Acumpangiada dae su cumpàngiu nou Giovanni Angiolini,  at fatu bìsita a sa ’àrea nuràgica documentende in sas retes sotziales sa gita in terra sarda.

A Michelle sa Sardigna li praghet meda, e ancora de prus dae cando est paris cun su mèdicu sardu Giovanni Angiolini.   Michelle aparit semper prus amorada de s’ìsula e fintzas in sas retes sotziales non perdet ocasione pro cumpartzire traditziones e curiosidades subra de sa Sardigna, de seguru cunsigiada dae Giovanni, chi est originàriu de Tàtari.

A pustis de àere gosadu de sas bellesas de su mare sardu, Angiolini e Hunziker sunt andados a s’iscoberta de s’internu de s’ìsula, cussa chi cuat logos ricos de maghia e de istòria. Sa destinatzione seberada custa borta est su putzu de Santa Cristina. Si tratat de unu monumentu archeològicu tra sos prus famados e importantes de sa Sardighn, caraterizticu pro su colore nieddu de sa perda, e s’agatat a probe de Paule. Su putzu de Santa Cristina est datadu a su 1000 a.C. acapiada a sos cultos de s’abba e logu de osservatzione astronòmica.  Unu logu arcanu prenu de istòria chi de seguru est pràghidu  meda a Michelle.

S’isvìtzera at documentadu sa bìsita su in sas istòrias de Instagram. “Cando astrologia e ispiritualidade s’adobiant in un’esperièntzia ispantosa… 5000 annos a oe nd’ischiant meda de prus de nois”, at iscritu s’Hunziker in sos canales sotziales in riferimentu a  custu logu. Sa presentadora s’est fintzas lassada fotografare durante de sa bìsita pròpiu a s’essida de su putzu sagradu.  “E cando ses falada finu a fundu… torras a artziare… semper… e as a èssere prena de energia rinnovada”, at iscritu in sa descritzione de s’imàgine. S’autore de sas fotos est de seguru Giovanni Angiolini, chi fintzas issu subra in su profilu suo Instagram at posu is immàgines de sa  bìsita a su putzu de Santa Cristina iscriende: “In prus de 2000 annos de istòria cun un’energia incredìbile”.

“Progetto finanziato con l’Avviso Pubblico IMPRENTAS annualità 2021-2022”

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22