Casteddu, s’impossessat de profumos e bestimenta de marca pro unu balore de 600 èuros imbolighende·los cun su paperi de allumìniu. Arrestada pro fura agravada.

Sos Agentes de s’Iscuadra Volante ant arrestadu una fèmina de 41 annos pro su reatu de fura agravada. Su fatu est acontèssidu a inghìriu a sas 13 de eris cando sa responsàbile de una butega de bia Dante at pedidu agiudu a sa Politzia, mutende su 113, pro àere notadu una fèmina mentras fiat furende unos cantos produtos, cuende·los a s’internu de una bursa.

Sos politziotos de sas Volantes sunt intervènnidos deretu, pròpiu in su momentu chi sa fèmina fiat essendende dae sa butega, bursa a armucoddu, colende sas barrieras antifura, sena chi custas, però, donarent su signale de allarme.

Sa fèmina, duncas, est istada firmada dae sos Agentes chi l’ant pedidi de ammustrare su chi b’aiat in intro de sa bursa.

Sa fèmina de 41 annos de orìgines istràngias, chi s’est ammustrada collaborativa una bia agatada in sofata, at ammustradu su chi fiat dereta de nde furare: 5 cunfetziones de profumos e duas tutas de marca, pro unu balore de 600 èuros in totale.

Sos politziotos de sas Volantes ant notadu chi sas cunfetziones de sos nuscos fiant istadas imboligadas una a una cun fògios de paperi de allumìniu, gasi comente sas plachetas antifura de sos  bestires. Custu sistema at impedidu s’ativatzione de su sistema de allarme cando sa fèmina est colada in sas barrieras postas a s’essida de s’esertzìtziu cummertziale.

Totu sa cosa furada est istada torrada a sa propietària legìtima, mentras sa fèmina, giai gravata dae pretzedentes dae politzia pro reatos anàlogos, est istada trài acapiada pro fura agravada e poderada in Cuestura  in isetu de s’udièntzia de cunvàlida pro diretìssima meda prevìdida oe a mangianu.

 “Progetto finanziato con l’Avviso Pubblico IMPRENTAS annualità 2021-2022”

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22