In Sardigna sas tumbas ipogèicas, narat su giassu Nuret.net,  benint mutidas, belle ufitzialmente, Domus de Janas, est a nàrrere, literalmente “domos de sas fadas” pro more de su misteri chi las inghìriat. Nointames su tèrmine janas, segundu un’àtera ipòtesi, diat pòdere tènnere derivatzione dae Jannas (ghennas), est a nàrrere diant rapresentare su passàgiu chi dae su regnu de sos bios giughiat a cuddu de sos mortos. Difatis su nùmene Domus de Janas est unu de sos medas impreados dae sa ricu vocabulàriu sardu chi cumprendet: “domos de janas”, “domos de fadas”, “domos de cogas” “pèrcias de fadas”, “concheddas”, “birghines”, “forreddos”, “forrichesos”, “furrighesos” o “furrigheddos“, “coroneddos“, “ispiluncas“, “dommos de bìrghines” “forrus”, “forreddus”, “grutas”, e gosi sighende

Una de custas Domus de Janas però tenet unu nùmene chi currispondet a beridade: S’Incantu de Potufigati. De sas bator domus de Janas chi formant su famada tumba prenuràgica, in su nord-ovest de sa Sardigna, custa est est sa prus rica e galu intata.

Unu monumentu màgicu e etzetzionale. Sa tumba cun s’architetura pintada est sa prus famada de sas bator domus de Janas de sa necròpoli de monte Siseri, in su territòriu de Potuvigari, piticu tzentru a sa làcana intre sa Nurra e su Logudoro turritanu. Est nòdida comente s’Incantu, s’incantu: mai nùmene fiat istadu prus insertadu pro una meravìllia che a custa cun un’edade de prus de chimbe mìgia annos a oe, sa prus ispantosa de sas 215 domus isculpidas o pintadas (intre sas 3500 totales) iscobertas in s’Ìsula! A s’internu s’arte neolìtica  lòmpet a su màssimu de sa tècnica sua gràtzias a cumplessidade e armonia architetònicas, richesa e variedade de decoros e colores, un’istile ligadu a su riguardu de sos pòpulos prenuràgicos pro sos mortos. S’Incantu, iscoberta in su 1989, est datàbile intre Neolìticu reghente e Eneolìticu (3200-2600 a.C.) e fiat istada torrada a impreare finas a època romana. Est sa tumba I de su sepolcru iscavada a anfiteatru in unu pìgiu de tufu rosa fatu de sa costa de su monte Siseri, a un’artia de 850 metros. A pagas deghinas de metros s’agatant sas tumbas II e III, degradadas e allagadas pro sa ruta partziale de sas bòvedas.

 “Progetu finantziadu cun s’Avisu Pùblicu IMPRENTAS annualidade 2021-2022”

Sos tres durches pius famados de sa Sardigna: unu viazu intre connottu e sapores antigos.

Sos tres durches pius famados de sa Sardigna: connottu, festa e identitade in d’unu mossu. Sa Sardigna no est solu terra de bistas chi che bogant s’alenu, mare cristallinu e connottu de mizza e mizza annos: est puru una regione in sa cale s’arte de sos durches tenet unu rolu tzentrale, ligada a filu doppiu cun sa religiosidade populare, sas festas de sas biddas e sa trasmissione de sos sapires familiares.

Sos durches sardos contant istorias antigas, a s’ispissu trasmittidas dae ingendra a ingendra, preparadas cun sustiantzias simples ma de calidade e cun d’una cura casi maniattiga. Intre sas chentinaias de saporidesas chi animant sas mesas sardas in occasione de isposonzos, battizos, Pasca, Nadale e festas populares, tres durches si signalant po fama e diffusione: sas seadas, sos marigosos e sos gueffus. Tres conas de s’isula, donzuna cun d’una istoria, unu sapore e un’anima totta sua.

Sas seadas (o sebadas) sunt fortzis su durche sardu pius connottu a fora de sas lacanas de s’isula. Si trattat de unu culurzone mannu durche, preparadu cun d’una piza de simula fine, chi arregat unu coro modde de casu friscu de erbeghe, unu pagu agrittu, a s’ispissu aromatadu cun corzolu de limone.

Sos marigosos sardos sunt un’attera cona netzessaria de sa pastisseria de s’isula. A differentzia de atteras maneras italianas, cussos sardos sunt moddes, profumados e dae sa fortesa casi modde, cun d’una corzoledda lizera in sa parte de fora. Si ammanitzant tottu s’annu, ma in manera particulare po sas festas religiosas, sos isposonzos e sas tzerimonias.

Po finire, sos gueffus, connottos comente “suspiros  sunt bucconettes de pasta de mendulas, imboligados in papilu coloradu comente chi esserent caramellas. S’aera insoro allegra e festuliana los rendet interpretes de doinzi tzerimonia sarda, in manera particulare de battizos e isposonzos. In custos tres durches si cuncentrat s’essentzia de sa Sardigna: sa semplicidade de sas sustantzias, s’intensidade de sos sapores, su ligonzu fungudu cun sa terra e cun sos ritos de sa comunidade.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22