantos reconnoschimentos, intre sos cales su Prèmiu Nobel pro sa Paghe in su 1979. Est istada proclamada biada de Papa Giuanne Pàule II su 19 de santugaine 2003 e Santa de Papa Frantziscu su 4 cabudanni 2016. Sa memòria litùrgica sua ricurret su 5 de cabudanni.

Santu Giuseppe Benedetto Cottolengo (Bra, 3 de maju 1786-Chieri, 30 de abrile 1842) est su fundadore de sa Pitica domo de sa divina providèntzia e de sas cungregatziones a issa collegades: frades, mòngias e satzerdotes de su Cottolengo. Santu Giuseppe est istadu proclamadu Santu dae paba Pio XI in su 1934. Sa memòria litùrgica sua ruet su 30 de abrile. Est cunsideradu unu de sos santos sotziales torinesos.

Sos ossos de sos santos ant semper tentu unu rolu mannu in sa difusione de su cultu de sos òmines e de sas fèminas chi ant meritadu de èssere mutidos biados in su cursu de sos sèculos. Dae sos primos ossos cristianos atzapadas in sas catacumbas, a sas ispògias e frammentos sacros giutos dae Gerusalemme dae Elena, mama de s’imperadore Costantinu, sos ossos e sos corpos santos ant rapresentadu pro sas comunidades cristianas s’isperu de una partetzipatzione prus manna a sa gràtzia e a sa santidade pro mesu de su cuntatu diretu cun unu Santu. Custu cumbinchimentu assumet unu balore fintzas majore si faeddemus de sos ossos de Gesùs, comente  sas ispinas de sa Corona de s’iscravamentu, o sos Sacros craos, finas a arribbare a sa Sindone.

“Progetu finantziadu cun s’Avisu Pùblicu IMPRENTAS annualidade 2021-2022”

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22