Sa de bator editziones de su cuncursu HOME – House of Memory & Engagement est su progetu de s’istudiante de  su Litzeu Artìsticu e Musicale de Casteddu “Foiso Fois”  Gabriele Sanna, chi at partetzipadu cun unu progetu “L’alba del sapere”,  unu murale chi èssere pintadu in  unu muru de su Tzentru de Protagonismu de giòvanos de Torinu.

HOME – House of Memory & Engagement est unu progetu integradu de sa Fundatzione Gramsci chi naschet cun s’obietivu de interessare sa tzitadinàntzia e torrare a su territòriu non petzi un’ispàtziu (domo Gramsci), ma fintzas unu logu chi a traessu de sas paràulas e s’istòria de Gramsci, giòvanu istudiante foras de sede, indànimit e promovat sa produtzione artìstica e culturale de  àteros giòvanos istudiantes de oe.

Su progetu previdet unu cuncursu creativu pro studentes de totu su territòriu natzionale. S’obietivu est cussu de torrare a lèghere sas òperas de Antonio Gramsci e nde torrare a interpretare su pensamentu cun plùrimas espressiones artìsticas.

A is concorrentes benit rechertu de progetare òperas cun sa tècnica de sa poster arte previdende a su tèrmine interventos in sa tzitade de Torinu. A su cuncursu est assotziada un’oferta formativa cun sa possibilidade de istipulare cunventziones pro sos PCTO.

Destinatàrios sunt istudiantes de sas Iscolas Segundàrias de su segundu gradu, CPIA, istrutzione e formatzione professionale, Universidade, arta formatzione artìstica e musicale. Sa de bator editziones de su cuncursu de su tìtulu “Rivoluzione e Muralismo” est istada realizada in partenariadu cun s’Arci de Torinu e s’Assòtziu de sos Sardos in Torinu “Antonio Gramsci” cun su propòsitu de segugiare sos istudiantes de totu su territòriu natzionale a redatare unu progetu pro sa realizatzione de unu murale, unu vìdeu o una iscenegiadura cuntza pro unu podcast.

“Progetto finanziato con l’Avviso Pubblico IMPRENTAS annualità 2021-2022”

A sa passizzada coberta de su bastione de Saint Remy, unu de sos logos pius ammajosos de Casteddu, bi at essere s’edissione de iberru de sa “Grande Jatte”, un’abbenimentu chi ponet impare cultura, istoria e connottu.

Cust’annu, su tema seperadu est “Tzelebrande sa Bohème”, unu donu a Giacomo Puccini po su chentenarju de sa morte sua. S’opera sua “La Bohème”, mustrada po sa prima borta in su 1896, at essere su filu po conduire una die affundada in sa situassione de sa Belle Epoque. S’abbenimentu at incumintzare a sas 11 cun s’abbertura a su pubbricu. Gratzias a sa partetzipazione istravanada de s’Assotziu Giuseppe Verdi de Monserrato, sos bisitadores ant essere accollidos dae aeras famadas de s’opera de Puccini, interpretadas dae tenores e tiplis de talentu mannu.

Sa sala po su tè apparitzada dae su Caffè De Candia, at a faghere de curnisa a custas mustradas, chi ant a revocare sa galanza e sa delicadesa de sa fine de s’Ottichentos, carrande sos presentes in d’unu viazzu in daesegus in su tempus. A rendere meda pius istravanada sa situassione at essere sa musica dae su bivu de sa truppa de arcos Orchestars, formadu dae dischentes zovanos de sas iscolas de musica de s’ala de Casteddu, impare a musicistas proffessioneris. Custu cumplessu at accumpanzare puru su Gran Ballo di Chiusura, donande a sos partetzipantes unu momentu de maghia.

Addia a sa musica e a s’intertenimentu, s’abbenimentu at a offerrere paritzas attividades a tema. Sa sperta de maneras bonas Elenora Cabras at a faghere una lessione dedicada a sas maneras bonas de cussu tempus, mentres Lady Marion at a ghiare sos cumpanzos in sos ballos proprios de sas salas de ballus de s’ottichentos, cun lessiones de introdussione abbertas a tottus.

Sa Grande Jatte non potiat mancare de tzelebrare s’aera de Nadale, bida s’accurtzesa a s’8 de Nadale, die in sa cale po su connottu, s’incumintzat s’istagione de sas festas. Po cussu, tottu at essere arricchidu dae sa presentzia de sos Glee’s, chi ant a proponnere una regorta de nadale ispirada a su connottu inglesu.

Commente dae su connottu, no ant a mancare sos momentos classicos de sa Grande Jatte: sos cuncursos po sos menzus bistires, custa borta ispirados a su gustu bohèmien, sa mustra mercadu de maistros e hobbistas e sos artistas de carrela.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22