In Sardigna comente in medas àteros logos, est una cosa chi non tocat a fàghere mai, pro ite est unu sinnu de mancàntzia de respetu in os cunfrontos de sa religione  e posca est una cosa chi portat iscomìniga pro chie bi credet, est cussa de pònnere a rughe is posadas.

In Sardigna b’at costumàntzias e de sas traditziones e gestos fitianos de orìgine antiga meda chi sunt ancora oe raighinados intre sas persones. Medas de custos gestos intrant a giogu cando nche si setzet in mesa pro mandigare o pro bufare paris cun amigos e parentes.

Si bivides in Sardigna o frecuentadas a s’ispissu in s’ìsula est seguru chi bos seis abigiados chi belle perunu si permitet de ghetare su binu o sa birra cun sa manu a travessu o de pònnere su pane in sa mesa fundu a susu, pro ite sos chi sunt papende paris cun bois, seguru chi non li sagradat su chi sis faghende. Difatis est unu sinnu de malarespetu mannu, chi non benit atzetadu dae nemos.

Ma un’àtera cosa chi non tocat a fàghere mancu pro brulla est cussa de rugrare sas posades in sa mesa: in Sardigna comente medas partes de s’Itàlia meridionale,  est maleducazione e sinnu de pagu respetu in sos cunfrontos de sa religione pònnere sas posadas una in pitzu de s’àtera in sa meda. Medas pensant difatis chi pertet male.

Segundu sa traditzione, difatis, sas posades non devent mai èssere rugradas ca sa forma a X ammentat s’iscravamentu, tando sos tormentos patidos dae Gesùs Cristu. Pro respetu si diat dèvere evitare de fàghere sa Rughe in sa mesa, francu chi custa non serbat pro dare donu a su Sennore.

Unu àteru creìngiu,, imbetzes, est ligadu a s’època de sas Cortes e de sos ispuntinos. A s’ispissu, difatis, capitaiat chi sutzediant brigas intre sos invitados, una “rugrada”, apuntu, de ispadas. Fàghere rugrare sas posades, duncas, diat pòdere causare brigas e discussiones, segundu sa traditzione antiga.

 “Progetto finanziato con l’Avviso Pubblico IMPRENTAS annualità 2021-2022”

Iscoperta una necropoli in su Nord Sardignain su mentres de sos tribaglios po un’approntu solare.

Un’iscoperta archeologica importante meda est bistada fatta in su Nord Sardigna in su mentres de tribaglios ligados a sa produssione de energia pulida. In sa zura industriale de truncu Reale-Sant’Agostino, accanta a Tattari,sos iscavos de ammaniada pro fraigare un’approntu solare ant fattu bessire a pizu una necropoli chi fintzas a oe non fuit bistada mai iscoperta.

S’accattu est sutzessu in sa zura curada dae su Consorziu Industriale de Tattari. Sos iscavos sunt incumintzados in su mese de martu de su 2024, cando sunt bistados cunviados sos controllos de su terrinu prima de fraigare s’impiantu. In su mentres de custos controllos sos archeologos ant acciappidu istrutturas sutta de terra e, sighinde cun sos iscavos, ant cumpresu chi si trattaiat de unu logu antigu de tumba.

Secundu su chi pensant sos espertos, su logu est importante meda po s’istoria e s’iscentzia. In sa zura sunt bistadas agattadas tres tumbas mannas iscavadas in sa rocca, istrutturas mannas chi faghent pensare a tumbas de balore mannu po sas populatziones chi biviant in custa zura in s’antichidade. S’iscoperta est fintzas prus interessante pro sa presentzia de decorassiones fittadas supra sas barras’e muru de sas tumbas. Si trattat de signos e pintas fittados in sa rocca in sos seculos passados. Custa fittadas faghiant parte de su connottu de sos interros de sas populatziones antigas de sa Sardigna e a s’ispissu teniant unu signifficu simbolicu o religiosu.

Po sos istudiosos custos elementos sunt importantes meda pro itte podent azzuare a cumprendere menzus comente biviant sas comunidades de su tempus passadu e cale esserant sas credentzias insoro. Sas tumbas e sas decorassiones diant podere dare novas supra su connottu, sa cultura e sa vida de sas pessonas chi biviant in s’iscrocca tattaresa mizza e mizza de annos faghet.

Sos archeologos ant a sighire a istudiare sa zura e analizzare tottu su chi est bistadu acciappidu in su mentres de sos iscavos. Donzi particulare novu diat podere accreschere sas informatziones chi serbint pro fraigare s’istoria de su logu. Custa iscoperta mustrat un’attera borta cantu sa Sardigna siat ricca de testimonzas de su passadu. Fintzas in su mentres de tribaglios modernos, comente cussos ligados a sa produssione de energia, podet capitare de acciappare andalas de tziviltades antigas meda chi contant s’istoria longa de s’isula.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22