Galu de iscoviare sa data acanta at a èssere trasmìtida sa pintada dedicada a sa Sardigna. S’istajone noa est in direta sa domìniga sero a sas oras 21.30 in Sky Uno.

S’ ispetàculu televisvu de Sky “4 Ristoranti”, famadu meda a livellu natzionale e copiadu peri dae àteras natziones, faghet torra tapa in Sardigna.

In s’editzione noa, registrada s’istiu coladu e in direta a cumentzare dae domìniga colada b’at fintzas una puntada totu dedicada a 4 ristoreantes de sa Sardigna.

Su coghineri famadu Alessandro Borghese est andadu a s’iscoberta de S’Alighera, sa perla “catalana” de su nord de sa Sardigna.

Nautilus, Movida, Fronte Mare e Musciora: custos sunt sos bator ristorantes chi ant a cumpètere tra issos in sa tapa sarda noa de s’ispetàculu televisivu famadu meda. Galu non s’ischit sa die chi a èssere trasmìtida sa puntada. S’istajone noa est in direta sa domìniga sero a sas oras 21.30 in su canale  Sky Uno.

Comente semper, fintzas custa istajone su programma s’istruturat in puntadas in ue bator ristoradores si disafiant pro istabilire chie intre de issos est su mègius in una determinada categoria. Ogni ristoradore cumbidat sos àteros tres chi, acumpangiados dae su coghineri Borghese, cummentant e votant cun unu puntègiu dae 0 a 10 sas categorias de su disafiu: ambientazione, menu, servìtziu, contu de su ristorante chi los acasàgiat. S’esitu at a bènnere espressadu a pustis de àere esaminadu su locale, sas portatas ofertas in menù, su servìtziu de su gestore e su personale de sala e a pustis de àere retzidu su contu. De calicuna istajone, s’est agiunta sa categoria Special, chi càmbiat de puntada in puntada: totus e bator sos isfidantes, difatis, s’ant a dèvere cunfrontare subra de unu matessi pratu, protagonista de cudda puntada. Pro sos cuncurrentes de 4 Ristorantei rapresentat una dificultade in prus in sa gara, ma fintzas una possibilidade pro intrare a sas gràtzias de su giùighe supremu, su coghineri Alessandro Borghese, e otènnere unu bonus in su puntègiu finale. In pàliu pro su binchidore de cada puntada, su tìtulu bramadu meda de mègius ristorante e unu contributu econòmicu de investire in sa faina pròpia.

Comente  traditzione, ogni pastu est pretzèdidu dae s’ispetzione de su coghineri Borghese de sa coghina de su ristorante. Totu benit osservadu a sa minuda, pro un’anàlisi chi sighit posca fintzas durante su pastu, cuntzentrende·si subra de su personale de sala, postu a sa proa pro su servìtziu a sa mesa, descritzione de su pratu e de su binu. Petzi a sa fine s’iscoberit sa detzisione de su coghineri, chi cun sos votos suos podet cunfirmare o «bortare totu sa classìfica». Su binchidore at a èssere cussu chi at a àere otentu su nùmeru majore de puntos. Su monteprèmios in pàliu est su tìtulu de mègius ristorante de sa localidade protagonista de sa puntada, paris cun unu contributu econòmicu de investire in su locale.

Totu sos ristorantes chi partètzipant a su programa sunt identificàbiles cun su bollinu de “4 Ristoranti” espostu a s’esternu, una rete de locales testados dae chie nde cumprendet: sos ristoratori etotu.

 “Progetto finanziato con l’Avviso Pubblico IMPRENTAS annualità 2021-2022”

Istadiu de Casteddu, cursa detzisiva assa parte de su bandu:s’intentu est  lampadas pro alcansare Euro 2032.

Su caminu a banda de s’istadiu novu de su Casteddu Fubbalu bintrat in d’una fase importante. S’intentu chi tenent su Club e s’amministratzione comunale est cussu de arribbare a sa pubbricassione de sa porfia pubbrica internatzionale intro de su mese de lampadas, coladorzu importante pro permittire a sa tzittade de Casteddu de addurare intre sas candidadas pro accasazzare carchi partida de UEFA Euro 2032.

Su puntu supra de s’isviluppu de su disignu est bistadu fattu in Roma, in sa sede de sa FIGC, in su mentres de un’addobiu cun s’UEFA, su Comune e sa sotziedade ruju e blau. A su tzentru de su cunfrontu mescamente su rispettu de sos tempos e su livellu de creschida de su disignu tennicu, amministrativu e accolomicu finantziariu de s’impiantu,destinadu a remplasare s’istoticu Istadiu S.Elia, chi che at essere imboladu pro faghere logu a su novu modernu e chi at a serbire pro medas cosas.

Sos tempos sunt serrados. Sa pubbricassione de su bandu intre s’incumintzu de s’istiu est una cosa essentziale pro itte s’UEFA potat ponnere Casteddu in sa lista de sas tzittades candidadas giai intre triulas 2026. Pro custu motivu, intre sas chidas chi ant a bennere si at a cuntzentrare su tribagliu supra sos urtimos coladorzos amministrativos chi sunt de deffinire.

Addurant difattis de ispinnicare paritzos crobos ligados a su dirittu de supraffitzie e a su canone, chi sunt tzentrales po deffinire su Pianu accolomicu e finantziariu chi est preparande s’amministrassione comunale. Solu pustis chi ant essere deffinidos custos puntos at essere possibile trasmittire su Pef a su Ministeru de s’Accolomia e de sas Finantzias, po retzire sa decrarassione de Interessu Pubbricu in Cunsizzu comunale e faghere su bandu internatzionale.

Dae s’incontru romanu est bessidu a pizzu unu cuncordu istitutzionale supra s’importantzia istrategica de s’opera e unu apprezziamentu pro su tribagliu fattu fintzas a como. Su disignu, secundu cantu si connoschet, diat aere apperricadu unu livellu de isviluppu chi benit cussideradu coerente cun cantu benit dimandadu pro un’accadessimentu internatzionale comente s’Europeu 2032.

Parallelamente, si registrat unu mezzoru in sa propriedade de su club. Unu coladorzu chi diat podere garantire meda prus fortesa finantziaria e agguantare s’imbestimentu ligadu a s’impiantu novu, elementu crae in su pianu de creschida de su club.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22