S’intzidente est sutzèdidu in s’istrada istatale 387: unu frontale posca un’atumbada cun un’àtera màchina ant causadu sa morte de un’òmine de casteddu de 67 annos e su feriment de àteras chimbe persones.

Unu mortu e chimbe feridos: est custu su bilantzu tràgicu de un’iscontru intre tres màchina acontèssidu in sa note pagu prima de sas 2 de mangianu in s’Istrada istatale 387, a su chilòmetru 6,5 pròpiu a s’artària de Ceraxus. A abbarare mortu est istadu un’òmine de casteddu de 67 annos. In s’intzidente sunt abbarradas feridas peri àteras chimbe automobilistas, chi sunt istados leados de presse dae sos sucurridores a sos diversos ispidales de Casteddu.

Segundu sos rilievos de sas autoridades sas tres màchinas chi sunt istadas interessadas in s’intzidente sunt un’Hyundai, un’Audi A3 e una Ford. SA vìtima fiat solu a sa ghia de sa prima màchina chi, pro motivos chi sunt galu de averiguare, nch’est andada a pitzu de s’Audi chi beniat dae Casteddu conca a Partiolla. S’atumbu est istadu forte meda, e s’òmine de 67 anno est mortu de repende. Sa màchina sua, sa Hyundai, nch’est acabbada a pistu de un’àtera màchina, una Ford chi andaiat conca a Casteddu.

Si sos tres ocupantes de sa Ford non sunt graves, ant tentu petzi calicunu lidigore. Imbetzes,meda graves sunt sas cunditziones de sos duos ocupantes de s’Audi, chi sunt istados leados ambos duos a s’ispidale in còdighe ruju. Sas chimbe persones chi sunt abarradas fertas sunt totus de sa bidda de Partiolla.

Sos rilievos de ritu sunt istados fatos dae sos carabineris de Ceraxus e dae su Nùcleu operativu radiomòbile de Cuartu, coordinados dae su capitanu Gianni Russo, dae su tenente Ignazio Cabras, dae su logutenente Giorgio Faedda e de su maresciallu Daniel Lombardi. Sos carabineris sunt chirchende de cumprèndere comente siat sutzèdidu s’intzidente e is dinamica suas, pro averiguare sas possìbiles responsabilidades.

“Progetto finanziato con l’Avviso Pubblico IMPRENTAS annualità 2021-2022”. 

Gaddura, blitz anti-malusantzias in sos fraigos:siziglios a villas, cumplessos turisticos e zilleris supra su mare.

Dae sas villas privadas a sos cumplessos turisticos, dae sos magasinos de sa laurantza a sos zilleris supra sas plajas: sos controllos de su Corpu Forestale e de mirada ambientale, dimandados dae sa Procura de Tempio Pausania, ant battidu a una passada de sequestros de prevensione po malusantzias in sos fraigos in Gaddura e in sa costa norte-orientale de sa Sardigna. S’operassione puntat a tutelare sa bista e s’ambiente dae cambiamentos chentza autorissasione in zuras de primore mannu.

Intre sos casos cuntestados bi sunt villas de isfartzu in Porto Rotondo, cun allargamentos abbusivos e fundagos divennidos domos chentza permissos; unu magasinu de laurantza in Terranoa, passadu in deposit e buttega po bendere materiales po fraigare; unu cumplessu turisticu in
Punta Volpe cun accreschimentu de sa volumetria e cambiu de s’impittu de su fundagu; tres domos in Golfo Aranci postas intro de una zura dilica cun pischinas, isbuscamentu de arbules e una carrela de terra po andare in sa plaja; e unu zilleri in Arzachena, supra sa plaja de Liscia Ruja, cun istrutturas deffinitivas supra sa rena demaniale brivas de autorissasiones.

Sas scruccullas sunt andande a daenanti po accrarare sas responsabilidades, mentres domos e zuras adurrant sutta de sequestru ispettande sas detzisiones de sos zuighes. Su blitz cunfirmat comente, in d’una regione inube sa bellesa de sa bista est fintzas una calidade accolomica e de identidade de fundamentu, sa tutela de s’iscrocca adduret una prioridade assoluda, no solu po cuntrastare s’abbusivismu, ma fintzas po garantire un’isviluppu turisticu chi potat agguantare e chi rispettet s’ambiente.

In d’unu cuntestu comente cussu gadduresu, inube turismu e nadura bivent a cuntattu istrintu, su cuntrastu a sas anti- malusantzias in sos fraigos de domos assuntat fintzas unu balore importante meda e chi serbit a ammentare a tottu sos tzittadinos eimprendidores chi su rispettu de sas regulas est essentziale po mantennere sa bellesa de s’iscrocca, diffendere sa biodiversidade e garantire sa possibilidade de godire de una bista innida.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22