Sos giuigados, sas bator entidades istitutzionales chi fiat partzida  Sardigna a pustis de sa metade de su s’annu Milli, comente si podet lèghere in su giassu de Sardegna Cultuta, fiant organismos aparitzados dae su puntu de bista giurìdicu comente  beros istados. Su podere lu aiat su giùighe,  tìtulu chi ereditaiat  “de deretu”, chi aiat a disponimentu sos sigillos. Custos istruemntos de podere fiant giai in impreu in sas tziviltades mesopotàmicas e meda de prus in su Mèdiu Evu cun funtzione giurìdicu-diplomàtica, est a nàrrere pro dare valore legale a sos documentu prodùidos in sas cantzillerias, acanta, a costadu de su nùmene de su giùighe agatamus peri s’atributu de “rex”.

Importante meda est su fundamentu giurìdicu e culturale chi aiat determinadu s’organizatzione istruturale de sos giudicados, formada dae s’unione de elementos de traditzione grega (comente s’impreu de sa limba grega, a esèmpiu in su faeddu de màdrighe bizantina “regnum” giudicale) paris cun cussos de traditzione latina, pro more de sos cales si cheriat torrare a afortziare su raportu cun su mundu romanu-imperiale e papale.

Però non fiat esclùdida sa possibilidade de rennos “de facto”, chi s’oteniant in modu eletivu cun s’interventu de sa “corona de logu”, est a nàrrere cun sa reunione de sos rapresentantes de sos distretos amministrativos (sas “curatorias”).

Sas fontes documentàrias ant permìtidu de agatare provas de  sos tìtulos onorìficos de sos primos giùighes de su giuigadu de Casteddu – arconte de Sardigna, protospatàriu imperiale, arconte – peri sos nùmenes dinàsticos issoro atestados in iscritziones gregas: Torcotòriu e Getite, Torcotòriu, Salusio e Ortzocor, Torcotòriu, Salùsiu e Nispella. Custas iscritziones, pro comente sunt istadas iscritas, sa tècnica issoro e sa modalidade, non lassant peruna duda subra sa pertenèntzia issoro a s’isfera culturale de sa classe dominante, comente a non pro àteru lassat in manera crara cumprèndere fintzas s’assòtziu issoro cun sas isculturas in màrmaru e sas decoraduras architetònicas impreadas comente arredos litùrgicos, chi si podent classificare comente espressiones de una iscola artìstica mediobizantina rafinada meda e de seguru cummissionados  dae sos matessi giùighes chi aiant fintzas sa capassidade econòmica de si pagare custos lussos che daiant fama e glòria a sa dinastia issoro.

 “Progetu finantziadu cun s’Avisu Pùblicu IMPRENTAS annualidade 2021-2022”

Sas vias de sa tramuda, a daenantis cun iscavos e balorizzatzione: risurtados novos in sos nuraghes de Tortulè e Triei.

Andant a daenantis cun resurtados importantes sos interventos de iscavu,accontzu e balorizzatzione de sas alas nuragicas intzididas in su disignu “Sas vias de sa tramuda” in Ozzastra. Duos in particulare sos logos interessados dae sos tribaglios: su nuraghe s’Ortali ’e su Monti in s’iscrocca de Tortulè, e su nuraghe Bau Nuraxi de Triei, ambos duos a su tzentru de avantzamentos importantes supra su pianu iscientificu e de su recreu pubbricu de su tempus benidore.

A s’Ortali ‘ e Su Monti, unu de sos sitos  appillados prus nodidos e bisitados de s’Ozzastra, est finida sa fase de iscavu archeologicu. Su cumplessu, chi accansat nuraghe,pobuladu, tzirculu megaliticu, domus de janas e tumbas de tzigantes, sighit a torrare notissias novas mancari sos istudios los fettant dae tempus meda. Sas scruccullas fattas dae pagu ant fattu iscoperrere atteras zuras de interessiu, amprariande sas connoschentzias supra su situ e arricchinde s’esperientzia culturale apparada a sos bisitadores.

S’interventu, fattu sutta s’affilamentu de sas Sovrintendentzias archeologicas, est bistada fatta mescamente po una turre accosta e s’antemurale de su nuraghe. In su mentres de sos tribaglios sunt bistados iscopertos po su prus, picculos de isterzos de attividades in domo, comente su tessinzu e s’ammaniada de sa cosa de pappare. Finida sa fase de iscavu, su disignu bintrat como in d’una fase nova chi prenettat interventos de accontzu, su faghere un’impiantu novu de sa lughe- pensadu fintzas po su sero, e sa creassione de unu caminu novu po bintrare a su monumentu. Si at a faghere puru s’azzorronamentu de su sistema de sas notissias e de sos poster, po rendere prus fatzile sa bisita e mezzorare sa cumpresa de unu situ de cumplessidade manna. Sa summa totale de sos tribaglios, partidos in su mese de aprile 2025 est de casi 200.000 euros.

Novidades importantes arribant puru dae su nuraghe Bau Nuraxi de Triei, inube in su mese de martu passadu sunt bistados cussinnados sos tribaglios de iscavu. Su situ, chi est mannu meda e de importantzia iscientifica, fuit bistadu scudrignadu solu in partzialidade in sos annos Ottanta. S’interventu de oe interessat in manera particulare sa zura chi andat a sa parte de su riu, una zura sinzada dae sa prena de su 2008 chi aiat fattu dannos a una parte de su cumplessu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22