Cuntzitadinos istimados, m’intendo obrigadu a bos iscrìere pro bos allegare de unu problema sèriu chi finas a oe, forss, no est istadu tentu in contu meda.

Creo chi totus nois semus ischimus de is rincaros islegendados e iscriteriados chi, dae un’annu a oe e, prus che totu, in is ùrtimos meses sunt corfende in modu grave is fainas produtivas, is famìlias e is entes pùblicos chi donant de servìtzios a sa colletividade.

Unu problema atuale meda e cuncretu, tentu contu chi, segundu is previsiones de s’ANCI Sardigna, 317 de 377 Comunos piticos comente a su nostru, ant averiguadu unu rincaru mèdiu de 150.000 èuros.

Ite bolet nàrrere? Bolet nàrrere chi si non si pigant provedimentos a sa lestra, pro more de is rincaros  energèticos, belle totu is Comunos no at a resèssere a serrare is bilantzos de su 2022 e de non tènnere is risursas netzessàrias pro aprovare su bilantzu de previsione 2023.

A nudda sunt bàlidos is providimentos de agiudu siat istatales siat regionales chi in vàriu modu ant intentadu de alleviare custa problemàtica.

Unu rincaru mai bidu chi si sighit gosi a determinare in manera inevitàbile s’impossibilidade, fintzas pro is Comunos comente su nostru, de serrare is bilantzos o, peri peus at a causare una reduida de is servìtzios essentziales pro sa populatzione, prus che totu pro is famìlias chi tenent prus bisòngiu.

Difatis, segundu is previsiones nostras pro ispesa de s’energia elètrica, e biende s’andamentu macu e ispropositadu de su prètziu de s’energia elètrica chi, non solu non nde bolent intèndere de s’abbasciare, ma a s’imbesse sighit a aumentate, si non si faghet calicuna cosa in tempus, no amus a dèpere afronare unu problema contàbile ebbia, ma sotziale, cun cunseguèntzias graves pro sa situatzione econòmica de is famìlias e de is impresas.

In custas dies apo allegadu cara a cara su Prefetu de Nùgoro, su Presidente de s’ANCI Sardigna, unos cantos rapresentantes in consìgiu regionale e parlamentu natzionale chi subra su tema, diat pàrrere chi siat chirchende de agatare solutziones.

Mancari gasi, non podende ispetare prus, bidu chi is solutziones risolutive podent èssere adotadas petzi dae àteros livellos istitutzionales, peri si is annos colados amus fatu meda investimentos in matèria de rispàrmiu energèticu, pro chircare de tutelare is echilìbrios de bilantzu e, a muntone, is servìtzios chi su Comunu depet donare a sa tzitadinàntzia o, comente si siat, moderare is discumbènios a dannu de sa comunidade, in data de oe apo adotadu custa ordinàntzia apretosa chi imponet unu rispàrmiu lestru, progressivu e mannu meda a is costos energèticos generados dae su Comunu.

Si tratat de unu primu providimentu apretosu e improrogàbile. Nos riservamus de nde pigare àteros a pustis de una valutazione atenta de s’istadu de is consumos, de sa variatzione de is prètzios de mercadu e de is providimentos cuncretos chi, nos auguramus, bèngiant adotados a sa lestra dae is vàrios livellos istitutzionales pro more de parare fronte custu apretu grave meda.

Caros Cuntzitadinos bi pedo, duncas, de cumprèndere su momentu crìticu chi siamus bivende cun su cumbinchimentu chi ogni sacrifìtziu de oe at a garantire unu mègius gosamentu de is servìtzios erogados in su futuru imbeniente.

Gràtzias pro sa collaboratzione.

Fabiana Casu Pierpaolo Piras Andrea Murru Mauro Piras Cristian Barrili Maria Luisa Atzeni Jessica Todde Marco Mascia Fabio Todde Federico Mulas Nicola Angius Francesca Uda

“Progetto finanziato con l’Avviso Pubblico IMPRENTAS annualità 2021-2022”

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22