Stefano Nieddu, atleta ogistrinu de Tortolì, giai campione de su mundu in sa categoria -90kg e segundu assolutu in totu sas categorias, at detzìdidu chi at a leare parte a sos Europeos de Powerlifting chi s’ant a cumentzare su 17 de custu mese in Inghilterra. Si tratat de unu disafiu importante, ma tocat a subènnere chi pròpiu issu est su chi detenet su record pretzedente, ma pro custa marrania noa tenet bisòngiu de ampulare galu de prus su lìmite suo, mancari si tratet de una mesura chi nemos prima de issu aiat otentu in Sardigna.

Ùnicu de s’Ogiastra a rapresentante de sa Sardigna, Nieddu duncas dae su 17 de cabudanni at a èssere presente in su Stoke Madeville Stadium, in contea de su Buckinghamshire, pretzisamente in sa tzitade de Aylesbury -.

Nieddu duncas no at fatu mancu a tempus a torare dae is fèrias chi un deretura est dèpidu imbucare in palestra pro s’allenare pro leare parte a custa cumpetitzione. Sa cosa prus importante pro issu est a fàghere una bella gara e una bella figura in sa cumpetitzione, acanta giain ins 2019 in Polònia, fiat lòmpidu primu in s’ispetzializade deadlift (ampulamentu de su sacu dae terra) in sa categoria – 90 kg.

S’ogiastrinu in su maju de ocannu est resèssidu a ugualare su primadu europeu de ispetzializade in sa categoria sua , artziendelu dae 300 a 320 kg, in sa de tres artzidas in ocasione de sa gara natzionale (Federatzione wdfpf), in una tapa de su campionadu sardu.

Tocat a nàrrere chi sa làcana pretzedente fiat istada istabilida dae Nieddu etotu, ma cun custa marrania noa est preparendesi a artziare una mesura chi mai prima de issu un’atleta de s’Ìsula fiat resèssidu a ampulare. S’atleta s’allenat in sa palestra BeneFitness ASD de Tortuelie, est suportadu a livellu fìsicu e mentale dae s’allenadore Daniele Conchedda, chi est istadu comente sa manu de deus pro su crompimentu de custos incredìbiles resurtados. Nieddu est dae cando teniat 6 annos chi pràticat su Powerlifiting, un’isport basadu totu subra de sa fortza fìsica de s’indivìduu e subra de su megioru graduale de sas capatzidades de s’atleta.

“Progetto finanziato con l’Avviso Pubblico IMPRENTAS annualità 2021-2022”

Sa Sardigna de su rennu: unu tempus de autonomia e podere locale in s’ìsula medievale.

S’istòria medievale de sa Sardigna est sinzalada dae unu tempus ùnicu, cussu de sos zuigados, rennos autònomos chi ant caraterizadu s’ìsula intre s’XI e su XIV sèculos. Custos istados pitticcos, nàschidos a pustis de s’abbasciamentu de gadimentu de su podere bizantinu e de sas incurtziones àrabas, rapresentant unu capìtulu de fundamentu pro cumprèndere s’identidade istòrica e polìtica de sa Sardigna.

A pustis de sa fine de su poderiu bizantinu, s’ìsula s’est ispartida in rennos autònomos guvernados dae zùighes, friguras chi auniant funtziones polìticas, militares e zudiziàrias. Sos zudicados fiant ghìados dae famìllias nòbiles locales e si fundaiant subra unu assentu amministrativu e zurìdicu avanzadu pro cussu tempus. A su cumintzu si nche contaiant bator printzipales: su Zudicadu de Casteddu, su Zudicadu de Arbarèe, su Zudicadu de Torres (o Logudoro) e su Zudicadu de Gaddura.

Donzi zudicadu teniat capitale, esèrtzitu, leges suas e una istrutura amministrativa autònoma, chi permitiat de guvernare un’ iscrocca ispartida comente cussa sarda. Su podere de sos zùighes non fiat assoludu: s’azzudaiant cun unu cunsìziu de nòbiles e funtzionàrios locales chi los azuaiant a leare detzisiones.

Sa leze iscrita, connota comente Carta de Logu, mescamente in su Zudicadu de Arbarèe, regulaiat sa vida polìtica, econòmica e sotziale, istabilinde reglas tziviles e penales e amparande sos diritos de sos tzitadinos. Custu còdighe legale fiat un’istrumentu avanzadu pro cussu tempus e at influentzadu sa legisladura sarda in sos sèculos a pustis.

Sos zudicados, puru essende indipendentes, non ant bìvidu mai isulados: sas bèndidas issoro fiant ligadas a s’istrinta  a sas potèntzias de su Mediterràneu, comente Pisa, Gènova, Aragona e su Papadu. A mesu de alliantzas, cojas e gherras, ant chircadu de deffèndere s’autonomia insoro e de affortigare su podere locale.

Intre totus, su Zudicadu de Arbarèe s’est distìntu pro sa resistèntzia a sas dominatziones istranzas, in particulare in su mentres de sa luta contra de sos aragonesos in su  sèculu XIV.

S’abbasciamentu  lentu  de sos zudicados at cumintzadu cun s’abbattigu de fora e cun sas lutas intro de issos. A sa fine de su sèculu XIV, s’Aragona est resurtada a cunchistare sa parte pius manna de s’ìsula, annetende sos territòrios de sos zudicados e revertinde sa Sardigna in una regione suta su controllu aragonesu. Comente si siat, sa memòria de sos zudicados e de sas lezes insoro est abarrada biva in sa cultura e in s’istòria locale.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”