A su sòlitu a 10 annos sos pensamentos de unu pipiu sunt semper sos matessi: s’iscola, sos giogos, s’isport e sos cartones animados. Pietro Pais tenet custa edade, ma at a èssere ammentadu pro un’acatamentu ispantosu chi archeòlogos medas espertos bisant dae totu sa vida. Su piseddu difatis at agatadu una punga de 5.000 annos in sa necròpoli sarda de Santu Pedru, in su territòriu comunale de S’Alighera.

S’amuletu aparteniat cun meda probabilidade a un’arcieri e est istadu datadu cun bona tzertesa cara a su de tres millènnios a in antis de sa nàschida de Cristu. A pustis de s’iscoberta a s’internu de una Domus Janas, su repertu de grandu balore est istadu trasferidu a su tzentru de restàuru de Tàtati pro totu sas anàlisis e sas curas chi pertocant in custos casos. S’amuletu fiat apuntu in una de sas tumbas   preistòrica istuvidas in sa roca.

Su Museu Archeològicu de S’Alighera duncas immoe tenet un’àtera prenda de ammustrare a su pùblicu de apassionados e bisitadores, chi at a bàlere de prus pròpiu gràtzias a su modu chi est istada agatada. Pietro Pais no est un’archeòlogu, ma unu de sos giòvanos istudiantes chi ant pigadu parte a unu cursu de formatzione tentu dae Luca Doro. Sos insegnamentos suos sunt istados pretziosos comente dimustradu dae s’iscoberta a pustis de su tziclu de letziones. Fintzas sos cumpàngios de classe de su pipiu, comente si siat, sunt istados ringratziados pro s’impinnu issoro, sinnu chi s’initziativa at a èssere repìtida, mancari cun s’isperu chi b’apat calicuna àtera iscoberta de balore.

Sa necròpoli de Santu Pedru, cussa acanta su  pipiu at agatadu s’amuletu antigu meda, est de orìgine pre-nuràgica e est de su perìodu Neolìticu. Si tratat de deghe tumbas iscavadas in sa roca. Sa tumba s’iscoberta ispantosa benit identificada cun su nùmeru unu, duncas est cuss prus importante de totu su cumplessu: no est fundamentale petzi pro su giassu archeològicu in chistione, ma pro totu sa Sardigna.

 “Progetto finanziato con l’Avviso Pubblico IMPRENTAS annualità 2021-2022”

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22